Amosi 5:19 - Mandinka Bible

¹⁹ Luŋo ñiŋ be ke la ali ye le, komeŋ niŋ moo be bori kaŋ jatoo la, aniŋ daafeŋ saŋarariŋ* doo ye taa beŋ, waraŋ a ye duŋ a la buŋo kono, a ye a buloo suji bumbaloo la, saa ye a kiŋ.

Amosi 5:19 Mawu Ofanana

Kawandilaa 10:8

Moo-wo-moo ye dinkoo siŋ, i faŋo le be boyi la a kono, aduŋ moo-wo-moo ye sansaŋo boyi, saa si i kiŋ noo le.

Yesaya 10:2

ka fuwaaroolu bali ì la hakoo la, ka fentaŋolu la tooñaa nakari, ka furuyaamusoolu la feŋolu ñapinkaŋ, aniŋ ka aliyatiimoolu le feŋolu suuñaa.

Yesaya 10:3

Ali be muŋ ne ke la mantooroo luŋo, niŋ kooroo bota naŋ dulaa jaŋ? Ali be taa jumaa le yaa ka maakoyiroo ñini? Ali be ali la naafuloo tu la mintoo le?

Kiilaalu 28:4

Kabiriŋ jee moolu ye saa je dendiŋ Pawulu buloo bala, ì ko ñoo ye ko, “Sika te jee, ñiŋ kewo mu moofaalaa le ti. Hani a kanata baa kono ñaa-wo-ñaa, batu musumansoo, tiliŋo be meŋ na kaŋo koto, wo te soŋ na a ye baluu.”

5 Musa 32:24

Konkoo si ali labara, balakandoo niŋ kuuraŋ jawoo si ali kasaara. Daafeŋ saŋaroolu si ali faraŋ-faraŋ, saa kunamaalu ye ali kiŋ.

Yosuwa 10:18

a ko ì ye ko, “Ali bere baalu birimintiŋ, ali ye ì laa berehuwo ñiŋ daa kaŋ, ali ye kewo doolu londi jee ka jee kanta.