Daniyeli 1:8 - Mandinka Bible

⁸ Daniyeli ye ñiŋ ne muta a kono ko, a te mansasuwo kono domoroo domo la, aduŋ a te jee wayinoo miŋ na, ka a faŋ kosondi. Bituŋ a ye mansasuwo kono dookuulaa kuntiyo daani ka siloo dii a la, a kana a faŋ kosondi.

Daniyeli 1:8 Mawu Ofanana

1 Mansoolu 5:5

Wo to n lafita le ka buŋo loo Yaawe n na Alla tooyaa la, komeŋ Yaawe ye a fo m faamaa Dawuda ye ñaameŋ ko, ‘I dinkewo m be meŋ sindi la mansasiiraŋo kaŋ i noo to, wo le be buŋo loo la n tooyaa la.’

Jabuuroolu 106:28

Bituŋ m̀ mumuñolu naata duŋ Baali* jalambatoo to Pewori Konkoo to, ì ka sadaalu* domo ì ye mennu bondi furewolu ye.

Jabuuroolu 119:106

N kalita le ka laahidi bambandiŋo taa, ka i la luwaa timmariŋolu muta.

Jabuuroolu 119:115

Alitolu kuu jawu kelaalu, ali bo m bala, fo n si n na Alla la yaamaroolu muta noo.

Jabuuroolu 141:4

N sondomoo kaarindi kuu jawoo ma, n kana m faŋ duŋ kuu jawu kewo to, ka bo niŋ moolu kafuñooyaa la, mennu ka junuboo ke. N tanka ñiŋ ma ka kafu ì ma ì la bidaŋ domoroolu to.

Kuma Kotoomaalu 23:3

Kana i hakiloo loo a la domori diimaa kaŋ, kaatu a la domoroo si moo mantoora noo le.

Daniyeli 1:5

Mansa ye kaŋo dii le fanaa ko, luŋ-wo-luŋ ì si ì niibo ka bo mansasuwo kono domoroo niŋ wayinoo* to. Ì be karaŋo ke la le fo sanji saba, aduŋ wo koolaa le mu ì be naa tara la mansa koto dookuwo la.

Daniyeli 5:4

Ì ye wayinoo miŋ, ì ye ì la jalaŋolu jayi, mennu dadaata sanoo la, kodiforoo, jaawaloo, newo, babaroo, aniŋ beroo.

Kiilaalu 11:23

Biriŋ a naata, a ye Alla la hiinoo je, a seewoota. Bituŋ a ye ì bee yaamari ka tu tilindiŋ Maariyo ye ì sondomoolu bee la.

Kiilaalu 15:20

Bari ǹ ñanta a safee la ì ye le ka ì kalamutandi kuwolu la, ì ñanta fata la mennu la. Wolu le mu domori feŋolu ti, mennu noota ka bo niŋ jalaŋolu la, laañooyaa tuluŋo, subu jifariŋo, aniŋ yeloo.

1 Korintinkoolu 7:37

Bari moo-wo-moo meŋ ye a muta bambandinke a sondomoo kono ko, a te maa la sunkutoo la, meŋ be looriŋ a ye, wo la hame kuwolu te semboo soto noo la a kaŋ, ate te meŋ mara noo la, wo maarii ka kuu betoo le ke.

2 Korintinkoolu 9:7

Wo to moo-wo-moo si diiroo ke, ko a ye a ŋaniya a sondomoo kono ñaameŋ. A kana ke lafibaliyaa ti, waraŋ diyaakuyaa, kaatu meŋ ka diiroo ke niŋ seewoo la, Alla ka wo maarii kanu le.

5 Musa 32:38

Itolu le ka ali la beeyaŋ sadaalu keŋo domo, ì ka ali la wayini sadaalu miŋ. Itolu le ñanta wuli la ka ali maakoyi, ì ye ali tanka.