Amosi 5:8 - Mandinka Bible

⁸ Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Amosi 5:8 Mawu Ofanana

Yuuba 12:22

Ate le ka diboo la kuwolu lankenemayandi, a ye naa dibi baa ke maloo ti.

Yuuba 37:13

Alla le ka samaajiyo jindi naŋ duniyaa kono, tumandoo a si ke moolu ye jaraboo ti, tumandoo a ye ke ì ye neemoo ti.

Yuuba 38:34

Fo i si yaamaroo dii noo saŋ tawaloolu la baŋ, ka jiyo jindi naŋ, a ye i kunuŋ komeŋ waamoo?

Yuuba 9:9

Ate le ye Siisee Dimbaa Looloo daa, Mfaalii Looloo, Sanjaani Benteŋo aniŋ looloolu mennu ka finti bulubaa kara maafaŋo la.

Jabuuroolu 104:20

Ite le ye diboo daa, ka a ke suutoo ti. Suutoo la, wulakono daafeŋolu ka yaayi taariŋ.

Jabuuroolu 105:28

Alla ye diboo dundi bankoo kaŋ, dibi fiŋ diboo, Misirankoolu balanta a la yaamaroolu la.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 59:10

Ǹ ka moomooroo ke bumbaloo bala le ko finkintewolu, ǹ ka taama ko moolu mennu maŋ ñaalu soto. Tiloo ñaa la ǹ ka taki le ko niŋ m̀ be suutoo le kono. Moo bambandiŋolu kono, ntolu ka munta le ko furewo.

Yeremiya 16:21

Wo to Yaawe ko: “A juubee, ka bo ñiŋ siiñaa kiliŋo la, m be ì kalamutandi la n semboo niŋ m birisoo la le. Wo to le ì be a loŋ na ko, nte le too mu Yaawe ti.”

Yeremiya 33:2

Yaawe ye ñiŋ ne fo, ate meŋ ye duniyaa daa, a ye muluŋo ke a la, a ye a londi, aduŋ ate le too mu Yaawe ti, a ko:

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Amosi 8:9

Maarii Yaawe ye ñiŋ ne fo ko: “Wo luŋo la, n si tiloo boyindi tilikuntewo waatoo, ŋa diboo duŋ duniyaa kono tilibula baa.

Amosi 9:6

Ate Mansoo meŋ ye a la mansabaayaa suwo loo saŋo santo, a ye saŋo wanka duniyaa kunto santo, a ka jiyo kili santo ka bo fankaasoo kono, a ye naa a jindi naŋ duniyaa kono. Yaawe le mu a too ti.

Matiyu 4:16

Moolu mennu be siiriŋ diboo kono, ì naata mala baa je. Maloo malata moolu kaŋ ne, mennu be siiriŋ banku dibiriŋo kaŋ, saayaa niiniyo koto.”

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”