Amosi 5:15 - Mandinka Bible

¹⁵ Ali kuu kuruŋo koŋ, ali ye kuu kendoo kanu. Ali ye tooñaa sabatindi kiitiidulaalu to. A si ke noo Yaawe Alihawaa Maariyo ye naa hiinoo soto Yusufa koomalanka toomaalu ye.

Amosi 5:15 Mawu Ofanana

2 Samuweli 16:12

A si ke noo le, Yaawe ye n na niitooroo je, a ye naa n joo kuu kendoo la, kaatu bii ŋa dankari jawu baalu le soto.”

1 Mansoolu 20:31

Wo le to Beni-Hadadi la mansakundaa alifaalu ko a ye ko, “Ŋà a moyi le ko Banisirayilankoolu la mansoolu balafaa warata le. M̀ bula ŋà booto funtoolu duŋ ǹ tewolu la aniŋ ŋà juloolu bula ǹ kaŋo la, ŋà taa m̀ faŋ seyi Banisirayila mansa ma. Tumandoo a be i tu la jee le, aduŋ a te i faa la.”

2 Mansoolu 13:7

Feŋ maŋ tu Yehohasi la kelediŋolu to niŋ a maŋ ke suuborindilaa kee taŋ luulu ti, keleraŋ sareeti* taŋ, aniŋ sinna kelediŋ wuli taŋ. Aramu mansa le ye wo too bee kasaara, aduŋ a ye ì toñonka le komeŋ bankumunkoo.

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Jabuuroolu 119:104

N ka fahaamuroo ke le, ka bo niŋ i la luwaalu la, wo kamma la ŋa sila kuruŋolu bee le koŋ. Nun

Jabuuroolu 34:14

I bo kuu jawoo to, i ye baara kuu kendoo la. Kayiroo ñini, i ye a ke i hame kuwo ti.

Jabuuroolu 36:4

A ka kuruŋyaa feeroolu le siti hani niŋ a be laariŋ laaraŋo kaŋ. Kuu jawu kewo le mu a la muraadoo ti. A maŋ i baŋ kuu jawu to.

Jabuuroolu 37:27

I bo kuu jawoo to, i ye kuu kendoo baara, fo i si tu bankoo kaŋ fo abadaa.

Jabuuroolu 80:1

Banisirayila Kantalaa, i tuloo tu ǹ to, ite meŋ ka Yusufa koomalankoolu kenkeŋ ko saajii koorewo. Ite meŋ na mansasiiraŋo be kerubu malaayikoolu* teema, i la kallankeeyaa* faramansandi,

Jabuuroolu 97:10

Yaawe ye moolu le kanu mennu ye kuu jawoo koŋ, a ka a la moolu niyo kanta le, a ka ì tankandi moo jawoolu bulu.

2 Musa 32:30

A saamoo Musa ko moolu ye ko, “Ali ye junube baa le ke. Bari saayiŋ m be taa le fo Yaawe yaa, n si yamfoo daani noo ali la junuboolu ye.”

Yeremiya 18:8

Bari ŋa wo bankoo meŋ na kuwo fo, niŋ a yelemata ka bo a la kuu jawu kewo to, m be n hakiloo faliŋ na le, n te kasaaroo boyi la a kaŋ, n lafita meŋ boyi la a kaŋ.

Yeremiya 22:3

Nte Yaawe ye ñiŋ ne fo ko: Ali tooñaa niŋ tiliŋo taamandi. Ali moo-wo-moo bondi a toorandilaa bulu, ì ye meŋ nakari. Ali kana tumarankewolu toora waraŋ ka ì fitina, ka taa aliyatiimoolu, aniŋ furuyaamusoolu. Ali kana moolu yeloo boŋ ñiŋ bankoo kaŋ, mennu maŋ kuu ke.

Yeremiya 31:7

Yaawe ye ñiŋ ne fo ko: “Ali seewooriŋo ye suukuwo laa Yaakuba ye, ali wuuri banku koteŋolu bee ñaatonkoo Banisirayila ye. Ali a kankulaa, ali ye jayiroo ke, ka a fo ko, ‘Hee Yaawe, i ye i la moolu kiisa le, Banisirayila toomaalu.’

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.

Daniyeli 2:49

Daniyeli ye mansa daani a kafuñoolu ye le, Sadiraki, Mesaki, aniŋ Abedineko, aduŋ mansa ye ì ke maralilaalu le ti Babiloni tundoo kaŋ. Bari Daniyeli faŋo tuta mansasuwo le kono.

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

Amosi 5:10

Kooroo be boyi la ali kaŋ ne, alitolu Banisirayilankoolu. Moo-wo-moo ka tooñaa yitandi kiitiidulaa to, ali ka wo maarii koŋ ne, ali ye jutu moo la meŋ ka tooñaa fo.

Amosi 5:24

Janniŋ ali be wo ke la, ali tooñaa feenendi ko baajiyo, ali ye tiliŋo londi ko boloŋo meŋ jiyo te jaa la.

Amosi 5:6

Ali Yaawe ñini ka baluu. Niŋ wo nte, a be naa la ali kaŋ ne, alitolu Yusufa koomalankoolu, komeŋ dimbaa. A si Beteli jani, aduŋ moo te a dubeŋ noo la.

Amosi 6:12

Fo suwoo ka bori noo bere kutukatoolu kaŋ ne baŋ? Fo moo niŋ ninsi senelaalu si senoo ke noo jee baŋ? Ali ye tooñaa yelemandi faniyaa baa ti, ali ye tiliŋo la kuwo kuniyandi tak.

Amosi 7:3

Yaawe bala naata faa a ko, a ye a baayi le.

Yunusa 1:6

Kuluŋ kuntiyo taata a yaa, a ko a ye ko, “Ite ka siinoo ñaadii le? Wuli, i ye i la Alla daani! A si ke noo, a ye balafaa ǹ ye, i si a je ǹ te kasaara la.”

Yunusa 3:9

Jumaa le ye a loŋ? Alla si yamfa noo le, aduŋ a si balafaa soto, a la jusukandoo ye yelema ǹ ye jusu sumayaa ti, i si a je ǹ te kasaara la.”

Mika 2:12

Yaawe ye ñiŋ ne fo ko, “Alitolu Yaakuba koomalankoolu, a be koyiriŋ ne ko, m be ali bee kafu la ñoo ma le. M be Banisirayila moo toomaalu bee kafu la ñoo ma le. M be ali ñaatonkayaa la, ko niŋ ì be saajiyolu kenkeŋ kaŋ ì la buŋo kono, ko niŋ ì be beeyaŋ koorewo kenkeŋ kaŋ daañini dulaa to. Hadamadiŋolu maakaŋo doroŋ ne be moyi la ñiŋ dulaa to ì la siyaa kamma.”

Mika 3:2

Alitolu mennu ka kuu kendoo koŋ, ali ye kuu kuruŋo kanu. Ali ye n na moolu baloo bee namaŋ-namaŋ, ko niŋ i be beeyaŋo busu la, ka ì kuloolu niŋ ì bala suboo talaa.

Mika 5:3

Yaawe be a la moolu fili la ì jawoolu bulu le, fo janniŋ ñiŋ maralilaa be wuluu la. Wo le to a baadiŋ toomaalu be naa bo la mutoo kono, ì ye muru ka kafu Banisirayilanka koteŋolu ma.

Sefaniya 2:3

Alitolu fammajiilaalu mennu be bankoo kaŋ, ali ka Yaawe la yaamaroolu nooma, ali tenteŋ ka Yaawe la kuwo ñiniŋ. Ali tu hameriŋ ka bula tiliŋo nooma, a niŋ fammajiyo. Fo tumandoo niŋ Yaawe la ñiŋ kamfaa luŋo siita, ali si tu tankoo kono.

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Roomankoolu 12:9

Ali la kanoo si ke tooñaa ti. Ali kuu jawoo koŋ, ali ye kuu betoo muta kendeke.

Roomankoolu 7:22

N sondomoo kono, ŋa Alla la Luwaa kanu le,

Roomankoolu 8:7

Kaatu moo meŋ hakiloo ka tu hadamadiŋyaa kuwolu kaŋ, a ka ke Alla jawoo le ti. A buka soŋ Alla la Luwaa ma, aduŋ a buka hani a ke noo.

3 Yohana 1:11

N kanuntewo, kana kuu jawoo nikiŋ, bari kuu betoo. Moo meŋ ka kuu betoo ke, wo bota Alla le yaa. Bari moo meŋ ka kuu jawoo ke, wo maarii nene maŋ Alla je.