Amosi 9:6 - Mandinka Bible

⁶ Ate Mansoo meŋ ye a la mansabaayaa suwo loo saŋo santo, a ye saŋo wanka duniyaa kunto santo, a ka jiyo kili santo ka bo fankaasoo kono, a ye naa a jindi naŋ duniyaa kono. Yaawe le mu a too ti.

Amosi 9:6 Mawu Ofanana

1 Musa 2:1

Bituŋ saŋo niŋ bankoo banta daa la, ì niŋ ì konokono feŋolu bee.

Jabuuroolu 104:13

I ka samaajiyo jindi konkoolu kaŋ ne ka bo i sabatidulaa to saŋo santo, ka duniyaa fandi i la neemafeŋolu la.

Jabuuroolu 104:3

I ye i la sabatidulaa loo jiyolu le kaŋ, mennu be saŋ fatoolu ye santo la. I ka tawaloolu le ke i la keleraŋ sareetoolu* ti, aduŋ i la taamaraŋo mu foñoo le ti, i ka tii a fee ko kunoo niŋ a dampaŋo.

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.