Amosi 8:14 - Mandinka Bible

¹⁴ Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

Amosi 8:14 Mawu Ofanana

1 Mansoolu 12:32

A ye juuraloo londi kari seyinjaŋo tili taŋ niŋ luulunjaŋo la, komeŋ juuraloo meŋ ka ke Yahuuda, aduŋ a ye sadaalu bo sadaabodulaa* kaŋ. A ye ñiŋ ke Beteli le, ka sadaa bo sani ninsiriŋolu ye a ye mennu dadaa. Beteli fanaa to jee, a ye piriisoolu ke batudulaa tintiŋolu* to a ye mennu dadaa.

1 Mansoolu 14:16

Aduŋ a be a koo dii la Banisirayila la le junuboolu kamma la, Yerobowamu ye mennu ke, aniŋ a ye a tinna Banisirayila ye ì ke.”

1 Mansoolu 16:24

Bituŋ Omuri ye Samariya konkoo saŋ Semeri ma kodiforoo kilo taŋ woorowula la, aduŋ a ye konkoo ñiŋ loo saatewo ti. Bituŋ a ye saatewo ñiŋ meŋ loo a ye a kumandi Samariya la ka a toolaa Semeri la, meŋ taa mu nuŋ konkoo ñiŋ ti.

2 Mansoolu 10:29

Bari a maŋ fata Nebati dinkewo Yerobowamu la junube kuwolu ma, wo meŋ ye a tinna Banisirayila ye junuboo ke. Yehu ye Beteli niŋ Dani sani ninsiriŋ jalambatoo kuwo tu looriŋ ne.

2 Taarika 36:16

Bari ì tarata Alla la annabiyomoolu ñaawali la, ka i baŋ a la kumakaŋolu la. Ì ka a la annabiyomoolu jele fo a la kamfaa warata ì kamma, fo labaŋo ì maŋ kanadaa soto noo.

Jabuuroolu 140:10

Allamaa dimbaa wuleŋo ye kupi ì kaŋ. Allamaa ì ye boyi dinkoo kono, ì kana wuli noo kotenke.

Jabuuroolu 36:12

A fele, moo jawoolu boyita le, ì busandita duuma, ì maŋ wuli noo.

Kuma Kotoomaalu 24:16

Hani niŋ moo tilindiŋo boyita ko siiñaa woorowula, a be wuli la le kotenke, bari moo jawoo, maasiiba kuwo le ka wo kasaara.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yesaya 24:20

Bankoo ka fiiloo ko siiratoo, a ka jiijaa ko jembereŋ be foño kono. A la balaŋo ye dunoo kuliyandi a kaŋ, fo a boyita, a maŋ wuli noo kotenke.

Yesaya 43:17

A ye kelediŋ kafu baa kenkeŋ ka taa ì kasaara, ì niŋ ì la suwoolu niŋ keleraŋ sareetoolu*. Ì tarata laariŋ ne ì te wuli la kotenke, ì faata le dak, ì dubenta ko lampu meesoo.

Yeremiya 25:27

Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Yeremiya 51:64

Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 13:16

Samariyankoolu be ì la junuboo dunoo taa la le, kaatu ì balanta ì la Alla ma le. Hawusaroo* le be ì faa la, ì ye ì diŋolu busa ka ì janjaŋ bankoo to. Ì la musukonomaalu, ì ye wolu konoolu fara.”

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Hoseya 4:15

“Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Amosi 5:1

Ali ñiŋ kumakaŋo moyi, alitolu Banisirayilankoolu, m be meŋ woosii la teŋ ali la kuwo to,

Amosi 5:2

“Dimmusuriŋ* Banisirayila boyita le piram, aduŋ a te wuli la kotenke. A be laariŋ a faŋ ye, moo maŋ soto ka a wulindi.”

Amosi 5:5

Ali kana ali jikoo loo Beteli batudulaa kaŋ, aduŋ ali kana duŋ Kilikali, waraŋ ka tambi ka taa Beeriseba. Kaatu Kilikali moolu be tara la mutoo le kono, aduŋ Beteli te naa ke la feŋ ti kotenke.”

Mika 1:5

Ñinnu bee be ke la le, Yaakuba koomalankoolu la balaŋo kamma la, aniŋ Banisirayilankoolu la junube baaroolu. Ì la balaŋo sababoo keta jumaa le ti? Fo a maŋ ke Samariya le ti baŋ? Jumaa le keta jalambatoo sababoo ti batudulaa tintiŋolu* kaŋ, Yahuuda? Fo a maŋ ke Yerusalaamu le ti baŋ?

Sefaniya 1:5

M be moolu fanaa kasaara la le, mennu ka sujudi saŋo santo malafeŋolu ye, ì la buŋolu kaŋ santo, moolu fanaa mennu ka sujudi n ye, ì ka kali n na, ì ka naa muru ì ka kali Moleki jalaŋo fanaa la.

Kiilaalu 18:25

A ye Maariyo la siloo karaŋ kendeke le, aduŋ a fatiyaata Alla la Nooroo kono. A ka diyaamu Yeesu le la kuwo la, aduŋ a ka karandiroo ke kuuke le, bari a ye Yaayaa la batisoo doroŋ ne loŋ.

Kiilaalu 19:23

Wo waatoo kono, fitina baa wulita Maariyo la siloo kamma.

Kiilaalu 19:9

Bari doolu kuŋo jaata baake le, ì maŋ soŋ ka laa. Biriŋ ì ka kuu jawoolu fo ñiŋ siloo ma kafoo ñaa la, Pawulu bota ì kono, a ye baadiŋolu* samba a fee. Bituŋ a ka karandiroo ke luŋ-wo-luŋ Tirannus la karandiridulaa to.

Kiilaalu 24:14

Bari n sonta ko, n ka m̀ mumuñolu la Alla le batu niŋ ñiŋ siloo la, ì ka meŋ kumandi sila jenkeriŋo la. N laata feŋ-wo-feŋ na le Musa la Luwaa* kono, aniŋ annabiyomu doolu ye mennu safee.

Kiilaalu 9:2

a ye leetaroolu kaniŋ wo bulu ka taa Yahuudi diina bendulaalu* to Damasiku saatewo kono, fo niŋ a ye kewolu niŋ musoolu je, mennu be Yeesu la siloo kaŋ, a si ì sitiriŋo samba naŋ Yerusalaamu.

5 Musa 33:11

Hee Yaawe, ì sembentuŋyaa, i ye ì la baaroolu bee muta ì ye. Ì jawoolu mennu ye i koŋ, ì bee semboo tiñaa, ì kana wuli kotenke.”

5 Musa 9:21

Wo to le ŋa wo feŋ haraamuriŋo taa, meŋ keta wo jalaŋo ti ali ye ninsituuraariŋo muluŋo meŋ tunkaŋ, ŋa a fayi dimbaa kono. N naata a kuntuŋ-kuntuŋ, ŋa a juru fo a keta munkoo ti. Ŋa wo munkoo taa, ka a fayi boloŋo kono meŋ jiyo ka woyi ka bo naŋ konkoo to.