Efesusinkoolu 4:32 - Mandinka Bible

³² Bari ali ñanta mooyaa niŋ balafaa soto la ñoo ye le. Ali yamfa ñoo ye ko Alla yamfata ali ye ñaameŋ ka bo niŋ Kiristu la.

Efesusinkoolu 4:32 Mawu Ofanana

2 Samuweli 7:21

“I la laahidoo kaŋ aniŋ i ŋaniyoo keñaa kaŋ, wo le ye a tinna i ye ñiŋ kuu baalu ke, fo i la dookuulaa si a loŋ.

Jabuuroolu 112:9

A ka niiroo ke baake le, ka a dii fentaŋolu la. A la tiliŋo te ke la ñina kuu ti fo abadaa. A semboo be wara la le, aduŋ moolu be a horoma la le.

Jabuuroolu 145:9

Yaawe beteyaata moo bee le fee, a ka balafaa soto a la daafeŋolu bee le ye.

Kuma Kotoomaalu 12:10

Hani moo tilindiŋo la beeyaŋo, a ka a suulafeŋo dii a la le, bari moo kuruŋo, hani a la beteyaa ka ke jawuyaa siloo doroŋ ne ti.

Kuma Kotoomaalu 19:11

Hakilimaa buka kamfaa juuna, aduŋ a ka horomoo soto le, ka a ñaa kaasi, niŋ i ye kuu ke a la.

Kuma Kotoomaalu 19:22

Moo ñanta ñiŋ ne hame la, ka ke moo tilindiŋo ti, aduŋ ka ke fuwaaroo ti, le fisiyaata faniyaa folaa ti.

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Yeremiya 38:12

A ko n ye ko, “Ñiŋ funtoolu ke i daboolu koto ka juloolu kotondaŋ ì la.” Bituŋ ŋa wo ke.

Matiyu 6:12

Yamfa ǹ na junuboolu la, ko m̀ fanaa yamfata moolu ye ñaameŋ, mennu ye kuu kuruŋo ke ntolu la.

Maaka 11:25

“Aduŋ niŋ ali loota ka duwaa, ali yamfa moo-wo-moo ye, kuu be ali niŋ meŋ teema. I si a je, ali Faamaa fanaa, meŋ be Arijana, si yamfa ali la junuboolu la.”

Luka 1:78

Wo to Alla be balafaa yitandi la ǹ na le, maloo be naa ǹ kaŋ ne ka bo santo.

Luka 11:4

Yamfa ǹ na junuboolu la, kaatu m̀ fanaa yamfata moolu ye le, mennu ye kuu kuruŋo ke ntolu la. Aduŋ kana ǹ dundi marisa kuwo kono.’ ”

Luka 17:4

Hani niŋ a ye junuboo ke i la siiñaa woorowula tiloo kono, aduŋ a ka muru i kaŋ siiñaa woorowula wo tiloo kono ka a fo i ye, ‘N tuubita le,’ i si yamfa a ye.”

Luka 6:35

“Bari ali si ali jawoolu kanu, ali ye kuu betoo ke ì ye. Ali moolu fuu, ali kana i yillaa feŋ na ì bulu. Wo to le ali la joo be wara la, aniŋ ali be ke la Alla Mansa Tallaa la dindiŋolu ti, kaatu ate beteyaata wasabaloolu fee le fanaa, aniŋ kuruŋolu.

Luka 6:37

“Ali kana moolu kiitindi fo ali fanaa kana kiitindi. Ali kana a fo, moo si halaki, fo ali fanaa kana halaki. Ali yamfa moolu ye, ali fanaa si yamfoo soto.

Kiilaalu 28:2

Jee moolu ye hadamadiŋyaa meŋ yitandi ǹ na, a ñoŋo maŋ siyaa. Ì ye ǹ jiyaa, ì ye dimbaa mala ǹ ye, kaatu sumayaa be dundiŋ ne, aduŋ samaa datita ka naa.

Roomankoolu 12:10

Ali ñoo kanu beteke ko baadimmaalu Kiristu kono. I mooñoo horoma ka tambi a la i horomoo la.

1 Korintinkoolu 13:4

Kanoo mu muñoo le ti, aniŋ mooyaa. Kanoo maŋ ke haasidiyaa ti, a buka kibiri, aduŋ a maŋ ke faŋ waroo ti,

2 Korintinkoolu 2:10

Saayiŋ, niŋ ali yamfata moo-wo-moo ye, nte fanaa yamfata wo maarii ye le. Tooñaa, niŋ n si yamfa feŋ-wo-feŋ na, n yamfata wo la le Kiristu* ñaatiliŋo la, ali la kuwo kamma la,

2 Korintinkoolu 2:7

Saayiŋ ali ñanta yamfa la a ye le, ali ye a sabarindi fo niitooroo dunoo kana a jikilateyindi.

2 Korintinkoolu 6:6

Ǹ sondomoo seneyaata, ŋà londoo soto, muñoo, mooyaa, Noora Kuliŋo aniŋ kanu tooñaa.

Efesusinkoolu 5:1

Wo kamma la, ali ke Alla nikinnaalu ti, kaatu ali mu a kanudiŋolu le ti.

Yankuba 5:11

Moolu mennu wakiilita, ǹ ka wolu le je barakariŋ. Ali ye Yuuba la kuwo moyi le, a keta muñalaa ti ñaameŋ. Aduŋ ali ye Maariyo la balafaa niŋ hiinoo je kuwolu to le, a ye mennu ke Yuuba ye labaŋo la.

2 Pita 1:7

ali ye baadiŋyaa kanoo kafu Alla mutoo ma. Kanoo, Alla ye meŋ dii, ali a kafu baadiŋyaa kanoo ma.

1 Yohana 1:9

Niŋ ǹ ka tuubiseyi ǹ na junuboolu la, Alla foroyaata le, aduŋ a tilinta. A be yamfa la ǹ na junuboolu la le, aduŋ a be ǹ seneyandi la le ka bo ǹ na tilimbaliyaa bee kono.

1 Yohana 2:12

Dindiŋolu, m be ñiŋ safee kaŋ ali ye le, kaatu ali la junuboolu yamfata Yeesu too kamma la le.

Ruti 2:20

Nawomi ko a bitammusu ye ko, “Allamaa Yaawe neema la ñiŋ kewo ma. Yaawe maŋ i dahaa ka hiina a la moolu ma, mennu be baluuriŋ aniŋ mennu maŋ tara baluuriŋ.” Nawomi ko a ye kotenke ko, “Wo kewo mu m̀ baadiŋ sutuŋo le ti, ate fanaa mu moo le ti ǹ na niimoosaatalaalu* kono.”