Amosi 8:2 - Mandinka Bible

² Bituŋ Yaawe ye n ñininkaa ko, “Amosi, i ye muŋ ne je?” Ŋa a jaabi ko, “Sinsiŋo, yiridiŋ mooriŋolu be a kono.” Bituŋ a ko n ye ko, “N na moolu Banisirayilankoolu la kuwo kiitiyo moota le. N te yamfa la ì ye muk.

Amosi 8:2 Mawu Ofanana

1 Musa 6:13

Bituŋ Alla naata a fo Nuha ye ko, “Ŋa ñiŋ ne muta, ka moolu bee siyo daŋ. Kaatu duniyaa bee be faariŋ tilimbaliyaa kuwo le la. Saayiŋ m be ì niŋ duniyaa bee le kasaara la.

Yesaya 28:4

Saatewo la sapuraŋo meŋ be looriŋ konkoo kaŋ, wulumbaŋ jambandiriŋo daala, be ke la le ko firi nororiŋo. A be muluŋ na le ko sooto juunoo, niŋ moolu ye a je doroŋ, ì ka tariyaa le ka a kati.

Yeremiya 40:10

Ate Kedaliya be tenteŋ na le ka sabati Misipa, a ye tara looriŋ ì ye ì niŋ Babiloninkoolu teema, mennu be kali naa la ì kaŋ waati-niŋ-waati. Bari itolu si taa, ì ye wayini* diŋ ñatoolu kati ka ì kafuŋ-kafuŋ ñoo kaŋ, aniŋ samaakono yiridiŋolu, aniŋ olifu* tuloo, ì ye ì ke keraŋolu kono ka ì maabo. Ì si sabati saatewolu to, ì ye mennu taa ka ì ke ì taa ti.

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Niikuyaa Suukuwolu 4:18

Ruk-ruk, a duuta! Ǹ jawoolu ka ǹ wulu deema le, ì ka m̀ bali finti la ǹ na mbeedoolu kaŋ. Ǹ labaŋo siita le, m̀ baluu tiloolu banta fereŋ-fereŋ.

Esekiyeli 12:23

Wo kamma la, i si a fo ì ye, nte Yaawe, ì Maariyo ye ñiŋ ne fo ko: M be daŋ ke la ì la ñiŋ kumoolu la le. Moo te a fo la Banisirayila bankoo kaŋ kotenke. Saayiŋ waatoo siita le. Kuu-wo-kuu meŋ fota, a bee be timma la le.

Esekiyeli 29:8

Maarii Yaawe ye ñiŋ ne fo ko: “M be keloo le wulindi la i kamma, ŋa hadamadiŋolu niŋ beeyaŋolu bee faa.

Esekiyeli 3:10

A ko n ye ko, “Hadamadiŋo, i hakiloo tu ñiŋ kumoolu to n ka mennu bee fo i ye, i si i lamoyi kendeke.

Esekiyeli 3:7

Bari Banisirayilankoolu te soŋ na i lamoyi la i la, kaatu ì maŋ soŋ ka i lamoyi nte faŋo la. Ì mu moo kuŋ jaaroolu le ti, ì sondomoolu fanaa jaata le.

Esekiyeli 7:6

Baŋ waatoo le naata. Baŋ waatoo naata le. A wulita ali kamma le. A fele, a ka naa le.

Esekiyeli 8:12

Wo to le a ko n ye ko, “Hadamadiŋo, i ye a je le Banisirayila alifaalu be meŋ ke kaŋ kulloo kono baŋ? Ì bee ye jalaŋolu le soto ì la buŋolu kono. Ì ka ñiŋ ne fo ko, ‘Yaawe buka ǹ je, kaatu a ye a daa bondi ǹ na bankoo la kuwo to le.’ ”

Esekiyeli 8:17

Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

Esekiyeli 8:6

Wo to le a ye n ñininkaa ko, “Hadamadiŋo, i ye a je le baŋ, Banisirayilankoolu be kuu haraamuriŋ baalu mennu ke kaŋ? Wo le ka n jamfandi n na Batudulaa Senuŋo la. Aduŋ i be naa kuwolu mennu je la saayiŋ, wolu le be jawuyaa la ka tambi i ye mennu je teŋ.”

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Amosi 7:8

Bituŋ a naata n ñininkaa, ŋa muŋ ne je. N ko a ye ko, “Buŋ looraŋ juloo.” Yaawe ko, “M be juloo ñiŋ taa la le ka a yitandi n na moolu Banisirayilankoolu la kuwo be ñaameŋ. Ì mulunta le komeŋ bumbaloo meŋ maŋ tiliŋ. N te yamfa la ì ye kotenke.

Amosi 8:1

M Maarii Yaawe* ye n jerindi ñiŋ ne la: Ŋa sinsiŋo le je, yiridiŋ mooriŋolu be a kono.

Mika 7:1

Nte la kuwo be balafaa le daa to! N na kuwo ka muluŋ ne ko moo meŋ, a be lafiriŋ yiridiŋ katoo la, a be lafiriŋ wayini* karaŋo la wayini kankaŋo to, bari hani feŋ maŋ tu jee, a be meŋ faŋo domo la, sooto kumfoloolu to hani feŋ te jee, a si lafi meŋ na.

Jakariya 5:2

Malaayikoo ye n ñininkaa ko, “I ye muŋ ne je?” Ŋa a jaabi ko, “Ŋa kitaabu moromororiŋo le je, a be tii kaŋ foñoo kono. A karoo la jamfoo mu nonkonkatiñaa muwaŋ ne ti, a konoo la fanoo kaañanta nonkonkatiñaa taŋ ne fee.”