Daniyeli 11:24 - Mandinka Bible

²⁴ Ka bo niŋ terendiroo la, a be duŋ na bankoo dulaa neemariŋolu le to, aduŋ a be kuwolu le ke la a mamañolu waraŋ a mumuñolu maŋ mennu ke. A ye jooraŋolu niŋ feŋ kendoolu mennu taa keloo kono, a be ì talaa la alifudiyo le ti a la moolu teema. A be feeroolu dadaa la le ka saatee tatariŋolu boyinkaŋ, bari a la waatoo te mee la.

Daniyeli 11:24 Mawu Ofanana

Nehemiya 9:25

Ì ye saatee baa tatariŋolu muta le, aniŋ senebanku kendoolu, ka taa buŋolu mennu be faariŋ feŋ kendoo siifaa bee la, koloŋolu, wayini* yiri kankaŋolu, olifu* yiri kankaŋolu, aniŋ yiri dinnaa fuumariŋo. Ì ye domoroo ke le fo ì konoo faata, aduŋ ì nunkuta, ì ŋaañaata i la beteyaa baa la.

Kuma Kotoomaalu 17:8

Dukoo ka ke kundaanoo le ti moo ye, meŋ ye a dii, a taata daa-wo-daa a ka ke a ye ñaatotaa ti le.

Kuma Kotoomaalu 19:6

Jamaa ka maakoyiroo ñini moo kummaalu le bulu, aduŋ moo bee teeri ka ke moo le ti, meŋ ka moolu so soorifeŋolu la.

Kuma Kotoomaalu 23:7

kaatu ate mu moo le ti, meŋ ka tu la i miira la maafesoŋo la. A ka a fo i ye le ko, “Domoroo ke, i ye i miŋ,” bari a buka i ŋaniya a la.

Esekiyeli 34:14

M be ì balundi la daañini dulaa betoo le to. Banisirayila konkoolu kaŋ santo le be ke la ì la daañini dulaa ti. Jee to ì be tara la laariŋ kayiroo le kono, ka baluu Banisirayila konkoolu kaŋ, mennu mu daañini dulaa kendiŋolu ti.

Esekiyeli 38:10

Maarii Yaawe ye ñiŋ ne fo ko: “Wo luŋo la le miira jawoolu be duŋ na i la, aniŋ i be feere jawoolu siti la,

Daniyeli 11:23

A la bankoo moolu dooyaata ñaa-wo-ñaa, a niŋ bankoolu be kali kambeŋo ke la le, wo koolaa a ye naa jamfaa baa taamandi ì kaŋ.

Daniyeli 7:25

A be Alla Mansa Tallaa sooki la le, aduŋ a be Alla la moolu toorandi la le. A be feeroo ke la le ka ì la diina luwaalu niŋ waati looriŋolu faliŋ. Alla la moolu be tara la marariŋ a bulu le fo sanji saba niŋ too.

4 Musa 13:20

Jee bankoo be ñaameŋ, fo a kenta le baŋ, waraŋ fo a maŋ keŋ, fo a ye yiroolu soto le baŋ, waraŋ fo a maŋ yiroolu soto? Ali a kata ali ye a yiridiŋo doolu samba naŋ.” Wayini* yiri kuŋ foloolu la sanjaanoo waatoo le mu.

Matiyu 9:4

Bayiri Yeesu ye ì la miiroolu loŋ ne, a ko ì ye ko, “Muŋ ne ye a tinna ali ka kuu jawoo miira ali sondomoolu kono?

Kiitindirilaalu 9:4

Ì ye kodiforo kuntu taŋ woorowula dii a la ka bo buŋo to, ì ka Baali-Beriti jalaŋo batu daameŋ. Abimeleki ye ñiŋ kodiforo kuntu taŋ woorowuloo le taa, a ye moo kenseŋolu joo a la. Bituŋ wolu bulata a nooma.