Amosi 5:6 - Mandinka Bible

⁶ Ali Yaawe ñini ka baluu. Niŋ wo nte, a be naa la ali kaŋ ne, alitolu Yusufa koomalankoolu, komeŋ dimbaa. A si Beteli jani, aduŋ moo te a dubeŋ noo la.

Amosi 5:6 Mawu Ofanana

2 Samuweli 19:20

Nte i la dookuulaa ye a loŋ ne ko, ŋa kuu jawoo le ke, bari bii nte le keta moo foloo ti, ka bo Yusufa la lasiloo moolu kono, ka naa ite m maarii mansa yaa.”

1 Mansoolu 11:28

Yerobowamu mu kee keseyaariŋ baa le ti, aduŋ biriŋ Sulemani ye a je ko, fondinkewo ñiŋ mu katalaa baa le ti, a ye a marandi foriseetoo dookuulaalu muumewo bee ma mennu bota Efurayimu niŋ Manase lasiloolu kono.

2 Taarika 34:25

kaatu ì ye ì koo dii n na le, ì ka cuuraayoo siisindi alloolu ye, ì ka n kamfandi ka bo niŋ ì ye jalaŋolu mennu bee dadaa ì buloo la. N na kamfaa be jii la ñiŋ dulaa kaŋ ne, aduŋ a te sumayaa la.’ ”

Jabuuroolu 27:8

N sondomoo ye a yitandi n na le ko, i ye ñiŋ ne yaamari ko, “Ali n ñaañini.” Wo to Yaawe, nte ka i ñaañini le.

Jabuuroolu 69:33

Yaawe ka i lamoyi moolu la le mennu be sotobaliyaa daa to, aduŋ a buka a ñaa kaasi a la moolu la, mennu be mutoo kono.

2 Musa 22:6

Niŋ moo ye dimbaa mala a la kunkoo to, ñaamoo ye dimbaa janjandi fo a sawunta wandi kunkoo to, a ye wo la siimaŋ falindiŋolu jani, waraŋ a la siimaŋ bajoolu, meŋ ye dimbaa mala, wo le ñanta ñiŋ tiñaaroo joo la.

Yesaya 1:31

Sembemaalu be ke la le ko ñaama jaaroo, ì la dookuwo ye ke ko dimbaa feremetoo, ì niŋ ì la dookuu kuruŋo bee be jani la ñoo la le, aduŋ moo te ì maakoyi noo la ka dimbaa faa.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Yesaya 55:6

Ali Yaawe ñini, janniŋ a ñiniŋ waatoo be ali daŋ na, ali a kumandi, a be sutiyaariŋ ali la tuma meŋ.

Yeremiya 38:20

Ŋa a jaabi ko, “Ì te i dii la ì la. Yaawe la kumoo muta, ka bo niŋ ŋa meŋ fo i ye. Niŋ i ye wo ke, wo le be ke la i la kayiroo ti, aduŋ i niyo be kana la le.

Yeremiya 4:4

Alitolu Yahuuda niŋ Yerusalaamu moolu, ali ali sondomoo faŋo le sunna nte Yaawe ye. Niŋ wo nte, n na kamfaa si wuli ko dimbaa, a ye mala, moo te soto noo la ka a faa, ali la kuu jawu kewolu kamma la.”

Yeremiya 7:20

“Wo kamma la, nte Yaawe Alla ye ñiŋ ne fo ko: A juubee, m be n na kamfaa niŋ jusukandoo jindi la ñiŋ batudulaa kaŋ ne, ka taa moolu niŋ beeyaŋolu kaŋ, yiroolu, aniŋ senebankoo fiifeŋolu. A dimbaamaa le be mala la, aduŋ moo te a faa noo la.”

Esekiyeli 21:3

A fo ì ye, nte Yaawe ye ñiŋ ne fo ko: M buloo be laa la ì kaŋ ne ko n jawoolu. A fele, ŋa n na hawusaroo* bondi a laa kono naŋ ne, ka moo kuruŋolu niŋ moo tilindiŋolu bee faa.

Esekiyeli 33:11

Wo to, ite hadamadiŋo, a fo ì ye ko, a be koyiriŋ ñaameŋ ko nte Yaawe i Maariyo be baluuriŋ ne: Nte buka kontaani moo kuruŋo la saayaa la, bari n ka kontaani ñiŋ ne la, a ye a koo dii a la kuu jawu kewo la, a ye baluu. Banisirayilankoolu, muŋ ne ye a tinna, ali lafita ka faa? Ali ali koo dii ali la kuu jawu kewo la, ali ye baluu.” Maarii Yaawe le ye a fo.

Esekiyeli 37:19

i si a fo ì ye, nte Yaawe, ì Maariyo ye ñiŋ ne fo ko: M be Yusufa la dokoo taa la le, meŋ be Efurayimu bulu, aniŋ Banisirayila lasili toomaalu, ŋa a niŋ Yahuuda taa kafu ñoo ma, ka ì coki ñoo bala ka ke doko kiliŋ ti. Ì be ke la kiliŋ ne ti m buloo kono.

Amosi 3:14

Luŋo be naa la le, luŋo meŋ m be Banisirayilankoolu jarabi la ì la junuboo kaŋ. M be Beteli la sadaabodulaalu* fanaa kasaara la le. Ì tonkonna bina muluŋolu bee be kati la le, ì ye joloŋ duuma.

Amosi 5:14

Ali kuu kendoo nooma, ali ye kuu kuruŋ kewo bula, fo ali si baluu. Yaawe Alihawaa Maariyo* si tara ali fee, ko ali faŋolu ye a fo ñaameŋ.

Amosi 5:4

Yaawe ye ñiŋ ne fo alitolu Banisirayilankoolu ye ko, “Ali nte doroŋ ñini ka baluu.

Amosi 6:6

Ali ka wayini* booli faalu miŋ, aniŋ ali ka i muu niŋ tulu foroo la, bari ali niyo buka toora Yusufa koomalankoolu la kasaaroo la.

Sefaniya 2:3

Alitolu fammajiilaalu mennu be bankoo kaŋ, ali ka Yaawe la yaamaroolu nooma, ali tenteŋ ka Yaawe la kuwo ñiniŋ. Ali tu hameriŋ ka bula tiliŋo nooma, a niŋ fammajiyo. Fo tumandoo niŋ Yaawe la ñiŋ kamfaa luŋo siita, ali si tu tankoo kono.

Jakariya 10:6

“M be Yahuuda moolu bambandi la le, ŋa Yusufa koomalankoolu kiisa. M be ì murundi la naŋ ne, kaatu m baloo faata ì ye le. Ì si ke ko, n nene maŋ m baŋ nuŋ mennu to. Nte le mu Yaawe ti, ì la Alla, m be ì la duwaa jaabi la le.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.

5 Musa 4:24

Yaawe ali la Alla ka muluŋ ne ko dimbaa meŋ ka kasaaraloo ke. A kiiliyaata le, a maŋ lafi ali ye a fulaŋ kafuñooyaa.

Yosuwa 18:5

Ali ñanta bankoo ñiŋ talaa la siidulaa woorowula le ti. Yahuuda, wo ñanta tu la a noo to le, a be daameŋ bulubaa karoo la, aniŋ Yusufa koomalankoolu, wolu fanaa ñanta tu la ì noo to le maraa karoo la.