Daniyeli 10:18 - Mandinka Bible

¹⁸ Tukuŋ, wo meŋ ka munta ko hadamadiŋo, ye m maa, m bambanta.

Daniyeli 10:18 Mawu Ofanana

Yuuba 16:5

N daakumoo si ali wakiilindi noo le, n neŋo kumoo la diyaa ye dimoo bo ali kaŋ.

Yuuba 23:6

Fo duŋ, ate le be kiitiyo kuwo ñiŋ ñaatonkayaa la baŋ, ka n silandi niŋ a semboo la? Bari hanii, a be i lamoyi la m fanaa la kumakaŋo la le.

Jabuuroolu 138:3

Tuma meŋ na ŋa i kumandi, i ye n jaabi le. I ye n niyo bambandi kuu le.

Daniyeli 10:10

Bituŋ moo buloo ye m muta, a ye n wulindi, aduŋ a ye n tu jimiriŋ, m buloo niŋ n kumbaliŋo be looriŋ bankoo to, m be jarajara la.

Daniyeli 10:16

Ŋa a je wo meŋ muluŋo be ko hadamadiŋo ye n daa maa a buloo la, aduŋ ŋa n daa yele, n diyaamuta moo ñiŋ ye, meŋ be looriŋ n ñaatiliŋo la, n ko a ye ko, “Hee m maarii, ñiŋ kuwo jewo ye n ke le ko niŋ mantoora baa laata moo kaŋ, fo n semboo bee banta fereŋ.

Daniyeli 8:15

Kabiriŋ nte Daniyeli ye ñiŋ kuwo je, ŋa a kata le ka a fahaamu. Bituŋ loodulaa kiliŋ ŋa kee muluŋo je looriŋ n ñaatiliŋo la.

Daniyeli 8:18

Kabiriŋ a be diyaamu kaŋ n ye, siinoo baa ye n taa, m be laariŋ n ñaadaa kaŋ bankoo to. Bari a ye m muta le, a ye n londi n siŋolu la.

Luka 22:32

Bari n duwaata ite ye le, fo i la lannoo kana bo. Niŋ i muruta naŋ n kaŋ, i si i baadiŋolu* wakiilindi.”

Luka 22:43

Malaayikoo fintita naŋ a kaŋ ka bo Arijana, a ye a wakiilindi.

Kiilaalu 18:23

Kabiriŋ a sabatita jee fo waati, a bota jee ka taa dulaalu to taariŋ Kalatiya niŋ Firikiya tundoolu kaŋ, aduŋ a ye Yeesu la kafoo moolu bee bambandi.

Efesusinkoolu 3:16

N ka a daani le, ko a la semboo niŋ waroo la fankoo be ñaameŋ, fo a si ali sondomoolu sembentuŋyaa ka bo niŋ a la Nooroo la,

Filipinkoolu 4:13

N ka kuwolu bee ke noo ka bo niŋ ate le la, meŋ ka n sembentuŋyaa.

Kolosankoolu 1:11

Allamaa ali ye bambaŋ niŋ semboo bee la, ko a la waroo be kaawakuuyaariŋ ñaameŋ, fo ali si muñoo niŋ wakiiloo soto kuwolu bee kono, aduŋ ali si m̀ Faamaa tentu niŋ seewoo la. Ate le ye ali ke keetaalaalu ti a la moo senuŋolu la keetaa to Arijana kono, maloo be daameŋ.

1 Samuweli 23:15

Dawuda ye a loŋ ne ko, Sawulu ka a ñini le fo a si a faa. Kabiriŋ a tarata Horesa, meŋ be Sifu keñewuloo daala,