Amosi 8:3 - Mandinka Bible

³ Wo luŋo la, denkiloo meŋ ka laa mansabuŋo to, be yelema la kumboo le ti. Furee jamaa le be tara la fatafatariŋ dulaalu to taariŋ. Kaawakuu! Deyoo si ke tek.” Maarii Yaawe le ye a fo.

Amosi 8:3 Mawu Ofanana

Jabuuroolu 39:9

“Ŋa n deyi le, n daa te kuma fo la, kaatu ite le ye a ke.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yeremiya 22:18

Wo kamma la Yaawe ye ñiŋ ne fo Yosiya dinkewo Yehoyakimu, Yahuuda mansakewo la kuwo to ko: “Ì te a la saŋo kumboo la ka a fo ñoo ye ko: ‘Ayiwaalii! Ayiwaalii!’ Ì te a la saŋo kumboo la ka a fo ko: ‘Ayiwaalii, m̀ maariikewo! A la mansayaa be ñaameŋ!’

Niikuyaa Suukuwolu 2:10

Kooroo keta, Siyoni saatewo alifaalu siita bankoo le to deyoo kono, ka buutoo fayi ì kuŋolu kaŋ, ì ye booto funtoolu duŋ niikuyaa kamma. Yerusalaamu sunkutoolu ñoyita, ì ye ì foŋo loo bankoo to.

Yoweli 1:11

Alitolu senelaalu, ali sunu, ali lemba, alitolu wayini yiri topatoolaalu. Ali wiiti* niŋ baali* siimaŋo kumboo, siimaŋ katoo danta.

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Yoweli 1:5

Ali wuli, alitolu siiratoolu, ali ye kumboo, alitolu wayini* minnaalu bee, ali wayini timiyaariŋo woosii, kaatu ali la a miŋo kuntuta le.

3 Musa 10:3

Bituŋ Musa ko Haaruna ye ko, “Yaawe ye ñiŋ ne fo ko: ‘M be n na seneyaa yitandi la le ka bo niŋ moo-wo-moo la, meŋ be sutiyaariŋ n na, fo moolu bee si n kuliyaa.’ ” Bari Haaruna tuta deyiriŋ ne.

Amosi 4:10

“Ŋa alibalaa kuuraŋo jindi ali kaŋ, ko ŋa a jindi Misirankoolu kaŋ ñaameŋ. Ŋa ali la fondinkewolu faa niŋ hawusaroo* la, ŋa ali la suwoolu duŋ mutoo kono. Ŋa ali nuŋ huwolu fandi furewolu nooroo la ali la daakaalu to. Hani wo bee, ali maŋ soŋ muru la n kaŋ.” Yaawe le ye a fo.

Amosi 5:16

Yaawe Alihawaa Maariyo ye ñiŋ ne fo ko: “Jamaa bendulaa daa-wo-daa, lemboo le be tara la jee. Mbeedi-wo-mbeedi kaŋ, saŋakumboo le be tara la jee. Hani samaadoolaalu, ì si ì kili ka naa saŋakumboo la, aniŋ saŋawoosiilaa baalu ka lemba.

Amosi 5:23

Ali ali suukuukaŋo bo n daala. M maŋ lafi ali la kontiŋ kosoo moyi la.

Amosi 6:4

Kooroo be boyi la ali kaŋ ne, alitolu mennu ka tara laariŋ laaraŋolu kaŋ, ì ye mennu ñarandi samañiŋolu la, ali ka tara janjandiŋ ali la siiraŋ baalu kaŋ, ali be saajii mereŋ suboolu domo la, aniŋ ninsi mereŋ suboolu.

Amosi 6:5

Ali ka tara denkililaa kenseŋo la ali la kontiŋ juloolu to, ka ali faŋ na juloo ke ko Dawuda ka a ke ñaameŋ.

Amosi 6:8

Maarii Yaawe* kalita a faŋo la ko, “M maŋ lafi Yaakuba koomalankoolu la kufaŋ maañaa la, aduŋ ŋa ì la tatoolu koŋ ne. Wo kamma la m be Samariya bula la le a ye kasaara, aniŋ a konofeŋolu bee.” Alla, Alihawaa Maariyo* le ye a fo.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Nahumu 3:3

Suutiyolu si kirimbaasi ñaato keledulaa to. Sooroolu ye ŋalasi, hawusaroolu* ye tara malamalariŋ. Moo jurumoo ye faa, furewolu ye jurumi ñoo kaŋ, moo faariŋolu, dandulaa te tara la meŋ na. Kelediŋolu ye tara takiŋ-takiŋ na furewolu la.

Sefaniya 1:7

Ali i deyi Maarii Yaawe ñaatiliŋo la. Yaawe la luŋo sutiyaata naŋ ne. A be pareeriŋ ne ka a la moolu kanateyi ko beeyaŋ sadaa*, aduŋ a ye ì jawoolu le buuñaatoo kumandi a sadaa domoo to.