Amosi 7:17 - Mandinka Bible

¹⁷ A ko, i la musoo be ke la cakoo le ti ñiŋ saatewo kono. I diŋolu be faa la keloo le kono. Moo koteŋolu le be i la bankoo kenoo sumaŋ na ñoo teema, aduŋ ite faŋo be faa la wandi bankoo le kaŋ. Banisirayilankoolu be bo la ì fansuŋ bankoo kaŋ ne, ì ye tara mutoo kono.”

Amosi 7:17 Mawu Ofanana

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Yesaya 13:16

Ì be ì la dindiŋolu busa la ka ì janjaŋ ì faŋolu ñaa la le, ì ye ì la bunkono feŋolu fuufuu, ì ye ì la musoolu ñapinkaŋ.

Yesaya 22:18

M be i firifiri la le, ŋa i fayi ko katoo, banku jaŋ fanuriŋ to. I be faa la wo le to, i la sareeti ñiimaalu be tu la jee le. Ì be ke la i maariyo la dimbaayaa ye malu jooraŋo le ti.

Yeremiya 14:16

Ì ka kiilaariyaa kumoolu fo moolu mennu ye, wolu furewolu le be tara la fayiriŋ Yerusalaamu mbeedoolu kaŋ, ka bo niŋ konkoo la, aniŋ hawusari keloo. Moo te soto la meŋ be ì baadee la, ì niŋ ì la musoolu, ì dinkewolu, aniŋ ì dimmusoolu. M be ì la kuu kuruŋolu denkuŋ na ì faŋolu kaŋ ne.”

Yeremiya 20:6

Ite Pasihuri, aniŋ i la suukononkoolu bee le be taa mutoo kono Babiloni bankoo kaŋ. I be faa la jee le to, ì ye i baadee, i niŋ i teerimaalu bee, i ye faniyaa kumoolu fo mennu ye.”

Yeremiya 28:12

Waatindiŋ koolaa, kabiriŋ Hananiya ye yookoo bondi n toŋo to, ka a katiŋ-katiŋ, Yaawe la kumoo naata n kaŋ ko,

Yeremiya 28:16

Wo kamma la Yaawe ye ñiŋ ne fo ko, a be i bo la duniyaa le. I be faa la ñiŋ saŋo faŋo le la, kaatu i ye kuma le fo ka moolu balandi Yaawe ma.”

Yeremiya 29:21

Nte Yaawe Alihawaa Maariyo, Banisirayila la Alla ye ñiŋ ne fo Kolaya dinkewo Ahabu, aniŋ Maaseya dinkewo Sedekiya la kuwo to, mennu ka faniyaa kiilaariyaa kumoolu fo n tooyaa la: M be ì duŋ na Babiloni mansakewo Nebukanesa bulu le, aduŋ a be ì faa la ali faŋolu ñaa la le.

Yeremiya 29:25

Yaawe Alihawaa Maariyo, Banisirayila la Alla ye ñiŋ ne fo ko: Ate Sefaniya ye Yerusalaamu moolu bee safee leetaroo la a faŋo tooyaa la le. A ye a kii Piriisi Sefaniya le ye, Maaseya dinkewo, aniŋ piriisi doolu bee, ka a fo a ye ko:

Niikuyaa Suukuwolu 5:11

Ì ye Siyoni* musoolu ñapinkaŋ ne, aniŋ sunkutoolu, Yahuuda saatewolu kono.

Esekiyeli 4:13

Yaawe ko n ye ko, “Wo ñaa kiliŋo la, Banisirayilankoolu be kali la domori kosoriŋo le domo la, niŋ ŋa ì janjandi bantala bankoolu* kaŋ.”

Hoseya 9:3

Efurayimu* moolu te tu la Yaawe* la bankoo kaŋ, ali be muru la Misira le. Asiriya bankoo kaŋ, ali be feŋolu domo la le, mennu konta.

Amosi 6:7

Wo kamma la alitolu le foloo be tara la mutoo kono. Ka tara janjandiŋ siiraŋ baalu kaŋ aniŋ ka tara juuraloolu la, bee be daŋ na.

Amosi 7:11

Kaatu Amosi ye ñiŋ ne fo ko, Yerobowamu be faa la niŋ hawusaroo le la, aduŋ Banisirayilankoolu be tara la mutoo le kono, ka bo ì wuluu bankoo kaŋ.

Amosi 8:1

M Maarii Yaawe* ye n jerindi ñiŋ ne la: Ŋa sinsiŋo le je, yiridiŋ mooriŋolu be a kono.

Amosi 9:1

M Maarii Yaawe* ye n jerindi ñiŋ ne la: Ŋa m Maariyo je looriŋ sadaajanidulaa* daala. Bituŋ a kumata ko: “Ñiŋ batudulaa samasiŋolu santo ye taki, buŋo ñiŋ bee ye jiijaa ka bo santo fo duuma. A bee ye boyi naŋ moolu kaŋ. Niŋ mennu kanata, hawusaroo* le be wolu faa la. Hani moo kiliŋ te kana la ì kono, hani moo kiliŋ te bori la.

Amosi 9:8

N ñaa be looriŋ ali la mansamarali banku jawoo kaŋ ne. Wo kamma la, m be a kasaara la le ka bo duniyaa kono. Bari n te Yaakuba koomalankoolu bee kasaara la.” Yaawe le ye a fo.

Mika 1:16

Yahuuda moolu, ali ali kuŋolu lii sunoo kamma la, ì ye nunku ko duwoo, ali kanudiŋolu la kuwo kamma. Kaatu ì be bo la ali bala le, ì ye tara mutoo kono.

Jakariya 14:2

Kaatu m be bankoolu bee kumbeŋ na ñoo kaŋ ne ka Yerusalaamu kele. Ì si saatewo ñiŋ taa, ì ye a bunkono feŋolu ñapinkaŋ, ì ye ali la musoolu boyinkaŋ. Saatewo talantewo be taa la mutoo kono le, bari moo toomaalu, wolu be tu la saatewo ñiŋ kono le.