Efesusinkoolu 5:11 - Mandinka Bible

¹¹ Ali kana ali daa bula diboo la baara nafantaŋolu kono, bari ali si wolu waañaari.

Efesusinkoolu 5:11 Mawu Ofanana

1 Musa 20:16

Bituŋ a ko Saara ye ko, “M be kodiforo kuntu wuli kiliŋ dii la i baarinkewo la. Wo le be a koyindi la i la moolu bee ñaa la ko, i maŋ kuu ke. I la horomoo si tu i kaŋ ko i maŋ kuu ke.”

Jabuuroolu 141:5

Niŋ moo tilindiŋo le ye m busa, wo mu m fee konotodiyaa le ti. A la n jalayoo, wo mu tulu seeralaa le ti n kuŋo to, a te ke la m fee kasi ti. Bari n ka duwaa le kuruŋolu la kuruŋyaa ye daŋ.

Kuma Kotoomaalu 1:10

N diŋo, niŋ junubelaalu lafita i marisa la, kana bula ì nooma.

Kuma Kotoomaalu 1:31

wo to ali ye meŋ fii, wo le be faliŋ na ali ye, ali faŋo daajikoo, wo le be ali toora la.

Kuma Kotoomaalu 13:18

Moo meŋ buka soŋ yaamaroo la, fuwaareyaa niŋ maloo mu a taa le ti, bari moo meŋ sonta kalamutandiroo la, ka buuñaa soto le.

Kuma Kotoomaalu 15:12

Ñaawalilaa buka soŋ jalayiroo la, aduŋ a buka moo ñaamendiŋo ñininkaa.

Kuma Kotoomaalu 19:25

Ñaawalilaa lipa kendeke, fo moo sooneeyaariŋ baa si a kekuwo loŋ, moo meŋ ka kuwolu bo noo ñoo to, kalamutandi, aduŋ a be londoo soto la le.

Kuma Kotoomaalu 25:12

Komeŋ sani tulutotaa waraŋ saniforo ñaroo, wo le mu moo ñaamendiŋo la jalayiroo ti, a lamoyilaa ye.

Kuma Kotoomaalu 28:4

Moolu mennu ka ì koo dii luwaa la, ka moo jawoolu le jayi, bari moolu mennu ka luwaa muta, ka balaŋ ì ma le.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yesaya 29:21

mennu la kumoo ka moo nondi, ì ka moo feere, meŋ ka kiitii kuntoo ke saatee dundaŋ daa* to, ì ka moo tilindiŋo la boloo buusi a la ì la seedenduriyaa la, wo moolu bee si faa.

Yeremiya 15:17

M buka sii tulunnaalu la kafoo kono, sako n si jusulaa. N ka tara m faŋ ye le, kaatu m be ite le bulu marariŋ, aduŋ n ka faa i ye jusukandoo la le, moolu la kuwo to.

3 Musa 19:17

Kana ŋaniya jawoo soto i ñoŋ Banisirayilankoo ye. Meŋ ñanta wo le mu, i niŋ i siiñoo ye ali teemoo fo ñoo kaŋ, niŋ wo nte i si taa junuboo soto a la kuwo to.

Matiyu 18:15

“Niŋ i baadiŋo* ye junube kuwo ke i la, taa, i ye a la boyidaa yitandi a la suturoo kono. Niŋ a ye i lamoyi i la, wo to ite ye a londi siloo kaŋ ne.

Luka 3:19

Bari Yaayaa ye Mansa Herodi jalayi, kaatu a ye a kotoomaa Filipi la musoo Herodiyas taa a bulu le, a ye a futuu, aduŋ a ye kuu jawu jamaa fanaa le ke.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Roomankoolu 13:12

Suukuuta, fani keta. Wo to, ali ŋà diboo la baara kuwolu landi jana, ŋà maloo la jooraŋolu duŋ.

Roomankoolu 16:17

Baadiŋolu, ŋa ali daani, ali si ali hakiloo tu moolu la kuwo to, mennu ka talaaroo niŋ bataa saabu ali la kafoo kono, kaatu ì ka balaŋ wo karandiroo la le, alitolu karandita meŋ na. Ali jamfa ì la,

Roomankoolu 6:21

Kuwolu, ali ye mennu baara wo waatoo la, aduŋ ali maluta ì la saayiŋ, wolu ye muŋ joo le saabu ali ma? Wo kuwolu labaŋo mu saayaa le ti.

Kalatiyankoolu 6:8

Moolu mennu ka tara bulariŋ ì la niidiyaa kuwolu nooma, wolu ka kasaaroo le kati. Bari mennu ka tara Nooroo la siloo nooma, wolu ka badaa-badaa baluwo le kati meŋ ka soto Nooroo la.

Efesusinkoolu 4:22

Wo to, ali ali daajika kotoo wura ali bala, meŋ mu ali la baluuñaa kotoo ti. Wo baluuñaa nakarita le ka bo niŋ hame kuu jawoolu la, mennu ye ali neenee.

Efesusinkoolu 5:12

Ì ka mennu ke kulloo kono, hani ka wolu fo faŋ, wo mu malu kuwo le ti.

Efesusinkoolu 5:7

Wo kamma la, ali niŋ wo moo siifaalu kana kafuñooyaa soto.

1 Tesalonikankoolu 5:7

Kaatu moolu mennu ka siinoo, wolu ka siinoo suutoo le la, aduŋ moolu mennu ka siira, wolu ka siira suutoo le la.

2 Tesalonikankoolu 3:14

Niŋ moo-wo-moo balanta yaamaroolu la, ŋà mennu fo ñiŋ leetaroo kono, ali si ali hakiloo tu wo maarii to. Ali niŋ a kana kafu ka kuu ke, fo a si malu.

2 Tesalonikankoolu 3:6

Baadiŋolu, saayiŋ m̀ be ali yaamari la kendeke m̀ Maarii Yeesu Kiristu too la ko, ali jamfa baadiŋ-wo-baadiŋ na, meŋ maŋ lafi dookuwo la, aduŋ a maañaa niŋ karandiroo maŋ taa ñoo la, ali ye meŋ soto ntolu bulu.

1 Timoti 5:20

Mennu maŋ junube kewo bula, ì jalayi kenebaa to baadiŋolu bee ñaatiliŋo la, fo doo koteŋolu si sila wo kuu siifaalu kewo la.

1 Timoti 5:22

Kana koronto ka i buloo laa moo kaŋ ka a kerekere Alla la dookuwo ye. Kana duŋ wandi junuboolu kono, bari i si tu seneyaariŋ.

1 Timoti 6:5

aduŋ ì ka moolu dundi ñoo la le, mennu hakiloolu nakarita, ì maŋ tara tooñaa kaŋ kotenke. Wo moolu ye a miira le ko, Alla la siloo mu naafulu ñiniraŋo le ti.

2 Timoti 3:5

Ì ka munta le ko Alla ñaasilannaalu, bari ì maŋ soŋ a la semboo ma. Fata wo moo siifaalu ma!

2 Timoti 4:2

Kumoo kawandi i ye paree waatoo bee la, fo sooneeyaa tumoo le mu, waraŋ koleyaa. Moolu sondi kumoo la, i ye ì jalayi, aniŋ i ye ì wakiilindi fanaa karandiri betoo la, i niŋ muña baa.

Titus 2:15

Ñiŋ kuwolu bankee, yaamaroo aniŋ jalayiroo ke niŋ i la kantiiyaa bee la. Kana soŋ, moo-wo-moo ye jutu i la.

Lankenemoo 18:4

Bituŋ ŋa kumakaŋ doo moyi ka bo naŋ saŋo santo. A ko: “N na moolu, ali finti naŋ a kono, fo ali daa kana tara a la junuboolu to, aniŋ ali kana ke niisotolaa ti a la mantooroolu to.