Amosi 5:4 - Mandinka Bible

⁴ Yaawe ye ñiŋ ne fo alitolu Banisirayilankoolu ye ko, “Ali nte doroŋ ñini ka baluu.

Amosi 5:4 Mawu Ofanana

2 Mansoolu 20:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

2 Taarika 20:3

Bituŋ silaŋo dunta Yehosafati la, a duwaata ka Yaawe ñininkaa, a ñanta meŋ ke la, aduŋ a ye yaamaroo dii ko, Yahuuda bankoo bee ye suŋ.

2 Taarika 20:4

Bituŋ Yahuuda bankoo moolu bee benta ka maakoyiroo ñini Yaawe bulu. Ì bota naŋ ì la saatewolu bee to, ì naata Yerusalaamu ka Yaawe daani.

2 Taarika 34:3

A la maraloo sanji seyinjaŋo faŋo le ye a tara a be dindiŋyaariŋ. Wo waatoo le mu, a ye a dati ka a bonsuŋo Dawuda la Alla batu. Sanji taŋ niŋ fulanjaŋo, a ye a dati ka batudulaa tintiŋolu* boyi, Asera* jalaŋ dokoolu, jalaŋ leseriŋolu aniŋ jalaŋ tunkandiŋolu, ka Yerusalaamu niŋ Yahuuda bee seneyandi.

Jabuuroolu 14:2

Yaawe* ka hadamadiŋolu juubee naŋ duuma le ka bo Arijana, ka a je fo moolu be jee le mennu ñaamenta, mennu ka a ñini.

Jabuuroolu 22:26

Fentaŋolu be domoroo ke la le ì ye kaañaŋ. Moolu mennu ka Yaawe ñiniŋ, wolu le be a jayi la. Allamaa ali ye jusulaa fo abadaa.

Jabuuroolu 27:8

N sondomoo ye a yitandi n na le ko, i ye ñiŋ ne yaamari ko, “Ali n ñaañini.” Wo to Yaawe, nte ka i ñaañini le.

Jabuuroolu 69:32

Moo bataariŋolu, ali a juubee, ali ye jusulaa, moolu mennu ka Alla ñini si jiki ì sondomoo kono.

Jabuuroolu 69:33

Yaawe ka i lamoyi moolu la le mennu be sotobaliyaa daa to, aduŋ a buka a ñaa kaasi a la moolu la, mennu be mutoo kono.

Yesaya 31:1

Kooroo be boyi la moolu kaŋ ne, mennu ka taa maakoyiroo ñini Misira. Ì ka tara jikiriŋ wolu la suwoolu le la, aniŋ ka taamaayaa wolu la keleraŋ sareeti* jurumoolu la, aniŋ ì la suuborindilaa sembemaa baalu. Bari ì buka ì ñaa loo Banisirayila la Senuŋ Baa kaŋ, waraŋ ka maakoyiroo ñini Yaawe* bulu.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Yeremiya 38:20

Ŋa a jaabi ko, “Ì te i dii la ì la. Yaawe la kumoo muta, ka bo niŋ ŋa meŋ fo i ye. Niŋ i ye wo ke, wo le be ke la i la kayiroo ti, aduŋ i niyo be kana la le.

Esekiyeli 18:9

a ka bula n na saratoolu nooma, aniŋ a ka n na yaamaroolu muta tiliŋo kono, wo le mu moo tilindiŋo ti, a be tu la baluuriŋ ne.” Maarii Yaawe le ye a fo.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Amosi 5:6

Ali Yaawe ñini ka baluu. Niŋ wo nte, a be naa la ali kaŋ ne, alitolu Yusufa koomalankoolu, komeŋ dimbaa. A si Beteli jani, aduŋ moo te a dubeŋ noo la.

Sefaniya 2:3

Alitolu fammajiilaalu mennu be bankoo kaŋ, ali ka Yaawe la yaamaroolu nooma, ali tenteŋ ka Yaawe la kuwo ñiniŋ. Ali tu hameriŋ ka bula tiliŋo nooma, a niŋ fammajiyo. Fo tumandoo niŋ Yaawe la ñiŋ kamfaa luŋo siita, ali si tu tankoo kono.

Matiyu 7:8

Kaatu moo-wo-moo meŋ ye daaniroo ke, wo be a soto la le. Moo-wo-moo, meŋ ye ñinindiroo ke, wo be a je la le. Aduŋ moo-wo-moo meŋ ye konkondiroo ke, bundaa be yele la a ye le.

5 Musa 32:46

a ko ì ye ko, “Ali ali hakiloo tu ñiŋ kumoolu bee to, ŋa mennu dii ali la bii, fo ali si ali diŋolu yaamari ì la. Ali ì karandi ì la, fo ì si ì hakiloo tu ka baara ñiŋ luwaa kumoolu bee la.

5 Musa 32:47

Ñiŋ luwaalu maŋ ke kuma kenseŋolu ti, ì mu ali ye baluwo le ti. Niŋ ali bulata ì nooma, ali be siimaayaa la bankoo kaŋ ne, ali be naa duŋ na daameŋ ka a ke ali taa ti, Yoridani Boloŋo kara doo la.”

5 Musa 4:29

Bari hani wo dulaa to, ali be Yaawe ali la Alla ñini la jee le ali sondomoo bee la aniŋ ali niyo bee la, aduŋ ali be a je la le.