Daniyeli 9:24 - Mandinka Bible

²⁴ “Sanji taŋ woorowula siidulaa woorowula, Alla ye wo le nata i la moolu ye, aniŋ ali la saatee senuŋo. Niŋ wo siita, a be kuu jawu kewo baŋ na le, a ye junuboo daŋ, a ye yamfa hakoolu la. A be tiliŋo le londi la fo abadaa, a ye jeroo niŋ kiilaariyaa kumoo kumfaa, aduŋ a be a la batudulaa senuŋ baa jankundi la le.

Daniyeli 9:24 Mawu Ofanana

2 Taarika 29:24

Bituŋ piriisoolu ye ñiŋ baakotoŋolu faa, ì ye ì yeloo sari sadaajanidulaa kaŋ ka ke junube kafarilaŋ sadaa ti. Ì ye a ke ka junube kafaroo sii Banisirayila bee ma. Kaatu mansa ye yaamaroo dii ì la le ko, ì ñanta jani sadaa niŋ junube kafarilaŋ sadaa bo la Banisirayila bee ye le.

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Jabuuroolu 45:7

I ye tiliŋo kanu le, i ye kuruŋyaa koŋ. Wo le ye a tinna i la Alla ye i toloo seewoo kono ka tambi i ñoŋolu la.

Yesaya 42:4

A te keerikeeri la waraŋ ka jikilateyi, fo niŋ a ye tiliŋo londi ñiŋ duniyaa kono. Moolu mennu be banku jamfariŋolu to, be tara la ñaaniriŋ a la luwaalu le la.”

Yesaya 51:6

Ali saŋ fatoolu koroosi, ali ye bankoo juubee, saŋ fatoolu be yeemaŋ na le ko siisiyo, bankoo ye naa tiñaa ko funtoo, a moolu ye faa ko siyolu. Bari n na kiisoo be tu la le fo abadaa, aduŋ n na tiliŋo te boyi la muumeeke.

Yesaya 51:8

Kaatu tumboo le be ì tiñaa la ko duŋ feŋo, baabaa ye ì tiñaa ko bayoo. Bari n na tiliŋo be tu la le fo abadaa, n na kiisoo ye tara jamaanoolu muumee bee ye.”

Yesaya 56:1

Yaawe* ye ñiŋ ne fo ko: “Ali si moolu bee la hakoo dii ì la, ali ye taama tiliŋo la, kaatu n na kiisoo sutiyaata naŋ ne, aduŋ a te mee la, m be n na tiliŋo lankenema la.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Niikuyaa Suukuwolu 4:22

Yoo, ite Siyoni, i jarabita i la junuboolu kaŋ ne, Yaawe te i mendi la mutoo kono kotenke. Bari ite Edomu, a be i jarabi la i la junuboolu la le, a ye i la kuu kuruŋolu waañaari.

Esekiyeli 28:12

“Hadamadiŋo, niikuyaa kumoo fo Tire mansakewo ma, i ye a fo a ye, Maarii Yaawe ye ñiŋ ne fo ko: Ite le mu nuŋ moo timmariŋolu bee misaaloo ti, meŋ be faariŋ niŋ ñaameŋo la. I la ñiiñaa maŋ ñoŋo soto.

Esekiyeli 4:5

Ŋa i sasi tili keme saba tili taŋ kononto le la, i be tara la Banisirayilankoolu la junuboo kuluuroo dunoo taa la mennu la. Tili-wo-tili be kaañaŋ na sanji kiliŋ yankankatoo le fee meŋ ñanta laa la Banisirayilankoolu kaŋ.

Esekiyeli 4:6

Niŋ i ye ñiŋ baŋ, i si i laa i bulubaa karoo fanaa kaŋ bankoo to. I be Yahuuda moolu fanaa la junuboo kuluuroo dunoo taa la le fo tili taŋ naani. Tili-wo-tili mu sanji kiliŋ ne ti, ŋa i sasi meŋ na.

3 Musa 25:8

Ali si kali sanji woorowula konti ñoo kaŋ fo siiñaa woorowula. Wo be taa kaañaŋ na sanji taŋ naani niŋ kononto le fee.

3 Musa 8:15

Musa ye a kanateyi, a ye a yeloo doo taa, a ye a bulukondiŋo bula a kono, a ye a maa sadaajanidulaa binoolu bala, ka a seneyandi. A naata yeloo too boŋ sadaajanidulaa duumoo to. Ka bo niŋ wo la, a ye sadaajanidulaa kerekere, ka a jankundi junube kafaroo kamma.

Jakariya 4:14

Bituŋ a ko n ye ko, “Ñinnu le mu moo fuloo ti, duniyaa bee Maariyo ye tuloo boŋ mennu kuŋolu kaŋ ka ì tomboŋ a la dookuulaalu ti.”

4 Musa 14:34

Ali be tara la ali la junube kuwo bataa le kono fo sanji taŋ naani. Ali ye tili taŋ naanoo meŋ ke bankoo kulloo kisikisoo la, a tili kiliŋ-wo-kiliŋ be ke la sanji kiliŋ ne ti. N na tarabaliyaa ali fee, ali be a dimiŋo loŋ na ñiŋ siloo le la.’

Matiyu 1:21

A be dinkewo le wuluu la, aduŋ i si a toolaa Yeesu la, kaatu ate le be a la moolu kiisandi la ka bo ì la junuboolu kono.”

Matiyu 11:13

Musa la Luwaa* niŋ annabiyomoolu la kitaaboolu bee ye kiilaariyaa kumoo fo le ka naa fo Yaayaa la naa,

Matiyu 4:5

Wo koolaa Ibiliisa ye a samba Saatee Senuŋo to, a ye a londi Alla Batudulaa Buŋo* turoo kaŋ santo.

Maaka 1:24

ko, “Yeesu Nasaretinkoo, ite be muŋ ne ke la ntolu la? Fo i naata le ka ǹ kasaara baŋ? Ŋa a loŋ ne ko, ite le mu Alla la Senuŋ Baa ti.”

Luka 1:35

Wo to le malaayikoo ko a ye ko, “Noora Kuliŋo be naa la i kaŋ ne, aduŋ Alla Mansa Tallaa la semboo be i muuri la le. Wo kamma la, i be diŋo meŋ wuluu la, a seneyaata le, aduŋ a be kumandi la Alla Dinkewo* le la.

Luka 21:22

kaatu ñiŋ luŋolu mu kuluuroo waatoo le ti ka kuwolu bee timmandi, mennu be safeeriŋ.

Yohana 1:41

Foloo-foloo, a ye a faŋo baadinkewo le je, Simoni. A ko a ye ko, “Ŋà Alimasiihu je le!” meŋ kotoo mu Kiristu ti.

Yohana 3:34

Alla ye moo meŋ kii, wo ka Alla la kumoolu le fo, kaatu Alla ka a la Nooroo dii le, diiroo meŋ maŋ dandulaa soto.

Kiilaalu 3:14

Ali ye i baŋ a to, meŋ seneyaata aniŋ a tilinta. Ali ye daaniri ke ka moofaalaa bula ka wo dii ali la,

Kiilaalu 3:22

Annabilayi Musa ko: ‘Maariyo, ali la Alla be annabiyomoo wulindi la ali ye le, meŋ be ko m faŋo, a be bo la ali faŋolu la moolu le kono. Ali ñanta i lamoyi la feŋ-wo-feŋ na le, a be meŋ fo la ali ye.’

Kiilaalu 4:26

Duniyaa mansoolu ye i paree keloo la. Maralilaalu kafuta ñoo ma ka balaŋ Maariyo ma, aniŋ a la Alimasiihu*.’

Roomankoolu 5:10

M̀ mu Alla jawoolu ti tumoo meŋ na, a Dinkewo la saayaa ye ǹ niŋ a diyandi. Baawo saayiŋ, ǹ niŋ a diyaata le, fo ǹ te kiisa timmariŋo soto la baŋ ka bo niŋ Yeesu la baluwo la?

1 Korintinkoolu 1:30

Ali ye baluwo meŋ soto Kiristu Yeesu kono, a bee bota Alla le bulu. Alla ye ate le dii ǹ na fo a si ke ñaameŋo ti ǹ ye, tiliŋo, seneyaa, aniŋ kiisoo.

Filipinkoolu 3:9

aniŋ ka tara a fee. Wo to m maŋ tiliŋo soto noo m faŋo la katoo la meŋ ka bo niŋ Luwaa mutoo la, bari ŋa tiliŋo le soto, meŋ ka soto niŋ lannoo la Kiristu kono. Ñiŋ tiliŋo ka bo Alla le bulu, aduŋ a be dendiŋ lannoo le la.

Kolosankoolu 1:20

Ka bo niŋ ate le la, Alla ye a faŋo niŋ feŋolu bee diyandi, fo ì be saŋ fatoolu le kono baŋ, waraŋ duniyaa kono jaŋ. Alla ye a la kayiroo dii ka bo niŋ ate le yeloo la, meŋ bonta yiribantambiloo kaŋ.

Kolosankoolu 2:14

Alla ye ǹ na julu kotoolu safeeroo tuutuu le, mennu tarata ǹ kaŋ, ì niŋ luwaa meŋ ye ǹ tuumi. A ye wo juloo kayitoo landi kara la le, a ye a pempeŋ Kiristu la yiribantambiloo kaŋ.

Hiburunkoolu 10:14

Ka bo niŋ wo sadaa kiliŋo le la, a ye badaa-badaa timmandiroo dii moolu la, mennu seneyandita.

Hiburunkoolu 2:17

Wo kamma la, a ñanta ke la kuu-wo-kuu to le ko a baadiŋolu, fo a si ke noo piriisi* kuntii baa ti ì ye, meŋ ye balafaa niŋ foroyaa soto Alla la dookuwo kono, fo a si junube kafaroo sii moolu ma.

Hiburunkoolu 7:26

Yeesu le mu wo ñoŋ piriisi kuntii baa ti, ǹ suulata meŋ na. A seneyaata le, a nene maŋ junuboo ke, a maŋ sootaari soto. A landita kara la ka bo junubelaalu kono, aduŋ a wulindita horomoo kono le santo, saŋ fatoolu kunto.

Hiburunkoolu 9:26

Niŋ a keta wo ñaama, Kiristu ñanta toora la nuŋ siiñaa jamaa, biriŋ duniyaa foloodulaa to. Bari ko a keta ñaameŋ, a naata siiñaa kiliŋ doroŋ ne ñiŋ luŋ labaŋolu kono, fo a si junuboo bondi ka bo niŋ a faŋo la saayaa la, biriŋ a ye a faŋo dii sadaa ti.

2 Pita 1:1

Nte Simoni Pita, Yeesu Kiristu* la dookuulaa niŋ a la kiilaa*, m be ali kontoŋ na, alitolu mennu ye lanna kiliŋo soto Yeesu Kiristu kono ko ntolu. Ate le mu ǹ na Alla ti aniŋ ǹ na Kiisandirilaa. Ŋà wo lannoo soto ka bo niŋ ate le la tiliŋo la.

1 Yohana 3:8

Moo meŋ ka junuboo ke, wo bota Ibiliisa le bala, kaatu Ibiliisa ye junuboo ke le kabiriŋ foloodulaa to. Alla Dinkewo* naata ñiŋ daliiloo le kamma, fo a si Ibiliisa la dookuwo tiñaa.

Lankenemoo 14:6

Bituŋ ŋa malaayika doo je, a be tii kaŋ n kunto santo, a niŋ badaa-badaa kibaari betoo, a si meŋ kankulaa moolu ye, mennu be baluuriŋ duniyaa kono. A be a ke la nasiyoŋ-wo-nasiyoŋ ye, sii-wo-sii, kaŋ-wo-kaŋ aniŋ banku-wo-banku.

Lankenemoo 3:7

“A safee n na kafoo malaayikoo ye, meŋ be Filadelifiya saatewo kono: “Nte la kumoo fele, nte meŋ jankuta, aduŋ m mu tooñaa ti, Mansa Dawuda la caaboo be nte le bulu. Ŋa meŋ yele, moo-wo-moo te a soroŋ noo la, aduŋ ŋa meŋ soroŋ, moo le te wo yele noo la.