Amosi 8:5 - Mandinka Bible

⁵ Ali ka tara i miira kaŋ Kari Kuta Juuraloo* la baŋo waatoo doroŋ ne la, Loobula Luŋo be baŋ na waatoo meŋ na, fo ali si tenteŋ noo ali la safaaroo la, ka ali la siimaŋ kesoolu waafi. Ali buka tonkutonku faŋ ka ali la sumandirilaŋ pootoolu talaa, ali ye daa jawu baa laa ì kaŋ, ali ye moolu neenee ali la peesarilaŋ kuruŋolu la.

Amosi 8:5 Mawu Ofanana

2 Mansoolu 4:23

A keemaa ko a ye ko, “Muŋ daliila le be i samba la a yaa, bii maŋ ke Kari Kuta Juuraloo* waraŋ Loobula Luŋo ti.” A ko a ye ko, “Wo nte kasi ti.”

2 Musa 31:13

ka a fo Banisirayilankoolu ye ko: Ali si ali hakiloo tu Loobula Luŋo to. N na foñondiŋ luŋo le mu. A keta taamanseeri le ti alitolu niŋ nte Yaawe teema jamaanoolu ye mennu be naa. Ñiŋ ne be a yitandi la ali la ko, nte Yaawe ye ali ke m fansuŋ moo senuŋolu le ti.

Kuma Kotoomaalu 11:1

Tilimbaliyaa peesaroo mu Yaawe* tanoo le ti, bari sumandiroo meŋ tilinta, wo ka a seewoo le.

Kuma Kotoomaalu 16:11

Sumandiroo niŋ peesari tilindiŋo ka bo Yaawe le bulu, feŋ-wo-feŋ ka sumaŋ, a la dookuwo le mu.

Kuma Kotoomaalu 20:23

Peesaroo meŋ maŋ tiliŋ mu Yaawe tanoo le ti, aduŋ sumandiri tilimbaloo maŋ beteyaa.

Yesaya 1:13

Ali i foño ka sadaa kuntaŋo naati. Ali la cuuraayi siisiyo mu n tanoo le ti. Ali la ñiŋ kuruŋyaa beŋolu, ali la Kari Kuta Juuraloo*, Loobula Luŋo, aniŋ diina beŋ koteŋolu, n te ì muña noo la.

Yesaya 58:13

“Ali kana jutu Loobula Luŋo la, ka bula ali la niidiyaa nooma, n na ñiŋ luŋ buuñaariŋo la. Ali ñiŋ luŋo kumandi kontaani luŋo la, aniŋ luŋ buuñaariŋo. Ali si ñiŋ luŋo muta ka a buuñaa, ali kana bula ali fansuŋ siloo nooma, ka ali fansuŋ nafaa kuwo taamandi, waraŋ ka kuma kenseŋo fo.

Hoseya 12:7

Yaawe ko: “Ite Efurayimu, i be le ko juloo, meŋ na peesarilaŋo maŋ tiliŋ, a be hameriŋ ka moolu nakari.

Hoseya 12:8

Ali ka ñiŋ ne fo ko, ‘Ŋà naafulu jamaa le soto, m̀ fankata le kendeke. Ǹ na ñiŋ naafuloo bee tilimbaliyaa te je noo la ǹ na karoo la, waraŋ junuboo.’

3 Musa 19:36

Ali la peesarilaŋolu ñanta tiliŋ na le, ka taa ali la sumaŋ hapoolu niŋ sumandirilaŋolu. Nte le mu Yaawe ali la Alla ti, meŋ ye ali bondi naŋ Misira bankoo kaŋ.

Jakariya 5:6

Bituŋ ŋa a ñininkaa ko, “Ñiŋ mu muŋ ne ti?” A ye n jaabi ko, “Keraŋo le mu. A ka bankoo bee la kuruŋyaa le yitandi.”

Jakariya 5:8

Bituŋ malaayikoo ñiŋ kumata ko, “Ñiŋ musoo mu kuruŋyaa taamanseeroo le ti.” A ye a ñori keraŋo kono duuma, a ye bitindaŋo laa a kaŋ.

Malaki 1:13

Ali kumata ko, ‘Ñiŋ bataa juubee.’ Ali maŋ nte Yaawe Alihawaa Maariyo kuliyaa. Ali ye suuñaari beeyaŋolu samba naŋ ne, beeyaŋ lanjuurutoolu, beeyaŋ kuurantoolu, ali ye ñinnu le samba naŋ sadaa ti. Fo nte Yaawe ñanta ñinnu muta la ali ye le baŋ?

4 Musa 10:10

Ali si ñiŋ footaŋolu fee noo ali la kontaani luŋolu fanaa la le, ali la diina juurali luŋolu, aniŋ Kari Kuta Juuraloolu*, niŋ ali be jani sadaalu* bo la aniŋ kayira sabatindiraŋ sadaa. Ì be ke la nte ali la Alla ye hakilibulandiraŋo le ti. Nte le mu Yaawe ti ali la Alla.

Kolosankoolu 2:16

Wo to, ali kana soŋ, moo-wo-moo ye ali tuumi feŋolu la, ali ka mennu domo, ali ka mennu miŋ, waraŋ Kari Kuta Juurali* luŋo, waraŋ Loobula Luŋo, waraŋ juurali luŋ koteŋolu.

1 Samuweli 20:5

Bituŋ Dawuda ko, “A juubee, saama le mu Kari Kuta Juurali* luŋo ti, aduŋ n niŋ mansa ñanta domoroo ke la le. Bari m batu, ŋa taa m maabo kenoo kono fo sinindiŋ wulaaroo.