Amosi 9:13 - Mandinka Bible

¹³ Yaawe ye ñiŋ ne fo ko, “Luŋolu be naa le, katirilaalu si katiroo ke fo sene waatoo, wayini* yiridiŋ bitilaalu si wayinoo bondi fo fiiri waatoo. Wayini diimaa si suleŋ konkoolu kaŋ, a ye bori konkoriŋolu bee kaŋ.

Amosi 9:13 Mawu Ofanana

1 Musa 49:11

Ite Yahuuda, i be i la falimusoo siti la wayini* yiroo le bala, a diŋo ye tara sitiriŋ wayini yiribuloo bala. I be i la duŋ feŋo kuu la wayinoo le la, i ye i la waramboo kuu wayinoo la.

Jabuuroolu 97:5

Konkoolu ka yeluŋ Yaawe ñaatiliŋo la le komeŋ kandiyoo, duniyaa bee Maariyo ñaatiliŋo la.

Yesaya 16:10

Seewoo niŋ jusulaa maŋ soto kunku jambandiriŋolu to, moo buka denkili laa, waraŋ ka sari, wayini yiri kankaŋolu to, moo buka wayini biti, yiridiŋ bitidulaa to, kontaani sari kaŋo danta le.

Yesaya 55:13

Niŋ ŋaniŋ suŋolu le ñanta faliŋ na, junipa yiroo aniŋ miritali yiroo si faliŋ. Ñiŋ kuwo be ke la taamanseeroo le ti nte Yaawe la horomoo kamma, aduŋ a be tu la le fo fawu, a te tiñaa la.”

Esekiyeli 28:26

Ì be tara la kayiroo le kono, ì ye ì la buŋolu loo, ì ye wayini* yiri kankaŋolu tutu. Niŋ ŋa n na kiitiyo taamandi ì naaneeñoolu bee kaŋ, mennu ye kuu jawoolu laa ì kaŋ jutunnayaa kono nuŋ, wo to le ì be tara la kayiroo kono. Niŋ wo keta le, ì be a loŋ na ko, nte le mu Yaawe ti, ì Maariyo.”

Esekiyeli 36:35

Ì be a fo la le ko, ‘Ñiŋ dulaa meŋ kenseŋyaata nuŋ, a fele, a naata ke ko Edeni naakoo. Aduŋ wo saatee tumbundiŋolu fele, ì naata ì tatoolu lookuu aniŋ ì be faariŋ moolu la ñaameŋ!’

Yoweli 2:24

Toñonkari dulaalu be faa la siimaŋ kesoo la le, tulu keraŋo niŋ wayini keraŋo ye faa fo ì ka boŋ.

Yoweli 3:18

“Wo luŋo la, wayini jii diimaa si suleŋ konkoolu kaŋ, keekewo ye bori konkoriŋolu duuma, Yahuuda jii siloolu bee ye faa jiyo la, Jiyo si woyi naŋ ka bo Yaawe Batudulaa Buŋo* to, a ye Sitimu Wulumbaŋo jiiboŋ.

Yoweli 3:20

M be ì la saayaa juloo joo la le, n te yamfa la a junuboo la. Bari Yahuuda be ke la siidulaa le ti fo abadaa, Yerusalaamu fanaa jamaanoo bee la, nte, Yaawe be sabatiriŋ Siyoni le.”

3 Musa 26:5

Siimaŋo la siyaa kamma la, ali si ali la siimaŋolu toñonka, fo wayini* yiridiŋ kati waatoo ye ali tara a kaŋ, ali ye wayini yiridiŋ katoo fanaa ke, fo fiiri waatoo ye ali tara a kaŋ. Ali si ali la siimaŋo domo, a ye ali sii, ali ye tara sabatiriŋ tankoo kono, ali la bankoo kaŋ.

Amosi 9:5

Niŋ Yaawe Alihawaa Maariyo* ye duniyaa maa, a si jarajara. A si jiijaa ko Nayili Boloŋo meŋ be Misira. Duniyaa moolu bee si saŋawoosii.

Yohana 4:35

Fo ali buka a fo baŋ, ‘Kari naani le tuta jee, katiri waatoo ye sii’? A fele, m be a fo la ali ye, ali ali ñaa yele, ali ye kunkoolu juubee, kaatu ì moota katiroo ye le fokabaŋ.

Kiitindirilaalu 5:5

Konkoolu jarajarata Yaawe ñaatiliŋo la, hani ñiŋ Sinayi Konkoo faŋo, Yaawe ñaatiliŋo la, Banisirayila la Alla.