Esekiyeli 26:3 - Mandinka Bible

³ Wo kamma la Maarii Yaawe ye ñiŋ ne fo ko: “Ite Tire, m buloo be laa la i kaŋ ne, aduŋ m be banku jamaalu le wulindi la i kamma ko baa baliŋo ka wuli naŋ baa kono ñaameŋ.

Esekiyeli 26:3 Mawu Ofanana

Jabuuroolu 107:25

Kabiriŋ a kumata, turubaadoo wulita, a feeta, a ye fankaasoo jiibaliŋolu wulindi.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Yeremiya 21:13

A juubee, m be i kele la le, ite Yerusalaamu, wulumbaŋo santo siilaa, ite meŋ be tintindiŋ konko beroo kaŋ.” Yaawe le ye a fo. “I ka a fo ko, ‘Jumaa le si ntolu boyinkaŋ noo, waraŋ jumaa le si duŋ noo ntolu la buŋolu kono?’

Yeremiya 25:22

Tire niŋ Sidoni mansoolu fanaa bee, ka taa bankoolu mansoolu mennu be baadaa borindoo la baakoo,

Yeremiya 50:31

Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

Yeremiya 50:42

Ì niŋ kalabeñoolu niŋ hawusaroolu le mu, ì tilimbaliyaata, balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì temberiŋolu be naa kaŋ, ite Dimmusuriŋ* Babiloni kamma, ko kewolu ka i paree keloo kamma ñaameŋ.”

Yeremiya 51:42

Baa le be waame la Babiloni kaŋ, a jiibaliŋ saŋaroolu be a muuri la le.

Yeremiya 6:23

Ì niŋ tamboolu niŋ hawusaroolu* le mu, ì tilimbaliyaata aduŋ balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì be looriŋ ñoo nooma ko kewolu ka i paree keloo kamma ñaameŋ, ite Dimmusuriŋ Siyoni kamma.”

Esekiyeli 21:3

A fo ì ye, nte Yaawe ye ñiŋ ne fo ko: M buloo be laa la ì kaŋ ne ko n jawoolu. A fele, ŋa n na hawusaroo* bondi a laa kono naŋ ne, ka moo kuruŋolu niŋ moo tilindiŋolu bee faa.

Esekiyeli 26:19

Maarii Yaawe ye ñiŋ ne fo ko: “I be ke la saatee tumbundiŋo le ti ko saatewo, moo maŋ tara daameŋ. M be fankaasoo jii diinondiŋo le woyi la naŋ i kaŋ ka i muuri.

Esekiyeli 27:26

I jaarilaalu le ye i samba naŋ diinoŋo kono. Wo to le tiliboo la foño baa feeta naŋ a ye i tunendi baa kono.

Esekiyeli 28:22

i si a fo Sidoninkoolu ye ko, nte Yaawe Alla buloo be laa la ì kaŋ ne, ŋa n na kallankeeyaa* lankenemayandi ì kono. Niŋ ŋa n na kiitiyo laa ì kaŋ, ka ì halaki, aniŋ ŋa n na seneyaa yitandi ì kono, wo to ì bee be a loŋ na le ko, nte le mu Yaawe ti meŋ jankuta.

Esekiyeli 29:10

Wo kamma la m buloo be sii la i niŋ i la wo Nayili Boloŋo bee la le. Aduŋ m be Misira bankoo kenseŋyandi la le, a ye ke tumbuŋo ti ka bo Mikidoli saatewo to ka taa fo Asuwani saatewo to, ka taa wo la fo Kusi* naanewo to.

Esekiyeli 38:3

Yaawe, Mansa Tallaa ye ñiŋ ne fo ko: A fele, m buloo be sii la ite Kooki ma le, Meseki niŋ Tubali maralilaa.

Esekiyeli 5:8

Maarii Yaawe ye ñiŋ ne fo ko: “A fele, m buloo be sii la ali la le. M be ali halaki la bantala banku moolu bee ñaatiliŋo la.

Mika 4:11

Banku jamaa le be kambendiŋ i kamma saayiŋ, aduŋ ì ka ñiŋ ne fo ko, “Siyoni ye tiñaa, ǹ ñaa ye loo a la malu kuwo kaŋ.”

Nahumu 2:12

Jatoo ka daafeŋ koteŋolu le faa, a ye a diŋolu konoo fandi ì la, a ye ì kaŋo kati jatamusoolu ye. A ka a la koloo fandi deema suboo le la, a taradulaa ye tara faariŋ suboo la.

Nahumu 3:5

Yaawe* Alihawaa Maariyo* ye ñiŋ ne fo Ninewe ye ko, “N niŋ i be janjuŋ na le! Ŋa i wura fefes, ŋa banku koteŋolu bula ì ye i kenseŋo je, mansamarali bankoolu ñaa ye loo i la malu kuwo kaŋ.

Jakariya 14:2

Kaatu m be bankoolu bee kumbeŋ na ñoo kaŋ ne ka Yerusalaamu kele. Ì si saatewo ñiŋ taa, ì ye a bunkono feŋolu ñapinkaŋ, ì ye ali la musoolu boyinkaŋ. Saatewo talantewo be taa la mutoo kono le, bari moo toomaalu, wolu be tu la saatewo ñiŋ kono le.

Jakariya 9:4

Bari saayiŋ, Maariyo be a sotofeŋo bee konkoŋ na le, a be a la fankoo fayi la baa le kono, a ye saatewo ñiŋ jani.

Luka 21:25

“Aduŋ taamanseeroolu be tara la tiloo, karoo aniŋ looloolu bala. Baa niŋ jiibaliŋolu la maakaŋ baa be niitooroo niŋ jikilateyoo laa la nasiyoŋolu kaŋ.