Amosi 5:17 - Mandinka Bible

¹⁷ Lemboo le be tara la wayini yiri kankaŋolu bee to, kaatu m be naa ali kaŋ ne ka ali jarabi.” Yaawe le ye a fo.

Amosi 5:17 Mawu Ofanana

2 Musa 11:4

Wo to le Musa ko, “Yaawe ye ñiŋ ne fo ko: Suuto baa la, m be Misira bee beŋ na le.

2 Musa 12:12

“M be tambi la Misira bankoo kaŋ wo suutoo le, aduŋ m be konoñaa foloolu bee faa la le, mennu be Misira bankoo kaŋ, hadamadiŋolu niŋ daafeŋolu bee. M be Misirankoolu la alloolu bee kiitindi la le. Nte le mu Yaawe ti.

2 Musa 12:23

Niŋ Yaawe be tambi la bankoo kaŋ, ka taa Misirankoolu faa, a ye yeloo je bundaa meŋ santo niŋ a kaadaroolu bala, a be tambi la wo bundaa la le. A te soŋ na saayaa malaayikoo ye duŋ wo buŋo kono, ka ali faa.

Yesaya 16:10

Seewoo niŋ jusulaa maŋ soto kunku jambandiriŋolu to, moo buka denkili laa, waraŋ ka sari, wayini yiri kankaŋolu to, moo buka wayini biti, yiridiŋ bitidulaa to, kontaani sari kaŋo danta le.

Yeremiya 48:33

Seewoo niŋ jusulaa, ŋa wo buusi le, ka bo Mowabi, yiriwaa banku. Ŋa wayinoo bali soto la wayini* yiridiŋ bitidulaa to le, moo buka ì doriŋ-doriŋ jee, seewoo niŋ wuuroo la. Wuuroo be keriŋ, bari a maŋ ke seewoo wuuri ti.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Nahumu 1:12

Yaawe ye ñiŋ ne fo Yahuuda moolu ye ko: “Yahuuda, nte le ye ali toorandi, bari n te a ke la kotenke. Ali jawoolu be siyaariŋ ñaa-wo-ñaa, ì be bambandiŋ, ì bee be kasaara la le, ì ye yeemaŋ.

Nahumu 1:15

Yahuuda moolu, ali a juubee! Kiilaa fele ali ye, a niŋ kibaari betoo ka bo konkoolu kaŋ, ka kayiroo bankee ali ye. Ali ali la diina juuraloolu juura, ali ye ali la laahidoolu timmandi. Jawu te ali la bankoo kele la kotenke. Ì bee le be kasaara la.

Jakariya 9:8

Bituŋ ŋa daakaa n na bankoo kaŋ kantarilaa ti, moo te taa niŋ naa la jee. Hani toorandirilaa kiliŋ te boyi la a kaŋ, kaatu m faŋo ñaa ye ì la bataa je le.”