Amosi 8:10 - Mandinka Bible

¹⁰ N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Amosi 8:10 Mawu Ofanana

1 Musa 21:16

Bituŋ a taata sii a faŋ ma jana, kalabeñe fayoo jamfoo ñoŋo. A kumata a faŋ ma ko, “N ñaa te tara la n diŋo la, a be faa kaŋ.” Kabiriŋ a be siiriŋ wo dulaa to, a lembata ka kumboo.

Yuuba 20:23

Ka ì konoolu fandi noo a daŋo ma, Alla be a la kamfaa baa le jindi la naŋ ì kaŋ, a ye a sanji kesemaa jindi naŋ ì kaŋ, ka ke ì la domoroo ti.

Yuuba 3:5

Dibi baa ye a luŋo taa, minaayoolu ye a muuri, a luŋo ñiŋ na diboo ye a silaŋñaa warandi.

Yuuba 30:31

N na kontiŋ kumoo yelemata woosiyo ti, n na footaŋ kumoo keta kumboo kaŋo ti.

Yesaya 3:24

Sunkaŋo le be seeroo la palaasoo taa la, teesitiraŋ ñiimaa be yelema la julu kotoo le ti, kuŋ ñarandoo ye yelema kuŋ nunkoo ti, paree ñiimaa ye yelema booto funtu duŋo ti, muluŋ ñiimaa si yelema maloo ti.

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 48:37

Ì bee ye ì kuŋo nunku le, ì ye ì booraa lii, ì ye ì buloolu bala bee nama, ì ye booto funtoolu duŋ ka ì la niikuyaa yitandi.

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Niikuyaa Suukuwolu 5:15

Ǹ sondomoolu la seewoo danta le, ǹ na doŋo yelemata ǹ ye saŋakumboo ti.

Esekiyeli 7:18

Ì be booto funtoolu le duŋ na ka ì la niikuyaa yitandi, kijafara baa le be duŋ na ì la. Malu kuwo le be moo bee ñaadaa muuri la, ì be ì kuŋolu nunku la maloo kamma le.

Esekiyeli 7:2

“Ite hadamadiŋo, nte Yaawe i Maariyo ye ñiŋ ne fo Banisirayila bankoo ma ko: Hee ite Banisirayila, i baŋ waatoo siita le, i tonkoŋ naanoo bee kasaaroo waatoo siita le.

Hoseya 2:11

M be daŋ ke la a la seewoo la le, ŋa daŋ ke a la feetoolu la, a la Kari Kuta Juuraloolu*, Loobula Luŋ Juuraloolu, ka taa bula a la juurali looriŋolu bee la.

Hoseya 2:13

M be a jarabi la Baali jalaŋ feeti luŋolu la le, a ka cuuraayi sadaa* siisindi a ye mennu la. A ka konnaalu niŋ ñarandi feŋ koteŋolu duŋ, ka bula a tuluŋñoolu nooma, a ñinata nte la.” Yaawe* le ye a fo.

Yoweli 1:8

Ali woosii ko sunkutoo, meŋ ye booto funtoo duŋ niikuyaa kamma la, ka kewo la saayaa kumboo, a ñanta futuu la meŋ ye.

3 Musa 13:40

Niŋ kewo foota kuntiñoo la, a keta kuŋ lawulawoo le ti, bari a seneyaata le.

Amosi 5:21

Yaawe ye ñiŋ ne fo ko, “Ŋa ali la diina juuraloolu koŋ ne, n ñewunta ì la, aduŋ n te ali la diina beŋolu taa la muk.

Amosi 5:23

Ali ali suukuukaŋo bo n daala. M maŋ lafi ali la kontiŋ kosoo moyi la.

Amosi 8:3

Wo luŋo la, denkiloo meŋ ka laa mansabuŋo to, be yelema la kumboo le ti. Furee jamaa le be tara la fatafatariŋ dulaalu to taariŋ. Kaawakuu! Deyoo si ke tek.” Maarii Yaawe le ye a fo.

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Jakariya 12:10

M be n na balafaa nooroo jindi la naŋ Dawuda koomalankoolu niŋ Yerusalaamunkoolu kaŋ ne, aniŋ hamoo ka duwaa. I si a je, ì ye meŋ baloo soo, niŋ ì ñaa loota a kaŋ, ì si a la kuwo woosii, ko moo ka a dinkee kiliŋo woosii ñaameŋ. Ì be a saŋakumboo la le kendeke, ko meŋ diŋ foloo faata.

5 Musa 16:14

Ali niŋ seewoo si ñiŋ juuraloo ke, ali niŋ ali dinkewolu niŋ ali dimmusoolu, ali la jonkewolu niŋ ali la jommusoolu, Lewi lasili moolu, tumarankewolu, aniŋ aliyatiimoolu niŋ furuyaamusoolu mennu be sabatiriŋ ali la saatewolu kono.