Esekiyeli 16:5 - Mandinka Bible

⁵ Hani moo le maŋ i hati, waraŋ ka balafaa yitandi i la, ka ñiŋ kuwolu bee ke i ye. Ì ye i tu fayiriŋ wo kene kenseŋo le kono, kaatu luŋo meŋ na i wuluuta, wo luŋo faŋo le mu ì jututa i la.

Esekiyeli 16:5 Mawu Ofanana

1 Musa 21:10

A ko Iburayima ye ko, “Ñiŋ jommusoo niŋ a dinkewo bayi. Kaatu ñiŋ jommusoo dinkewo niŋ nte dinkewo Isiyaaka te deŋ na keetaafeŋo la.”

2 Musa 1:22

Wo to le Firawoona ye a la moolu bee yaamari ko, “Niŋ Hiburunkoolu ye kambaanendiŋ-wo-kambaanendiŋ wuluu, ì si a fayi Nayili Boloŋo kono, bari ì si sunkutundiŋolu tu baluuriŋ.”

Yesaya 49:15

Yaawe ye a jaabi ko: “Fo musoo ka ñina a la suusuu diŋo la le baŋ, waraŋ a te balafaa soto la a wuluudiŋo ye? A si ke noo a ye ñina, bari Siyoni, nte te ñina la i la.

Yeremiya 22:19

Fali la baadee le be ke la a la, ka a kuruntu ka taa a fayi Yerusalaamu banta.”

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Niikuyaa Suukuwolu 2:19

Suutoo la, suutoo tuma-wo-tuma la, wuli, i ye kumboo santo! I sondomoo kono kuwolu yelema ko jiyo Maariyo ñaatiliŋo la. I buloolu wulindi a ye ka duwaa, i diŋolu niyo ye, mennu ka ketu konkoo la, mbeedi kuŋolu kaŋ taariŋ.

Niikuyaa Suukuwolu 4:10

Kooni! Baamaalu niŋ ì la konotodiyaa bee, ì ye ì wuluudiŋolu muta le ka ì tabi, ka ì ke domoroo ti, tuma meŋ ì jawoolu ye ì ŋayibe.

Niikuyaa Suukuwolu 4:3

Cafati, kunkuwuloo ka wuli le, a ka sunjoo dii le ka a diŋolu suusundi, bari n na saatee moolu jawuyaata le, ì ka ì koo dii ì diŋolu la le, ko keñewuloo* kono suruntukunoolu.

Esekiyeli 16:6

“Biriŋ m be tambi la, ŋa i je i be yelemaŋ-yelemaŋ na i faŋo yeloo kono. Biriŋ i be laariŋ i yeloo kono, n ko i ye ko, ‘Baluu.’

Esekiyeli 2:6

“Ite hadamadiŋo, kana sila ì la, aduŋ kana sila ì fokumoolu fanaa la. Hani niŋ a keta i fee le ko i be ŋaniŋolu le kono, aniŋ ko i be sabatiriŋ buntaloolu le kono, kana sila ì la fereŋ, i kijoo kana fara ka sila ì la kumoolu la. Kaatu ì mu moo kaŋ jaaroolu le ti.

4 Musa 19:16

Niŋ moo meŋ be banta, a maata moo furewo la, hawusaroo* ye meŋ faa, waraŋ meŋ faata a faŋ ye, waraŋ a ye maa moo kuloo la, waraŋ kaburoo, a maarii be koso la le fo tili woorowula.

5 Musa 32:10

A ye ì tara keñewuloo* le kono, a ye ì je dulaa le to, feŋ te daameŋ fo daafeŋ saŋaroolu kumakaŋo. A ye ì sansaŋ, a ye ì hati, a ka a hakiloo tu ì to, ko moo ka a hakiloo tu a ñaakesoo to ñaameŋ.