Amosi 7:6 - Mandinka Bible

⁶ Maarii Yaawe bala naata faa a ko, a ye ñiŋ fanaa baayi le.

Amosi 7:6 Mawu Ofanana

1 Musa 6:7

Bituŋ Yaawe kumata ko, “M be hadamadiŋolu bee bondi la duniyaa kono le, ŋa mennu daa, aniŋ daafeŋolu, kuruntu feŋolu, aniŋ kunoolu. N na ì daa keta m fee le.”

1 Taarika 21:15

Alla ye malaayikoo kii, ka Yerusalaamu kasaara. Biriŋ a ye a dati ka jee kasaara, Yaawe balafaata, a ko a ye ko, “A kaañanta. A tu jee.” Wo waatoo Yaawe la malaayikoo tarata Arawuna Yebusinkoo la toñonkari dulaa le to.

Jabuuroolu 106:45

Ì la kuwo kamma la a ye i miira a la kambeŋo la le a niŋ ì teema, aduŋ a sabarita le, a la kanu bambaloo la waroo kamma la.

Jabuuroolu 135:14

Yaawe le be kiitiyo teyi la a la moolu ye, aduŋ a be balafaa la a la dookuulaalu ye le.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Jabuuroolu 90:13

Hee Yaawe*, i la kamfaa be baŋ na muŋ tuma le? I kooma fele, i ye balafaa ǹ ye, ntolu mu i la dookuulaalu le ti.

2 Musa 32:14

Wo to le Yaawe yamfata, a maŋ naa maasiiba kuwo naati a la moolu kaŋ, ko a ye a fo nuŋ ñaameŋ.

Yeremiya 26:19

Fo Yahuuda mansakewo Hesekiya, aniŋ Yahuuda moolu ye a faa le baŋ? Fo Hesekiya maŋ Yaawe kuliyaa le, a ye a daani fo a si kaayaa a ye? Fo Yaawe maŋ sabari baŋ, a maŋ naa kasaaroo naati a ye meŋ fo ì ma? Ntolu lafita kasaara baa le samba la naŋ m̀ faŋolu kaŋ!”

Yeremiya 42:10

‘Niŋ a ye a tara tooñaa, ali be tu la sabatiriŋ ñiŋ bankoo kaŋ ne, wo to m be ali wulindi la le ka loo, n te ali boyindi la duuma, m be ali tutu la le, n te ali wutu la, kaatu ŋa kasaaroo meŋ naati ali kaŋ, a ye n niyo toora baake le.

Yoweli 2:13

Ali sondomoolu le ñanta ali la niikuyaa yitandi la, a maŋ ke duŋ feŋ faroo ti. Ali muru Yaawe kaŋ, ali la Alla, kaatu a hiinanteeyaata le, aduŋ a balafaa warata, a buka kamfaa juuna, a la kanu bambaloo maŋ dandulaa soto, aduŋ a buka lafi ka jarabiroo ke.

Amosi 7:3

Yaawe bala naata faa a ko, a ye a baayi le.

Amosi 7:7

M Maarii Yaawe ye n jerindi ñiŋ ne la: Ŋa bumbaloo le je meŋ lookuuta ka tiliŋ pet, ka bo niŋ buŋ looraŋ juloo la. Yaawe be looriŋ a bala, buŋ looraŋ juloo ñiŋ be a buloo kono.

Yunusa 3:10

Kabiriŋ Alla ye a je, ì ye meŋ ke, ì ye ì koo dii ì la sila kuruŋo la ñaameŋ, a ye balafaa soto, aduŋ a maŋ kasaaroo samba naŋ ì kaŋ ko a ye a fo nuŋ ñaameŋ.

Yunusa 4:2

A ye Yaawe* daani ko, “Yaawe, fo m maŋ ñiŋ ne fo nuŋ, kabiriŋ m be nuŋ suwo kono? Ñiŋ ne ye a tinna n tariyaata ka bori ka taa Tarisi. Ŋa a loŋ ne ko, i hiinanteeyaata le, aduŋ i ye balafaa soto le, i la kamfaa maŋ tariyaa, bari i la kanoo semboo ka tu warariŋ ne, Alla meŋ ka tariyaa yamfa la.

Kiitindirilaalu 10:16

Bituŋ ì ye wo jalaŋolu bee landi kara la, ì ye ì ñaa tiliŋ Yaawe batoo la. A balafaata Banisirayilankoolu ye, ì la bataa kaŋ.

Kiitindirilaalu 2:18

Niŋ Yaawe ye kiitindirilaa dii ì la waati-wo-waati, a ka tara wo kiitindirilaa fee le ka itolu, Banisirayilankoolu tankandi ì jawoolu ma, fo janniŋ wo kiitindirilaa be faa la. Kaatu Yaawe ka balafaa soto ì ye le, niŋ ì woosiita moolu la kuwo la, mennu ka ì mara forisewo niŋ tilimbaliyaa kono.