Efesusinkoolu 3:18 - Mandinka Bible

¹⁸ aduŋ ali niŋ moo senuŋ koteŋolu bee si fahaamuroo ke noo Kiristu la kanoo la, a kono la fanoo, a karoo la jamfoo, a loo la jamfoo, aniŋ a la diinoŋo.

Efesusinkoolu 3:18 Mawu Ofanana

2 Taarika 6:41

“Yaawe Alla, saayiŋ wuli, i ye duŋ i la sabatidulaa to, i niŋ i la Kambeŋ Kunewo, i semboo taamanseeroo. Yaawe, kiisoo dendikamaa ye tara dundiŋ i la piriisoolu* la, i la moo senuŋolu ye seewoo i la beteyaa kamma la.

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Jabuuroolu 116:15

Yaawe kanuntewolu kummaayaata a fee le, ì la saayaa buka ke a ye kuundiŋ ti.

Jabuuroolu 132:9

Allamaa tiliŋo dendikamaa ye tara dundiŋ i la piriisoolu* la, aduŋ i la moo tilindiŋolu si wuuri seewoo kamma la.

Jabuuroolu 139:6

I ye loŋo meŋ ke n na, a kaawakuuyaata m fee le, a tambita n kunna le, n na fahaamuroo maŋ futa a ma.

Jabuuroolu 145:10

Yaawe, i la daafeŋolu bee be i jayi la le, i la lannamoolu bee ye i tentu.

Yesaya 55:9

Ko saŋ fatoo be jamfariŋ bankoo la ñaameŋ, n taañaalu be jamfariŋ ali taañaalu la wo le ñaama, n na miiroolu niŋ ali la miiroolu fanaa fatata wo le ñaama.

Jakariya 14:5

Ali be bori la niŋ ñiŋ wulumbaŋo le to la, Yaawe la konkoolu teema. Ñiŋ wulumbaŋo be taa le fo a ye naki Aseli la. Ali si bori ko ali mumuñolu borita banku jarajaroo ma ñaameŋ Yahuuda Mansa Usiya tiloo la. Bituŋ Yaawe, n na Alla si naa a niŋ a la malaayika senuŋolu bee.

Yohana 15:13

Moo maŋ kanoo soto ka tambi moo la, meŋ ye a niyo laa a teeroolu ye.

Roomankoolu 10:3

Ì maŋ wo tiliŋo loŋ, Alla ka meŋ dii, aduŋ ì maŋ i fammajii ka soŋ wo siloo la, bari ì ka ì fansuŋ katoo le ke ka tiliŋo soto.

2 Korintinkoolu 13:13

M̀ Maarii Yeesu Kiristu la hiinoo, Alla la kanoo aniŋ Noora Kuliŋo la kafuñooyaa ye tara ali bee fee.

Kalatiyankoolu 2:20

Wo to n niŋ Kiristu pempenta yiribantambiloo bala le. A maŋ ke ko, nte faŋo le be baluuriŋ, bari Kiristu le be baluuriŋ n kono. M be baluwo meŋ to saayiŋ, wo baluwo be looriŋ lannoo le kaŋ ŋa meŋ soto Alla Dinkewo* la, meŋ ye n kanu, aniŋ a ye a niyo laa n ye.

Kalatiyankoolu 3:13

Kiristu* ye ǹ kumakaa Luwaa la dankoo bulu le, baawo a faŋo ye wo dankoo taa ntolu la kuwo kamma ko a be safeeriŋ ñaameŋ ko: “Dankoo be moo-wo-moo le ye, meŋ be dendiŋ yiroo bala.”

Efesusinkoolu 1:10

fo a la lafoo si timma a waatoo la. Bituŋ a be feŋolu bee kafu la ñoo ma ka ì ke kiliŋ ti ate kono, fo wo feŋolu be saŋ fatoolu le kono santo, waraŋ duniyaa kono jaŋ.

Efesusinkoolu 1:15

Wo kamma la, kabiriŋ ŋa kibaaroo moyi ali ye lannoo meŋ soto Maarii Yeesu la kuwo to, aniŋ ali ye kanoo meŋ soto moo senuŋolu bee ye,

Efesusinkoolu 3:19

N ka a daani le, fo ali si Kiristu la kanoo loŋ, meŋ na waroo tambita fahaamuroo bee la, ali si timma Alla la kuwo to.

Kolosankoolu 1:4

baawo ŋà ali la lannoo moyi le Kiristu Yeesu kono, aniŋ ali ye kanoo meŋ soto moo senuŋolu bee ye.

1 Timoti 3:16

A koyita le ko, ǹ na lannoo kulloo warata le: A naata hadamadiŋyaa le kono, a la tiliŋo yitandita ka bo niŋ Noora Kuliŋo le la. Malaayikoolu le ye a je, a la kuwo kawandita nasiyoŋolu kono. Lannoo keta a la kuwo to ñiŋ duniyaa kono, a wulindita ka taa santo, kallankeeyaa* kono.

Lankenemoo 3:21

Meŋ keta noorilaa ti, nte be siidulaa dii la wo le la n na mansasiiraŋo kaŋ, ko m faŋo keta noorilaa ti ñaameŋ, n niŋ m Faamaa siita a la mansasiiraŋo kaŋ.