Amosi 8:9 - Mandinka Bible

⁹ Maarii Yaawe ye ñiŋ ne fo ko: “Wo luŋo la, n si tiloo boyindi tilikuntewo waatoo, ŋa diboo duŋ duniyaa kono tilibula baa.

Amosi 8:9 Mawu Ofanana

Yuuba 5:14

Hani tiloo ñaama, itolu ka tara diboo le kono. Ì ka moomooroo ke tilibuloo ko ì be suutoo le kono.

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yeremiya 15:9

Musu meŋ jiidita diŋ woorowula la, wolu la faa si a ketundi, niijiyo ye koleyaa a ma. A la tilibula baa si ke a ye diboo ti. A si malu, aduŋ dooyaaroo si laa a kaŋ. Ì toomaalu mennu tuta baluuriŋ, m be ì jawoolu le bula la ì ye ì faa niŋ hawusaroo la.” Yaawe le ye a fo.

Esekiyeli 32:7

Niŋ ŋa i fintindi naŋ banta, m be saŋ fatoo bee muuri la le, looloolu bee ye dibi, ŋa tiloo muuri niŋ minaayoolu la, aduŋ karoo te mala la.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Mika 3:6

“Ñiŋ kuwo kamma la, ali be tara la diboo le kono, ali te jeri ke noo la. Ali si tara diboo kono, ali te kuu fo noo la, meŋ be ke la ñaato. Tiloo si boyi ali ma, tiloo la maloo ye ke ali ye diboo ti.

Jakariya 14:7

Tiloo le be tenteŋ na, suuto niŋ tili te soto la, hani wulaaroo si ke tiloo waatoo ti. Yaawe le be londiŋ a waatoo la.

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

Matiyu 27:45

Saayiŋ, ka bo talaŋ taŋ niŋ fula tilibuloo ka taa fo talaŋ saba tilibuloo, dibi baa dunta bankoo muumewo bee kaŋ.

Maaka 15:33

Kabiriŋ talaŋ taŋ niŋ fula tilibuloo siita, dibi baa dunta bankoo muumewo bee kaŋ fo talaŋ saba tilibuloo.

Luka 23:44

Talaŋ taŋ niŋ fula maafaŋo la tilibuloo, dibi baa dunta bankoo muumewo bee kaŋ fo talaŋ saba tilibuloo.

Lankenemoo 6:12

Ŋa Saajiiriŋo je, a ye noto wooronjaŋo teyi. Wo keta banku jarajara baa ti. Tiloo naata fiŋ ko fintoŋo, aniŋ karoo bee naata wulee ko yeloo.

Lankenemoo 8:12

Malaayika naaninjaŋo ye a la footaŋo fee. Wo ye tiloo la talaadaa sabanjaŋo maa, a niŋ karoo niŋ looloolu fanaa la talaadaa sabanjaŋo, fo ì la maloo la talaadaa sabanjaŋo naata dibi. Wo naata a tinna, tiloo niŋ suutoo la talaadaa sabanjaŋo keta diboo ti.