Esekiyeli 27:16 - Mandinka Bible

¹⁶ “Edomunkoolu fanaa ka waafiroo ke i yaa le, kaatu i ye marisandiisi siifaa jamaa le soto. I ka ñarandiri feŋolu, borodeelu, soobayi faani ñiimaalu, aniŋ bere ñiimaalu, mennu mu kuloori siifaa jamaa ti, faliŋ niŋ i la marisandiisoolu la le.

Esekiyeli 27:16 Mawu Ofanana

1 Musa 10:22

Ñinnu le mu Semu dinkewolu ti: Elamu, Asuri, Aripakisadi, Ludi aniŋ Aramu.

1 Musa 28:5

Wo le to Isiyaaka ye Yaakuba bula, a taata Padani-Aramu, Labani yaa, Betuweli Aramunkoo dinkewo, Rebeka baarinkewo, Rebeka meŋ mu Yaakuba niŋ Esawu baamaa ti.

2 Samuweli 10:6

Kabiriŋ Ammoninkoolu ye a loŋ ko, ì ye konnanteeyaa le ke Dawuda la, ì ye Aramunkoolu la sinna kelediŋ wuli muwaŋ ne luwaasi ka bo Beti-Rehobu aniŋ Soba, Maaka mansa aniŋ kee wuli kiliŋ, aniŋ fanaa kee wuli taŋ niŋ fula, mennu bota Tobu.

2 Samuweli 15:8

Nte i la joŋo, ŋa laahidoo le taa, kabiriŋ m be Kesuri meŋ be Aramu. N ko, niŋ Yaawe ye m murundi naŋ Yerusalaamu, m be a batu la Heburoni le.”

2 Samuweli 8:5

Kabiriŋ Aramunkoolu mennu bota Damasiku, naata ka Soba mansa Hadadesa maakoyi, Dawuda ye kee wuli muwaŋ niŋ fula le faa ì kono.

Esekiyeli 16:10

Ŋa i feetoofata niŋ soobayoolu la, aniŋ kulu samata ñiimaa. Ŋa mbasañoo niŋ borodee ñiimaa dii i la.

Esekiyeli 16:13

Kodiforoo niŋ sanoo, ŋa i ñarandi wolu le la, aduŋ i la sitifeŋo keta borodee, mbasañoo, aniŋ soobayoo le ti. Fariña kendoo, liyo, niŋ olifu* tuloo, wolu le keta i la domoroo ti. I ñiiñaata le fo labaŋo hani i si ke noo mansamusoo* ti le.

Esekiyeli 16:18

I ye i la soobayoolu taa ka ì muuri ì la, i ye n na olifu* tuloo niŋ n na cuuraayoo bondi ì ye sadaa* ti.

Esekiyeli 28:13

I be Edeni le nuŋ, Alla la naakoo kono. I ñarandita bere ñiimaa siifaa bee la, wolu le mu rubi beroo ti, topasi aniŋ emeradi, kisoliti, onisi aniŋ jasipa, safiiri, turuki aniŋ berili, ì kononkesemaa be sanoo kono. I daata luŋo meŋ na, ì bee be pareeriŋ i ye le.

Kiitindirilaalu 10:6

Banisirayilankoolu ye kuu jawoo ke Yaawe* ñaatiliŋo la kotenke. Ì tarata Baali* jalaŋolu niŋ Asitoreti* jalaŋolu le batu kaŋ. Ì ka Aramunkoolu, Sidoninkoolu, Mowabinkoolu, Ammoninkoolu aniŋ Filisitinkoolu la jalaŋolu fanaa batu. Ì ye ì koo dii Yaawe la, ì balanta ka a batu.