Efesusinkoolu 4:8 - Mandinka Bible

⁸ Wo kamma la, a fota le ko: “A taata santo le, a taatoo ye mutamoolu samba, a ye soorifeŋolu dii moolu la le.”

Efesusinkoolu 4:8 Mawu Ofanana

Esita 2:18

Bituŋ mansa naata bidaŋ baa kumandi Esita horomoo kamma la, a ye a la moo kummaalu aniŋ a la maralilaalu bee kumandi. A ye foñondiŋ luŋo kankulaa a la bankoolu bee kaŋ, a ye soorifeŋolu dii mansa jarita ka mennu dii.

Jabuuroolu 68:18

Ite Maariyo, i taata konko jaŋo santo le. I taatoo ye mutamoolu samba. I ye moolu la buuñaa soorifeŋolu muta le, hani mennu balanta i la sabatoo la jee.

Kuma Kotoomaalu 30:4

Jumaa le taata fo Arijana, a muruta naŋ? Jumaa le nene ye foñoo muta noo a buloo kono? Jumaa le ye jiyo fudi noo a la dendikoo kono? Jumaa le ye duniyaa tonkoŋ naanoo bee loo? A too ndii, aniŋ a dinkewo fanaa too ndii? A fo n ye, niŋ i ye a loŋ!

Efesusinkoolu 4:11

Aduŋ ñinnu le mu a la soorifeŋolu ti, a ye moo doolu ke kiilaalu* ti, doolu kiilaariyaa kumafolaalu, doolu kibaari betoo kawandilaalu, doolu lannamoolu kantalaalu aniŋ doolu karandirilaalu.

Kolosankoolu 2:15

Ka bo niŋ wo siloo la, a ye maralilaalu niŋ sembetiyolu la kelejooraŋolu buusi ì bulu le, a ye ì bee malundi kenebaa to, kaatu a ye ì noo ka bo niŋ Kiristu la yiribantambiloo le la.

Kiitindirilaalu 5:12

Wuli santo, wuli Debora-wo! Wuli santo, wuli i ye suukuwo laa! Wuli santo Baraki, i la moo mutariŋolu samba, ite, Abinowamu dinkewo!

1 Samuweli 30:26

Kabiriŋ Dawuda futata Sikilaki, ì ye feŋolu mennu buusi, ì ye doo kii Yahuuda alifaalu ye le, mennu keta a teeroolu ti, ka a fo ko, “Ali la soorifeŋolu fele, a bota feŋolu le to, ŋà mennu buusi Yaawe jawoolu bulu.”