Daniyeli 9:26 - Mandinka Bible

²⁶ Wo sanji nankamoo koolaa, Alla la maralilaa tombondiŋo be kasaara la le, aduŋ hani moo te seyi la a noo to. Maralilaa doo le be naa, meŋ na kelediŋolu be saatewo kasaara la, aniŋ Alla Batudulaa Buŋo. Saatewo la tumbuŋo waamemaa le be naa, aduŋ wo waatoo bee be ke la keloo le ti, ka kasaaroo samba naŋ, Alla ye meŋ nata.

Daniyeli 9:26 Mawu Ofanana

2 Samuweli 21:5

Ì ye a jaabi ko, “Sawulu lafita ntolu kasaara la le. A ye moo jamaa le faa ntolu kono, aduŋ a maŋ lafi ŋà tara baluuriŋ Banisirayila.

Jabuuroolu 22:15

M fankoo suusuuta le ka jaa, a keta le komeŋ fenkeŋ teleŋo, aduŋ n neŋo karata n naaliŋo bala. I ye n tu laariŋ saayaa daa le to, buutoo kono.

Yesaya 28:2

Ali a juubee, Maariyo ye moo le tomboŋ meŋ ye semboo soto, aduŋ a bambanta komeŋ samberoo, aniŋ ko foñoo meŋ ka kasaaroo ke, komeŋ sanji baa niŋ waamoo. A be ali la saatewo foriseetoo busandi la bankoo to.

Yesaya 28:22

Saayiŋ ali i foño ñaawaliroo la, niŋ wo nte ali la joŋyaa joloo la kuliyaa si lafaa. Yaawe Alihawaa Maariyo ye a fo n ye le, a ye kasaaroo meŋ parendi bankoo bee ye.

Yesaya 53:8

Ì ye a muta le, ì ye a samba, ka taa a kiitindi ka a faa, moo maŋ a la kuwo hakilitu. N na moolu la junuboolu le ye a tinna, ì ye a barama ka a bondi ñiŋ duniyaa kono.

Yesaya 8:7

Wo to saayiŋ, nte Yaawe be naa paree la le, ka Yufurati Boloŋo jiyo waamemaa samba ì kaŋ. Wo le mu Asiriya mansa niŋ a la kelediŋolu ti. A be woyi la a kankuŋolu bee kaŋ ne, a ye bori a jiisiloolu dandulaa bee la.

Yeremiya 46:7

“Jumaa le ka waame wuli naŋ teŋ ko Nayili Boloŋ baa, ko baalu mennu be woyi kaŋ?

Yeremiya 51:42

Baa le be waame la Babiloni kaŋ, a jiibaliŋ saŋaroolu be a muuri la le.

Daniyeli 11:10

“Aramu mansa dinkewolu be kelediŋ jamaa baa le kafu la ñoo ma. Ì kono kiliŋ ne niŋ a la kelediŋolu waamemaa be naa, aduŋ ì niŋ keloo le be taa, ka ì jawoolu la tatoo boyinkaŋ.

Daniyeli 11:17

Aramu mansa be paree la le, a niŋ a la mansamarali bankoo semboo muumewo ye naa. A be kayira kambeŋo le siti la a niŋ wo mansakee doo teema, aduŋ a be musoo le dii la a la ka a futuu ñiŋ kamma a si Misira mansamarali bankoo kasaara. Bari a kuwo te taama la, aduŋ a sawoo te ke la a ye.

Daniyeli 11:22

Niŋ a wulita keloo la, a be kelediŋ jamaa le koora la komeŋ waamoo. Hani Alla la moolu la piriisi* kuntiyo, a be a kasaara la le.

Daniyeli 11:36

“Meŋ diyaata Aramu mansa ye, a be wo le ke la. A be a faŋ sikandi la le, ka a faŋ wara alloolu bee ti. A be sookiri kuma baalu le fo la Alla Tallaa ma. A be wajabi la a kekuwolu kaŋ ne, fo Alla ye a la kamfaa jindi naŋ a kaŋ. Alla be meŋ ke la, wo te baayi la.

Daniyeli 9:27

Wo maralilaa niŋ moo jamaa le be kambeŋ bambandiŋo siti la, fo sanji woorowula. Niŋ sanji woorowuloo talantewo tambita, a be beeyaŋ sadaalu* niŋ siimaŋ sadaalu bondoo daŋ na le. Aduŋ a be feŋ haraamuriŋo le ke la ì noo to, meŋ be kasaaroo saabu la, labaŋo la, Alla ye kasaara kuwo meŋ nata, a be a kupi la kuwo ñiŋ baaralaa kaŋ ne.”

Hoseya 1:9

Bituŋ Yaawe ko a ye ko, “A toolaa Lo-Ammi la, kaatu ali maŋ ke n na moolu ti, aduŋ nte maŋ ke ali la Alla ti.”

Amosi 8:8

Ñiŋ baara jawoolu kamma la, duniyaa si jarajara, duniyaa moolu bee ye woosii. Bankoo bee si jarajara, a si jiijaa ko Nayili baajiyo ka ke ñaameŋ meŋ be Misira.”

Amosi 9:5

Niŋ Yaawe Alihawaa Maariyo* ye duniyaa maa, a si jarajara. A si jiijaa ko Nayili Boloŋo meŋ be Misira. Duniyaa moolu bee si saŋawoosii.

Nahumu 1:8

Bari a be a jawoolu bayi la le, ì ye duŋ diboo kono, a be ì siidulaa kasaara la niŋ waame baa le la.

Matiyu 22:2

“Arijana mansabaayaa si misaali noo mansakewo le la, meŋ ye maañoobiti feetoo parendi a dinkewo ye.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.

Matiyu 23:38

A juubee, ali la buŋo be tu la kenseŋyaariŋ.

Matiyu 24:2

Bituŋ a ko ì ye ko, “Fo ali ye ñiŋ buŋolu bee je le baŋ? Tooñaa, m be a fo la ali ye, ali ye ñiŋ buŋolu meŋ je teŋ, hani bere kiliŋ te tu la laariŋ ñoo kaŋ jaŋ, meŋ te boyi la duuma.”

Maaka 13:2

Bituŋ Yeesu ye a jaabi ko, “Ì ye ñiŋ buŋ baalu je le? Hani bere kiliŋ te tu la laariŋ ñoo kaŋ, meŋ te boyi la duuma.”

Maaka 13:7

Ali be keloolu moyi la le, aniŋ kele kibaaroolu, bari ali kana sila. Wo kuwolu ñanta ke la le, bari wo maŋ ke labandulaa ti.

Maaka 9:12

Yeesu ko ì ye ko, “Tooñaa, Eliya le foloo be naa la, aduŋ a be kuwolu bee murundi la ì noo to le. Bari hani wo, muŋ ne ye a tinna a be safeeriŋ Moo Dinkewo la kuwo to ko, a be toora jamaa soto la le, aduŋ moolu be jutu la a la le?

Luka 21:24

Moo jamaa be faa la niŋ hawusaroo* la, doolu be taa la mutoo kono bankoolu bee kaŋ. Bituŋ jaahiloolu be Yerusalaamu bee dori la le, fo niŋ ì la waatoo banta.

Luka 21:6

“Luŋolu be naa la le, ñiŋ feŋolu ali ka mennu je, ì bee be tiñaa la le. Hani bere kiliŋ te tu la laariŋ ñoo kaŋ, meŋ te boyi la duuma.”

Luka 24:26

Fo Alimasiihu* maŋ ñaŋ na toora la ñiŋ kuwolu bee la baŋ, wo koolaa a ye duŋ a la kallankeeyaa* kono?”

Luka 24:46

aduŋ a ko ì ye ko, “Ñiŋ ne safeeta ko, Alimasiihu ñanta toora la le, aduŋ tili sabanjaŋo la, a be wuli la saayaa kono le.

Yohana 14:30

Nte niŋ alitolu te kuu jamaa diyaamu la kotenke, kaatu ñiŋ duniyaa maralilaa be naa kaŋ ne. A maŋ semboo soto nte kaŋ,

2 Korintinkoolu 5:21

Kiristu meŋ nene maŋ junuboo ke, Alla ye ǹ na junuboo dunoo laa ate le kaŋ, fo ǹ si Alla la tiliŋo soto Kiristu kono.

Kalatiyankoolu 3:13

Kiristu* ye ǹ kumakaa Luwaa la dankoo bulu le, baawo a faŋo ye wo dankoo taa ntolu la kuwo kamma ko a be safeeriŋ ñaameŋ ko: “Dankoo be moo-wo-moo le ye, meŋ be dendiŋ yiroo bala.”

1 Pita 2:21

Alla ye ali kumandi ñiŋ daliiloo le kaŋ, kaatu Kiristu fanaa toorata ali ye le. A ye misaaloo tu ali ye le, fo ali si a la simfaalu nooma.

1 Pita 2:24

Kiristu faŋo le ye ǹ na junuboolu dunoo taa, ka bo niŋ a baloo la, a ye ì samba yiribantambiloo kaŋ, fo ǹ si faa junuboo la karoo la, aduŋ ǹ si baluu tiliŋo ye. Ka bo niŋ a la baramoolu le la, ali kendeyaata.

1 Pita 3:18

Kaatu tooñaa, Kiristu faata junuboolu le ye, siiñaa kiliŋ moo bee ye. Moo tilindiŋo faata moo tilimbaloolu ye, fo a si ǹ samba naŋ Alla yaa. Ì ye a baloo le faa, bari Alla la Nooroo ye a wulindi ka baluu.