Daniyeli 2:22 - Mandinka Bible

²² A ka kuwolu lankenemayandi le, mennu nukunta baake. Kuu-wo-kuu be diboo kono, a ye a loŋ ne, aduŋ maloo le ye a murubeŋ.

Daniyeli 2:22 Mawu Ofanana

1 Musa 41:16

Bituŋ Yusufa ye Firawoona jaabi ko, “Ite alifaa buuñaariŋo, nte te a fasari noo la, Alla doroŋ ne si a fasari noo. A be fasaroo meŋ dii la i la, be ke la fasari kendoo le ti.”

Yuuba 12:22

Ate le ka diboo la kuwolu lankenemayandi, a ye naa dibi baa ke maloo ti.

Yuuba 26:6

Laakira be lankenemayaariŋ Alla ñaa koto le, kumpa te a ye laakira la kuwo to.

Jabuuroolu 104:2

I ye i faŋ murubeŋ niŋ mala baa le la. Ite le ye saŋ fatoolu wanka ko tiriliisoo*.

Jabuuroolu 25:14

Moolu mennu ye Yaawe kuliyaa, wolu le mu a la jiki moolu ti, aduŋ a ka a la kambeŋo koyindi ì ma le.

Jabuuroolu 36:9

Ite le mu baluwo diilaa ti, aduŋ i la maloo le ka a saabu ntolu ka maloo je.

Kawandilaa 8:1

Tooñaa-tooñaa, jumaa le mu moo ñaamendiŋo ti? Jumaa le ka kuwolu laañaa loŋ? Wo le mu moo ti, ñaameŋo ye meŋ ñaadaa malamalandi, a ñaatoŋo diyaata.

Yesaya 41:22

Ali ali la batufeŋolu samba ǹ ye naŋ, ì ye a fo ǹ ye, meŋ be naa ke la. Kuwolu mennu tambita, ì si ì fo ǹ ye, fo ǹ si ǹ hakilitu ì to, ŋà a loŋ a koolaa be ke la meŋ ti. Ì si a fo ǹ ye, kuwolu mennu be naa ke la,

Yesaya 41:26

Ali la batufeŋolu kono, jumaa le ye wo kumoo fo biriŋ foloodulaa to, fo ǹ si a loŋ, aniŋ ŋà a fo ko, ‘Wo maarii ye tooñaa le fo’? Itolu maŋ ñiŋ fo, ì nene maŋ a fo, aduŋ moo maŋ kuma moyi ì la.

Yesaya 42:9

A fele, ŋa feŋ-wo-feŋ bankee, a keta tooñaa le ti, saayiŋ m be kuu kutoolu bankee la le. M be ñaato kuwolu fo la ali ye le, janniŋ ì be sii la.”

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yeremiya 23:24

“Fo moo si a faŋ maabo noo kulloo kono dulaalu to, ñiŋ kamma la n kana a je?” Yaawe le ye a fo. “Fo m maŋ saŋo niŋ bankoo faa tep?” Yaawe le ye a fo.

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Daniyeli 2:11

Mansa, i ka meŋ ñininkaa teŋ, a koleyaata le, aduŋ moo te a fo noo la i ye, niŋ a maŋ ke alloolu ti, aduŋ wolu maŋ tara sabatiriŋ hadamadiŋolu kono.”

Daniyeli 2:19

Bituŋ wo suutoo la, kulloo ñiŋ naata lankenemayandi Daniyeli ye jeroo kono. Wo le to a ye Arijana Maarii tentu ko:

Daniyeli 2:47

Mansa ko Daniyeli ye ko, “Tooñaa, i la Alla le warata alla koteŋolu bee ti, aduŋ ate le mu mansoolu Maarii ti, meŋ ka kulloolu lankenemayandi. Wo le ye a tinna i ye ñiŋ kulloo kotoo fo noo.”

Daniyeli 5:11

Kewo doo be i la mansamarali bankoo kaŋ jaŋ ne, alloolu la nooroo be meŋ kono. I faamaa la mansayaa waatoo la, ñiŋ kewo ye londoo le yitandi, hakilidiyaa, aniŋ ñaameŋo meŋ be ko alloolu la ñaameŋo. Aduŋ i faamaa, Mansa Nebukanesa ye ate le tomboŋ ka a ke batuutaatiyolu la kuntiyo ti, juubeerilaalu, lonnaalu, aniŋ kumfanuntewolu.

Daniyeli 5:14

Ŋa a moyi le ko, alloolu la nooroo be i kono le, aniŋ ko, i hakiloo diyaata le, aduŋ i ye londoo soto le, aniŋ ñaameŋo.

Matiyu 13:13

Kaatu ì ka juubeeroo ke le, bari ì buka jeroo ke. Ì ka lamoyiroo ke le, bari ì buka moyiroo ke, sako ì si fahaamuroo ke.

Yohana 1:9

Mala tooñaa, meŋ ka maloo dii moolu bee sondomoo kono, a be naa kaŋ duniyaa kono le.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

Yohana 8:12

Yeesu diyaamuta moolu ye kotenke ko, “Nte le mu duniyaa la maloo ti. Moo meŋ ye nte nooma, wo maarii te taama la diboo kono, bari a be maloo le soto la meŋ ka baluwo dii.”

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

Efesusinkoolu 3:5

Jamaanoo doolu mennu tambita, wolu maŋ a loŋ koyirinke, a naata lankenema saayiŋ ñaameŋ a la kiilaa senuŋolu niŋ kiilaariyaa kumafolaalu ye, ka bo niŋ Noora Kuliŋo la.

5 Musa 29:28

Yaawe jusubojawuta ì kamma, a kamfaatoo ye ì wutundi ì la bankoo kaŋ, a ye ì fayi bankoo doo kaŋ, ko a be ñaameŋ saayiŋ.”

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

1 Yohana 1:5

Ñiŋ mu kibaaroo le ti, ntolu ye meŋ soto a Dinkewo bulu, aduŋ ŋà a bankee ali ye le ko, Alla mu maloo le ti, aduŋ diboo te a kono muumeeke.