Daniyeli 10:19 - Mandinka Bible

¹⁹ A ko n ye ko, “Ite mu Alla kanuntee baa le ti, wo to kana sila, i be tara la kayiroo le kono. I si bambaŋ, i ye wakiili.” Kabiriŋ a ye ñiŋ fo n ye, m bambanta, aduŋ n ko a ye ko, “M maarii, kumoo fo n ye i lafita ka meŋ fo n ye, kaatu i ye m bambandi le.”

Daniyeli 10:19 Mawu Ofanana

Jabuuroolu 138:3

Tuma meŋ na ŋa i kumandi, i ye n jaabi le. I ye n niyo bambandi kuu le.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Daniyeli 10:18

Tukuŋ, wo meŋ ka munta ko hadamadiŋo, ye m maa, m bambanta.

Daniyeli 9:23

Kabiriŋ i ye duwaa dati doroŋ, Alla ye i la duwaa jaabi, n naata le ka a futandi i ma, kaatu ite mu a kanuntee baa le ti. Silaŋ, i lamoyi a la jaabiroo la, fo i si kuwo fahaamu, i ye meŋ je.

Hakayi 2:4

Bari saayiŋ Yaawe ye ñiŋ ne fo ko, “Hani wo de, i si wakiili, ite Serubabeli. Ite Yosuwa fanaa si wakiili, ite meŋ mu piriisi kuntiyo ti. Alitolu bankoo moolu bee fanaa si wakiili.” Yaawe Alihawaa Maariyo* le ye ñiŋ fo ko, “Ali dookuwo ke, kaatu m be tara la ali fee le.

Jakariya 8:13

Ite Yahuuda niŋ Banisirayila, ì ka ali ke nuŋ danka moolu misaaloo le ti bankoolu kaŋ taariŋ, bari m be ali kiisa la le, ali ye ke neema moolu ti. Ali kana sila, ali ali tewolu siti.

Jakariya 8:9

Yaawe Alihawaa Maariyo ye ñiŋ ne fo ko: Ali ali tewolu siti kendeke, alitolu mennu be kumoolu moyi kaŋ teŋ, annabiyomoolu ye mennu fo nuŋ, biriŋ fondamaŋo be laa kaŋ, ka Yaawe Alihawaa Maariyo Batudulaa Buŋo* lookuu.

Yohana 11:3

Wo kamma la, a baarimmusoolu ye kiilaa kii Yeesu ye ko, “Maariyo, i kanuntewo kuuranta le.”

Yohana 11:36

Wo kamma la Yahuudoolu ko, “A juubee, a ye a kanu ñaameŋ!”

Yohana 11:5

Yeesu ye Marita niŋ a doomusoo kanu le, aniŋ Lasarus.

Yohana 14:27

“Ŋa kayiroo le tu ali fee, ŋa n na kayiroo dii ali la le. Nte maŋ a dii ali la ko duniyaa ka a dii ñaameŋ. Ali sondomoolu kana toora, sako ali si sila.

Yohana 16:33

Ŋa ñiŋ kuwolu fo ali ye le fo ali si kayiroo soto nte kono. Ali ka niikuyaa soto duniyaa kono le, bari ali ali jusoo bambandi, kaatu nte ye duniyaa noo le.”

Yohana 19:26

Kabiriŋ Yeesu ye a baamaa je looriŋ, a niŋ saayiboo a ye meŋ kanu, a ko a baamaa ye ko, “Musoo, i dinkewo fele!”

Yohana 21:20

Wo to le Pita ye a ñaa muru, a ye saayiboo je ì nooma Yeesu ye meŋ kanu. Ate le mu saayiboo ti, meŋ siita Yeesu kara la nuŋ siimaŋo waatoo la, aniŋ a ko, “M Maarii, jumaa le mu wo ti, meŋ be i jamfaa la?”

1 Korintinkoolu 16:13

Ali koroosiroo ke, ali loo bambandinke ali la lannoo kono. Ali si fatiyaa, aniŋ ali ye bambaŋ!

2 Korintinkoolu 12:9

bari a ko n ye le ko: “Nte la hiinoo kaañanta ite ye le, kaatu n na semboo ka timma sembentaŋyaa le kono.” Wo to, n kontaaniriŋo be kibiri la baake n na sembentaŋyaa la kuwo to le, fo Kiristu la semboo si tu n kaŋ.

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

2 Timoti 2:1

Wo to ite n dinkewo, loo bambandinke hiinoo kaŋ, meŋ be Kiristu* Yeesu kono.

Yosuwa 1:9

Kana ñina ŋa yaamaroo meŋ dii i la, ka fatiyaa, aniŋ ka bambaŋ. Kana sila, i kana jikilateyi, kaatu nte Yaawe i la Alla le be tara la i fee, i taata daa-wo-daa.”

Lankenemoo 1:17

Kabiriŋ ŋa a je, ŋa m faŋo fayi a siŋolu to ko furewo, bari a ye a bulubaa buloo laa n kaŋ, a ko, “Kana sila! Nte le mu Foloo niŋ Labaŋo ti,

Kiitindirilaalu 6:23

Bari Yaawe ko a ye ko, “Kayiroo doroŋ ne be tara la i ye! Kana sila. I te faa la.”