Amosi 6:8 - Mandinka Bible

⁸ Maarii Yaawe* kalita a faŋo la ko, “M maŋ lafi Yaakuba koomalankoolu la kufaŋ maañaa la, aduŋ ŋa ì la tatoolu koŋ ne. Wo kamma la m be Samariya bula la le a ye kasaara, aniŋ a konofeŋolu bee.” Alla, Alihawaa Maariyo* le ye a fo.

Amosi 6:8 Mawu Ofanana

1 Musa 22:16

a ko a ye ko, “Yaawe ye ñiŋ ne bankee ko, ‘N kalita m faŋo le la i la ñiŋ kuwo kewo kaŋ: bayiri i maŋ i dinkee kiliŋo siyaa n ye sadaa ti,

Jabuuroolu 106:40

Bituŋ Yaawe kamfaabaata a la moolu kamma, aduŋ a ñewunta ì la le, itolu mennu mu a la tomboŋ moolu ti.

Jabuuroolu 47:4

A ye bankoo tomboŋ ǹ ye ka a ke ǹ na keetaafeŋo ti, Banisirayila la ŋaañaaraŋ bankoo, a la kanu moolu. S

Jabuuroolu 50:12

Niŋ konkoo le ye m muta, n te alitolu kaniŋ na, kaatu duniyaa niŋ a konofeŋo bee mu nte le taa ti.

Jabuuroolu 78:59

Tuma meŋ Alla ye ì fokaŋo moyi, a kamfaabaata le, fo a ye i bo Banisirayila to fereŋ.

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Yesaya 28:1

Kooroo be boyi la saatewo kaŋ ne, meŋ be looriŋ konkoo kaŋ, wulumbaŋ jambandiriŋo daala, Efurayimu siiratoolu la kibirilaŋo, doloo ye mennu futufaa. A la ŋaañaaraŋo be bo kaŋ ne ko firi nororiŋo.

Yeremiya 12:8

M faŋo la tomboŋ moolu keta n ye le komeŋ jatoo sutoo kono, ì ye ì kaŋo bula ka bumbuŋ n kaŋ. Wo kamma la ŋa ì koŋ ne.

Yeremiya 22:14

Kooroo be a ye le, ate meŋ ka a fo ko, a be buŋ baa le loo la a faŋo ye, a ye buŋ fanuŋolu coki a kaŋ santo. Bituŋ a ye palanteeri fanuŋolu ke a la, a ye a konoto bumbaloolu bee laa sedari* babaroolu la, ka a muu niŋ lasi wuleŋo la.

Yeremiya 22:5

Bari niŋ ali maŋ soŋ ñiŋ kumoolu muta la, wo to ŋa n kali m faŋo la ko, ñiŋ mansasuwo be ke la tumbuŋo le ti.” Yaawe le ye a fo.

Yeremiya 44:26

Bari ali nte Yaawe la kumoo moyi baŋ, alitolu Yahuuda moolu bee mennu be Misira, ko: Ŋa n kali n too la waroo kaŋ ne ko, Yahuuda moo kiliŋ te n too kumandi la a daa la Misira bankoo muumewo kaŋ, ka kali ko, ‘A be koyiriŋ ñaameŋ ko Yaawe be baluuriŋ ne.’ Nte Yaawe le ye a fo.

Yeremiya 49:13

N kalita m faŋo la le ko: Bosira la kuwo be ke la kijafara kuwo le ti, a ye ke jutunna feŋo ti, ka kenseŋyaa, aniŋ ka ke dankoo ti. Aduŋ a dandanna saatewolu bee be ke la tumbuŋolu le ti fo fawu.” Yaawe le ye a fo.

Yeremiya 51:14

Nte Yaawe Alihawaa Maariyo kalita m faŋo la le ko: M be kelediŋolu juruma la i kono le, mennu be siyaariŋ ko kuntiŋolu, ì be wuuri la i kunna ka ì la nooroo yitandi.”

Niikuyaa Suukuwolu 2:5

Ee, ayiwaalii nte! Maariyo keta le ko jawoo, a ye Banisirayila kunuŋ. A ye a maralilaalu la buŋolu kasaara, a ye a tatoolu tumbuŋ. Saŋakumboo niŋ woosiyo, a ye wo le juruma Yahuuda moolu ye.

Esekiyeli 24:21

“Hadamadiŋo, i si a fo Banisirayilankoolu ye, nte Yaawe, ì Maariyo ye ñiŋ ne fo ko: A fele m be a ke la le n na Batudulaa Senuŋo ye koso, ali be tuukuriŋ meŋ na ko, wo le mu ali semboo ti, ali ñaa be looriŋ meŋ kaŋ, aniŋ meŋ ka ali niyo seewondi. Ali dinkewolu niŋ ali dimmusoolu ali ye mennu tu kooma, be faa la keloo le to.

Hoseya 11:6

Hawusaroo* si ŋalasi ì la saatewolu to, a ye dundaŋ daa nee bantambiloolu tiñaa, moolu si faa ì la feere jawoolu kamma la.

3 Musa 26:11

N si n na taradulaa ke ali kono, aduŋ n te n koo dii la ali la.

3 Musa 26:30

M be ali la batudulaa tintiŋolu* buruka la le, ŋa ali la cuuraayi siisindidulaalu teyi, ka ì boyindi. M be ali furewolu jurumi la ñoo kaŋ ne, ali la jalaŋ kenseŋolu kaŋ, mennu maŋ nii soto, aduŋ m be ñewuŋ na ali la le.

Amosi 3:10

Ì ye feŋolu le kafu ñoo ma suuñaaroo niŋ fitinoo kono, ka ì maabo ì la buŋolu kono. Ì maŋ a loŋ kuu tilindiŋo ka ke ñaameŋ.” Yaawe le ye a fo.

Amosi 3:11

Wo kamma la Maarii Yaawe ko, “Alitolu Banisirayilankoolu, m be jawoolu le samba la naŋ ali kaŋ ka ali la bankoo bee murubeŋ. Ì be ali la tatoolu boyi la, ì ye ali la buŋ ñiimaa feŋolu bee suuñaa.”

Amosi 4:2

Maarii Yaawe* kalita a faŋo too senuŋo la, a ko, “Luŋo be naa ali kaŋ, meŋ te baayi la muk. Luŋo meŋ, ì be juloo duŋ na ali nuŋolu la, ì ye ali tambindi. Ali bee si ke ko niŋ ñewo be dooliŋo daa.

Amosi 5:21

Yaawe ye ñiŋ ne fo ko, “Ŋa ali la diina juuraloolu koŋ ne, n ñewunta ì la, aduŋ n te ali la diina beŋolu taa la muk.

Amosi 8:3

Wo luŋo la, denkiloo meŋ ka laa mansabuŋo to, be yelema la kumboo le ti. Furee jamaa le be tara la fatafatariŋ dulaalu to taariŋ. Kaawakuu! Deyoo si ke tek.” Maarii Yaawe le ye a fo.

Amosi 8:7

Alitolu Yaakuba koomalankoolu, ali ka kibiri Yaawe meŋ na, a kalita ñiŋ ne la ko: “N nene te ñina la ali la baara jawu la muk.

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.

5 Musa 32:19

Alitolu le mu nuŋ Yaawe la dindiŋolu ti, bari ali ye a kamfandi, biriŋ a ye wo je, a ye i bo ali to.