Efesusinkoolu 5:10 - Mandinka Bible

¹⁰ Aduŋ ali si a kata ka kuwo loŋ, meŋ si Maariyo kontaanindi.

Efesusinkoolu 5:10 Mawu Ofanana

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Kuma Kotoomaalu 21:3

Ka kuu tilindiŋo ke aniŋ ka luwaa muta, Yaawe sonta wo le la, ka tambi beeyaŋ sadaa* ti.

Yesaya 58:5

Fo n lafita ñiŋ suŋ siifaa le la, fammajiyo doroŋ? Fo n lafita ñiŋ ne la baŋ, moo ye a kuŋo jirandi ko ñaamoo, aniŋ ka tara laariŋ booto funtoo kaŋ seebuutoo kono? Fo ali ka wo kumandi suŋo le la, nte Yaawe be soŋ na meŋ na?

Yeremiya 6:20

Nte la suula le be cuuraayoo kaŋ baŋ, ì ka meŋ bondi n ye naŋ Seba ka a siisindi n ye, waraŋ karabaanijii diimaalu, mennu bota banku jamfariŋolu to? Ali la jani sadaalu* maŋ ke n ye mutataa ti, sako ali la beeyaŋ sadaalu si n seewoo.”

Roomankoolu 14:18

Moo meŋ ka Kiristu batu niŋ ñiŋ siloo la, wo maarii la kuwo ka Alla seewondi le, aduŋ moolu ka soŋ wo maarii ma le.

Filipinkoolu 1:10

fo ali si kuwolu loŋ, mennu beteyaata. Wo to le ali be foroyaa la, aduŋ ali te sootaaroo soto la Kiristu la naa luŋo la.

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Kolosankoolu 1:10

Wo siloo la, ali si baluuñaa soto, meŋ jarita Maariyo ñaatiliŋo la, aniŋ meŋ be a kontaani la baake. Ali la kebaara betoolu bee si barakoo soto, aniŋ ali ye yiriwaa Alla loŋo kono.

1 Tesalonikankoolu 5:21

bari ali kuwolu bee kisikisi. Ali si i deŋ kuu betoo la.

1 Timoti 2:3

Wo le beteyaata, aduŋ kuu le mu, Alla ǹ na Kiisandirilaa sonta meŋ na,

1 Timoti 5:4

Niŋ furuyaamusoo ye diŋolu soto, waraŋ mamariŋolu, ì ñanta meŋ foloo karaŋ na, wo le mu ka ì faŋo la dimbaayaalu topatoo ko Yeesu noomalankayaa hakoo be ñaameŋ. Dindiŋolu ñanta ì wuluulaalu la ñiiñaa juloo joo la le, kaatu wo le beteyaata Alla ñaatiliŋo la.

Hiburunkoolu 12:28

Wo kamma la, ali ŋà tenturoo dii Alla la, kaatu ŋà mansayaa le soto, meŋ te jiijandi noo la. Ali ŋà Alla batu a ñaama, horomoo niŋ ñaasilaŋo kono,

1 Pita 2:20

Niŋ ali ye i muña buuteeroo la, meŋ keta kuluuroo ti ali la kebaara jawoolu kamma la, fo wo mu kibiri kuu le ti baŋ? Bari niŋ ali ye kuu tilindiŋo ke, aduŋ ì ye ali toorandi, wo be Alla la hiinoo le saabu la ali ma.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

1 Samuweli 17:39

Dawuda ye Sawulu la hawusaroo* siti kelejooraŋolu bala, a ye a kata ka taama, bari a maŋ taama noo, kaatu a maŋ dali ì la. Wo to le Dawuda ko Sawulu ye ko, “N niŋ ñinnu te taama noo la, kaatu m maŋ dali ì la.” Bituŋ a ye ì bondi.