Amosi 6:13 - Mandinka Bible

¹³ Ali ka kibiri ali la Lo-Deba saatewo noo la, ali ye ali faŋ wara ka a fo ko, ali ye Karinayimu saatewo taa niŋ ali faŋo birisoo le la.

Amosi 6:13 Mawu Ofanana

2 Mansoolu 13:25

Bituŋ Yehohasi dinkewo Yehowasi ye saatewolu seyinkaŋ muta Hasayeli dinkewo Beni-Hadadi bulu, a ye mennu muta nuŋ a faamaa Yehohasi bulu. Siiñaa saba Yehowasi ka a noo keloo la, aduŋ a ye Banisirayila saatewolu seyinkaŋ taa le.

2 Mansoolu 14:25

Ate le ye Banisirayila la banku naanewo seyinkaŋ taa ka bo Lebo-Hamati ka taa fo Koojii Baa to. Ñiŋ keta le komeŋ Yaawe, Banisirayila la Alla ye a fo ñaameŋ ka bo niŋ a la dookuulaa la, Amitayi dinkewo Yunusa, annabiyomoo meŋ bota Kati-Heferi.

Yuuba 31:25

N na fankoo nene maŋ n duŋ kufaŋ kuu kono, waraŋ ka kufaŋ n na dookuwo la ñaatotaa la.

Yuuba 31:29

N nene maŋ seewoo n jawoo la kooroo kuwo la, n nene maŋ kontaani, niŋ ŋa maasiiba kuwo je laariŋ a kaŋ.

Yuuba 8:14

Ì la jikoo ka muluŋ ne komeŋ boorajuloo waraŋ taaliŋ jaloo.

Yuuba 8:15

Niŋ i ñajita a kaŋ, a te loo noo la, niŋ i jikita a la, a te labaŋ na.

Jabuuroolu 2:2

Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

Jabuuroolu 75:4

M be a fo la kibirilaalu ye ko, ‘Ali kana kibiri,’ aniŋ moo kuruŋolu ye ko, ‘Ali kana ali semboo yitandi.

Jabuuroolu 75:5

Ali kana ali semboo yitandi faŋ waroo kaŋ, ka diyaamu kuluubaliyaa kaŋ.’ ”

Kawandilaa 11:9

Ite keendiŋo, i faŋ seewondi, i la fondinkeeyaa waatoo la. I hakiloo kali i samba niiseewoo kuwo kaŋ, i la fondinkeeyaa tiloolu la. Bula i niidiyaa nooma, aniŋ i ñaabo feŋolu. Bari i si ñiŋ loŋ ko, Alla be i kontibo la kuwolu bee le la, i ye mennu ke.

Yesaya 7:1

Kabiriŋ Yotamu dinkewo Ahasi, Usiya mamariŋo, keta Yahuuda mansa ti, Resini, Aramu mansa aniŋ Remaliya dinkewo Peka, Efurayimu* mansa, wulita ka taa Yerusalaamu boyinkaŋ keloo la. Bari ì maŋ jee taa noo.

Yesaya 7:4

A fo a ye ko, a ye a hakilitu, a ye tenkuŋ, aduŋ a kana sila. Mansa Resini niŋ Mansa Peka la kamfaa baa kana a tinna a ye jikilateyi, wolu maŋ ke feŋ ti fo loo kuntu fula meŋ be siisii kaŋ.

Yesaya 8:6

A ko: “Ñiŋ moolu ye ì ñaa kaasi Silowa Woyoo la le, ñiŋ jii tenkeyaariŋo, bituŋ ì ka bula Resini aniŋ Remaliya dinkewo Peka nooma.

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Esekiyeli 29:9

Bituŋ Misira bankoo ye ke tumbuŋo ti, aniŋ a ye kenseŋyaa. Niŋ wo keta, ì be a loŋ na le ko, nte le mu Yaawe ti. “Ite Firawoona ye ñiŋ ne fo ko, Nayili Boloŋo mu i taa le ti, aduŋ ite le ye a dadaa.

Daniyeli 4:27

Wo to Mansa, yaamaroo muta, m be meŋ dii la i la. Fata junube kewo ma, i kali taama tiliŋo la. “I la tilimbaliyaa bula, i ye balafaa moolu ye, mennu be mantooroo kono. A si ke noo i la firiŋo ye tenteŋ.”

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Yunusa 4:6

Bituŋ Yaawe Alla la yaamaroo kaŋ, fiifeŋo falinta Yunusa kunto, fo a si a so dubeŋo la, a si bo bataa kono. Wo fiifeŋo la kuwo naata Yunusa kontaani baake le.

Sefaniya 3:11

Ñiŋ luŋo la, malu kuu te laa la ali kaŋ kotenke, ali ye kuu kuruŋolu mennu tiliŋ n na nuŋ, ka balaŋ m ma. Bari m be kufantoolu niŋ faŋ wara moolu bee bondi la ali kono le. Moo te a faŋ wara la n na konko senuŋo* kaŋ kotenke.

Jakariya 1:19

Bituŋ ŋa malaayikoo ñininkaa kotenke meŋ niŋ m be diyaamu kaŋ ko, “Ñinnu mu muŋ ne ti?” A ye n jaabi ko, “Ñiŋ binoolu le mu bankoolu ti, mennu ye Yahuuda, Banisirayila aniŋ Yerusalaamu janjaŋ.”

Yohana 16:20

Tooñaa-tooñaa, m be a fo la ali ye, ali be kumboo la le, ali ye woosii, bari duniyaa be seewoo la le. Ali niyo be kuyaa la le, bari ali la niikuyaa be yelema la ali ye seewoo le ti.

Yankuba 4:16

Bari saayiŋ, ali ye ali la faŋ waroo ke kibiri kuwo le ti! Wo kibiri siifaa bee mu kuu jawoo le ti.

Lankenemoo 11:10

Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

Kiitindirilaalu 9:27

Ì taata ì la kunkoolu to, ì ye yiridiŋolu kati ka bo ì la wayini kankaŋolu kono, ì ye ì dori. Bituŋ ì naata feetoo ke. Ì taata ì la jalaŋ batudulaa to ka domoroo ke aniŋ ka miŋ feŋolu miŋo. Bituŋ ì ye Abimeleki danka.

1 Samuweli 4:5

Kabiriŋ Yaawe la Kambeŋ Kunewo naata daakaa to, Banisirayilankoolu niŋ jiki baa sarita santo, fo bankoo lafita ka jarajara.