Efesusinkoolu 4:29 - Mandinka Bible

²⁹ Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

Efesusinkoolu 4:29 Mawu Ofanana

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Jabuuroolu 5:9

Kuma buka bo ì daa, moo si laa meŋ na. Kasaaroo doroŋ ne ka tara ì sondomoo to. Ì ka neeneeroo ke ì neŋ kolomoo le la, jamfaa le ka tara sosoriŋ ì kono.

Jabuuroolu 52:2

Ite neeneerilaa, i ka tara kasaara kuwo le siti kaŋ. I neŋo be saŋarariŋ ne ko muru diimaa.

Jabuuroolu 71:24

I ye tiliŋo meŋ yitandi n na, m be tu la a seyinkaŋ na le, kaatu i ye moolu bulandi maloo niŋ jutunnayaa kono le, mennu ye a kata ka m mantoora.

Kuma Kotoomaalu 12:13

Moo kuruŋo la junube kumafoo le ka a duŋ bataa kono, bari moo tilindiŋo ka kana mantoora kuwo ma le.

Kuma Kotoomaalu 15:23

Moo ka seewoo soto kuma diimaa to le, a ye moo jaabi meŋ na, kuma kendoo meŋ fota a waatoo la, ka diyaa moo ye le.

Kuma Kotoomaalu 15:7

Moo ñaamendiŋo la kumoo le ka londoo janjandi, bari toolewo buka wo ke.

Kuma Kotoomaalu 16:21

Moo ñaamendiŋo le ka kuwolu bo noo ñoo to, aduŋ kuma diimaa ka yaamaroo bambandi le.

Kawandilaa 10:12

Moo ñaamendiŋo la kumakaŋo ka hiinoo le saabu a faŋo ma, bari toolewo faŋo neŋo le ka a kasaara.

Yesaya 50:4

Maarii Yaawe le ye n karandi m fokumoo la, fo n si moo bataariŋolu bambandi. Soomandaa-wo-soomandaa a ka n hamendi le, ka n lamoyi a be n karandi la meŋ na.

Matiyu 5:16

Wo ñaa kiliŋo la ali la maloo si mala moolu ñaatiliŋo la, fo ì si ali la kebaara kendoolu je, aniŋ ì si horomoo niŋ jayiroo dii ali Faamaa la, meŋ be Arijana.

Luka 4:22

Ì kaawata hiinakumoolu la, a ye mennu fo, ì bee ye a jayi. Ì ko, “Fo ñiŋ maŋ ke Yusufa dinkewo le ti baŋ?”

Yohana 1:37

Kabiriŋ saayibe fuloo ye Yaayaa moyi ñiŋ fo la, ì ye Yeesu nooma.

Roomankoolu 14:19

Wo to, ali ŋà katoo kafu kuwolu to, mennu ka kayiroo saabu, aduŋ ì ka m̀ maakoyi ka ñoo bambandi.

Roomankoolu 15:2

Ntolu meŋ-wo-meŋ si ǹ siiñoo seewondi kuwolu to, mennu beteyaata a ye, aduŋ ǹ si a bambandi.

1 Korintinkoolu 14:19

Bari Yeesu la kafoo kono, m be lafi la le ka kuma senuŋ luulu fo niŋ n hakiloo la ka moo doolu karandi, diina ka kuma wuli taŋ fo niŋ kaŋ koteŋolu la.

Efesusinkoolu 4:12

Ka bo wo siloo la, a ye moo senuŋolu parendi dookuwo ye fo ì si a la kafoo yiriwandi, meŋ mu Kiristu baloo ti,

Efesusinkoolu 4:16

Ka bo niŋ ate le la, balasuufoolu bee keta ñoo bala kiliŋ ti, fasoolu niŋ cokoolu diita balasuufoolu ye le, aduŋ baloo ka meŋ ne, a ka yiriwaa kanoo kono, niŋ suufoolu bee ye ì la dookuwo taamandi a ñaama.

Kolosankoolu 4:6

Ali la diyaamoo si tu sooneeyaariŋ. Kuma betoolu si a diyandi ko koo ka domoroo diyandi ñaameŋ. Aduŋ ali si a loŋ, ali ñanta moo-wo-moo jaabi la ñaameŋ.

1 Tesalonikankoolu 5:11

Wo kamma la, ali ñoo sabarindi, ali ye ñoo bambandi, ko ali be a kaŋ ñaameŋ.

1 Pita 2:12

Ali tu daajika betoo yitandi la Alla lombaloolu kono. Ì ka ali tuumi le ko, ali mu kuu kuruŋ kelaalu le ti, bari niŋ ì ye ali la kebaara betoolu je, ì fanaa si Alla jayi a la naa luŋo la.

1 Pita 3:1

Wo ñaa kiliŋo la, alitolu musoolu, ali soŋ ali keemaañolu ma. Wo to le, ì doolu mennu maŋ laa Alla la kumoo la, hani ali maŋ diyaamu ì ye, ì si naa laa, ka bo niŋ ali la daajika betoo la,

2 Pita 2:18

Ì ka kuma kenseŋolu le fo niŋ ì la kibiri kuma baalu la. Ì ka ñiŋ moolu muta ka bo niŋ balajaatoo la hame kuu jawoolu le la, mennu be kana kaŋ wo neeneerilaalu la sila filiriŋo ma saayiŋ.