Amosi 5:2 - Mandinka Bible

² “Dimmusuriŋ* Banisirayila boyita le piram, aduŋ a te wuli la kotenke. A be laariŋ a faŋ ye, moo maŋ soto ka a wulindi.”

Amosi 5:2 Mawu Ofanana

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 17:16

Ì ye ì koo dii Yaawe, ì la Alla la yaamaroolu bee la le, aduŋ ì ye ninsiriŋ jalaŋ tunkandiŋ fula dadaa ì faŋolu ye. Ì ye Asera jalaŋ dokoo loo, ì sujudita saŋo santo malafeŋolu bee ye, aduŋ ì ye Baali* jalaŋo batu.

Yesaya 14:21

Dulaa parendi ka a dinkewolu kanateyi, ì la alifaa foloolu la junuboolu kamma la. Ì te wuli la muumeeke ka bankoo keetaa, waraŋ ka duniyaa bee fandi ì la saatewolu la.

Yesaya 24:20

Bankoo ka fiiloo ko siiratoo, a ka jiijaa ko jembereŋ be foño kono. A la balaŋo ye dunoo kuliyandi a kaŋ, fo a boyita, a maŋ wuli noo kotenke.

Yesaya 3:8

Yerusalaamu be jiijaa kaŋ ne, Yahuuda be boyi kaŋ, kaatu ì fokumoolu niŋ ì kekuwolu ka Yaawe le sooki, ka balaŋo tiliŋ a la semboo niŋ waroo la.

Yesaya 37:22

a ye ñiŋ kumoo le fo a la kuwo to ko: “Dimmusuriŋ* Siyoni* ye Sennakeribu koŋ ne, aduŋ Dimmusoo Yerusalaamu jututa a la le. Ì jeleta a la le, biriŋ a be bori la.

Yesaya 43:17

A ye kelediŋ kafu baa kenkeŋ ka taa ì kasaara, ì niŋ ì la suwoolu niŋ keleraŋ sareetoolu*. Ì tarata laariŋ ne ì te wuli la kotenke, ì faata le dak, ì dubenta ko lampu meesoo.

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Yeremiya 18:13

Wo kamma la Yaawe ye ñiŋ ne fo ko: “Ali banku koteŋolu ñininkaa, fo moo le nene ye ñiŋ ñoŋo moyi baŋ? Banisirayila meŋ be ko sunkutoo meŋ maŋ soŋ soto, a naata maasiiba kuwo ke.

Yeremiya 2:27

wolu mennu ka a fo ko, yiroo le mu ì faamaa ti, aniŋ ko, beroo le mu ì baamaa ti. Ì ye ì koo dii n na le, ì maŋ ì ñaa tiliŋ n na. Bari niŋ ì bulata mantooroo kono, ì ka n kumandi le ka naa ì kiisa.

Yeremiya 31:4

M be i lookuu la le kotenke, ite, n Dimmusuriŋ* Banisirayila, aduŋ i be seyinkaŋ loo la le. I be i la tambuuroolu sika la le kotenke, i ye finti banta, i niŋ seewootoolu ye i doŋ.

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Yeremiya 50:32

Faŋ waralaa Babiloni si taki a ye boyi, moo te soto la ka a wulindi. M be dimbaa le duŋ na a saatewolu la, ka feŋ-wo-feŋ domo meŋ be a dandaŋo la.”

Yeremiya 51:64

Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.

Yeremiya 8:4

Yaawe ko ŋa a fo ñiŋ moolu ye ko, ate le ye ñiŋ fo ko: “Fo niŋ moo boyita, a buka wuli le baŋ? Fo niŋ moo filita siloo ma, a buka muru a noo le kaŋ?

Yeremiya 9:21

Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”

Yeremiya 9:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Niikuyaa Suukuwolu 2:13

N Dimmusuriŋ Yerusalaamu, n kanuntewo, n si muŋ ne fo noo i ye, ka i la kuwo misaali? Ite Dimmusuriŋ Siyoni, n si i la kuwo niŋ muŋ ne laa ka i sabarindi? I la baramoo diinonta le ko fankaasoo, jumaa le si i jaara noo?

Hoseya 14:1

Banisirayila, ali muru Yaawe* kaŋ, ali la Alla. Ali faŋolu la kuruŋyaa le ye ali boyindi.

Hoseya 6:2

Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

Amosi 9:11

“Luŋo be naa le, m be Dawuda la mansayaa lookuu la meŋ na, meŋ kasaarata ko buŋ tiñaariŋo. M be a faroolu bee suki la le, ŋa a dulaa tiñaariŋolu lookuu. M be a lookuu la le ko a be nuŋ ñaameŋ,