Daniyeli 11:21 - Mandinka Bible

²¹ “Bituŋ wo koolaa, moo jawu doo le be naa ke la Aramu mansa ti, meŋ maŋ ñaŋ na ke la mansa ti. A be naa moonewo le kono, a ye mansayaa ñapinkaŋ ka bo niŋ feeroo la.

Daniyeli 11:21 Mawu Ofanana

Jabuuroolu 12:8

Ì ka tara ŋaañaa la karoo bee le la, bayiri moolu ka kuu jawoo le kidimandi.

Jabuuroolu 15:4

A ka junubentuŋolu koŋ ne, bari a ka moolu horoma le mennu ye Yaawe kuliyaa. A ka a la laahidoo muta le, a si dimiŋ a fee ñaa-wo-ñaa.

Jabuuroolu 55:21

A fokumoolu ka tara laakuuriŋ ne ko feenewo ka deera ñaameŋ, fitinoo le ka tara a sondomoo kono. A la kumoolu ka tara diyaariŋ ne ko tulu seeralaa, bari ì ka sooroo ke le komeŋ hawusaroo*.

Yesaya 32:5

Ì te toolewo kumandi la moo kummaa la kotenke, sako ka tapalewo buuñaa.

Daniyeli 11:20

“Bituŋ mansakee doo le be seyi la a noo to, meŋ be a la mansakundaa dookuulaa doo kii la, ka naamu koleŋo laa moolu kaŋ, ñiŋ kamma ka a la mansamarali bankoo semboo warandi. Bari waatindiŋ wucoo kono, ì be a faa la le, aduŋ a te ke la kenebaa to waraŋ keloo kono.”

Daniyeli 11:32

Ka bo niŋ neeneeroo la, mansakewo ñiŋ be moo jamaa le marisa la, mennu be ì la diinoo saratoo tiñaa la, ka ì kafundi a faŋ ma. Bari moolu mennu ye a loŋ ko, ì tilinta ì la Alla la karoo la, wolu be loo la le ì ye bambaŋ, ka kuu ke.

Daniyeli 11:34

Waatoo meŋ na ì be tara la Alla la wo moolu faa kaŋ, Alla be maakoyiroo domandiŋ dii la ì la le. Bari moo jamaa be ì faŋ kafundi la Alla la moolu ma le ka bo niŋ haasidiyaa la.

Daniyeli 11:7

musoo ñiŋ baadiŋolu kono, doo be seyi la a faamaa noo to mansayaa la. Wo le be taa boyi la Aramu mansa la kelediŋ kafoo kaŋ. A be duŋ na ì la tatoo kono le, a ye ì kele, aduŋ a be ì noo la le.

Daniyeli 4:17

“Malaayikoo tententa ka a fo ko: ‘Ñiŋ kuluuroo be taamandi la malaayika koroosirilaalu la kaŋo le la. Niŋ wo keta, duniyaa moolu bee si a loŋ ko, Mansa Tallaa le marata hadamadiŋolu la mansamarali bankoolu bee ma. Niŋ a lafita ka mansamarali bankoo dii moo-wo-moo la, a ka a dii wo le la, hani niŋ a maarii la kuwo dooyaata moolu bee kono.’ ”

Daniyeli 7:8

N tarata binoolu koroosi kaŋ ne, wo le to ŋa a je binandiŋo be finti kaŋ doolu teema. A ye bina saba le wutundi ì noo to, mennu foloo tarata jee. Ñiŋ binoo ye hadamadiŋ ñaalu le soto, aniŋ daa meŋ ka kuma baalu fo.

Daniyeli 8:23

“Ì la maraloo bandulaa to, niŋ kuu jawoolu futata ì dandulaa ma, mansakewo be soto la le, meŋ konoo be faa la, aduŋ a be ke la feerentuŋ baa le ti.

Daniyeli 8:25

Ka bo niŋ a la feerentuŋyaa la, a be neeneeroo ke la le, a ye ñaatotaa soto, aduŋ a be ñiŋ ne muta la a sondomoo kono ko, ate mu moo baa le ti. Ka bo niŋ terendiroo la, a be moo jamaa le faa la. A be balaŋo tiliŋ na hani mansoolu la Mansoo faŋo la le, bari a be kasaara la le, aduŋ hadamadiŋ bulu te a maa la.

Daniyeli 8:9

Binandiŋo naata finti bina kiliŋ bala, ñiŋ bina naanoolu kono. Binandiŋo la semboo lafaata baake bulubaa karoo la, aniŋ tilibo karoo la, aniŋ banku neemariŋo kaŋ.

Nahumu 1:14

Yaawe ye ñiŋ ne yaamari ite Ninewe la kuwo to ko: “I te koomoo soto la meŋ be i too fintindi la. M be i la jalaŋ leseriŋolu kasaara la le, aniŋ i la nee jalaŋolu ka bo i la jalambuŋo to. Ŋa i la kaburoo parendi i kamma le, kaatu i maŋ jari ka baluu.”

1 Samuweli 3:13

Aduŋ ŋa a fo a ye le ko, m be a la dimbaayaa kiitindi la le fo abadaa, kaatu a ye junuboo la kuwo ñiŋ loŋ ne, a dinkewolu ye Alla sooki le, aduŋ a balanta ka ì kuluu.