Amosi 9:9 - Mandinka Bible

⁹ “Alitolu Banisirayilankoolu, m be yaamaroo le dii la, ka ali janjandi bankoolu teema. M be ali tenteŋ na le ko niŋ i be siimaŋ kesoo tenteŋ na. Bari hani kendemaa kiliŋ te joloŋ na bankoo to.

Amosi 9:9 Mawu Ofanana

Yesaya 27:12

Wo luŋo la, ka bo naŋ Yufurati Boloŋo to fo Misira Wulumbaŋo to, Yaawe be a la moolu kiliŋ-kiliŋ bondi la ñoo to le, ko moo meŋ ka siimaŋo toñonka, ka a bo a kaloo bala.

Yesaya 28:28

Siimaŋ kesoo ka juru domoroo le ti, wo to moo buka tu a toñonka la fo fawu. Niŋ a maarii be a la suwoolu niŋ sareeti siŋo borindi la a kaŋ, a buka a juru.

Yesaya 30:28

A niijii foñoo ka munta le ko waamoo meŋ futata kaŋo to. A ka bankoolu tenteŋ kasaara tamewo le kono. A ka karafee juloo bula moolu ŋaaŋaa la ka ì filindi.

Yeremiya 31:36

“Ko ñiŋ kuu looriŋolu nene te baayi la, m be a ke la wo le ñaama, ka a je ko Banisirayila ye tara keriŋ, ì ye ke n na moolu ti fo fawu.”

Yeremiya 46:28

Kana sila, ite Yaakuba koomoo, n na dookuulaa, kaatu m be ali fee le, ŋa wo bankoolu bee buruka le, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ali to ñaameŋ, n te ali bula la muk, m maŋ ali kuluu.” Yaawe le ye a fo.

Yeremiya 49:36

M be jawoolu foñomaa le naati la Elamu kaŋ, ka bo naŋ duniyaa tonkoŋ naanoo la. M be ì janjandi la niŋ wo foñoo le la, aduŋ banku te tara la jee, Elamu mutamoolu te taa daameŋ.

Esekiyeli 20:38

M be moolu bondi la ali kono le mennu muritita m ma, aniŋ junubekelaalu. M be ì bondi la naŋ bantala bankoolu kaŋ ne, ì be mutoo kono daamennu to. Bari ì te duŋ na Banisirayila bankoo kaŋ. Niŋ wo keta ali be a loŋ na ko, nte le mu Yaawe ti.”

Esekiyeli 36:19

Ŋa ì janjandi bantala bankoolu kaŋ ne taariŋ. Ŋa wo kiitiyo le laa ì kaŋ ko ì daajikoolu niŋ ì kebaaroolu be ñaameŋ.

Esekiyeli 39:28

Wo to le, ì be a loŋ na ko, nte le mu Yaawe ti, ì Maariyo. Kaatu ŋa ì kii le ka taa mutoo kono bantala bankoolu kaŋ, n naata ì kafu ñoo ma ì fansuŋ bankoo kaŋ. N te hani kiliŋ bula la ka tu bantala banku kaŋ kotenke.

Esekiyeli 5:10

Faalu si ì diŋolu faa ka ì domo, diŋolu ye ì faalu faa ka ì domo, aduŋ moo toomaalu, mennu tuta baluwo to, m be wolu bee janjandi la le taariŋ ka tara foñoo bulu karoo bee la.”

Esekiyeli 5:12

Ali be talaa la kafu saba le ti. Kafu foloo, alibalaa kuuraŋo niŋ konko jawoo le be wolu faa la Yerusalaamu. Kafu fulanjaŋo, hawusaroo le be wolu faa la, ali la saatee tata sansaŋo banta la. M be kafu sabanjaŋo moolu caarindi la le, ì ye tara foñoo bulu, n niŋ hawusaroo ye bula ì nooma ka ì faa taariŋ.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Luka 22:31

Wo to le Maariyo ko, “Simoni, Simoni! Semboo diita Seetaanoo la le ka ali tenteŋ ka kesoolu niŋ fuufulewolu bo ñoo to.

5 Musa 28:64

Bituŋ a si naa ali janjandi bankoolu bee kaŋ taariŋ, biriŋ duniyaa tonkoŋ fo tonkoŋ, aduŋ ali si alla koteŋolu batu jee, ì ye mennu dadaa yiroo niŋ beroo la, ali niŋ ali mumuñolu nene maŋ alloolu mennu loŋ nuŋ.