Amosi 4:5 - Mandinka Bible

⁵ Ali ye ali la mbuuru leweñimaa fanaa jani ka ke Alla tenturulaŋ sadaa ti. Ali ye ali la fankadaŋ sadaa laa a kaŋ ka kibiri a la, fo moolu bee ye a moyi. Kaatu ali ka lafi a la wo le ñaama.” Maarii Yaawe le ye a fo.

Amosi 4:5 Mawu Ofanana

Jabuuroolu 81:12

Bituŋ ŋa ì tu ì la sondome jaa kaŋ, ka bula ì fansuŋ yaamaroolu nooma.

Yesaya 1:1

Ñiŋ kuwolu le lankenemata Yesaya ye, Amosi dinkewo, Yerusalaamu aniŋ Yahuuda muumewo la kuwo to. A keta ñiŋ Yahuuda mansoolu la jamaanoolu le la: Usiya, Yotamu, Ahasi aniŋ Hesekiya.

Yesaya 1:11

Yaawe ko, “Ali la ñiŋ sadaa* bambaloo ye muŋ nafaa le soto nte ye? Jani sadaalu ye m pasi le, ka taa saajiikotoŋolu aniŋ beeyaŋ nunkuriŋ keŋolu. M maŋ lafi ninsoolu yeloo la, saajiiriŋolu aniŋ baalu.

Yeremiya 7:10

Wo koolaa ali ka naa loo n ñaatiliŋo la ñiŋ buŋo kono, n too be meŋ kunna, ali ka a fo ko, ‘Ǹ tankata le!’ A ye a tara ali be wo kuu ñewundiŋolu ke kaŋ.

Yeremiya 7:9

“Ali ka suuñaaroo ke le, moofaa, aniŋ jeenoo, ka kali faniyaa kaŋ, ali ka cuuraayoo siisindi Baali* jalaŋo ye, aniŋ ka jalaŋ doolu batu, ali nene maŋ mennu loŋ.

Hoseya 9:1

Banisirayila, ali kana seewoo, ali kana juurali ke ko banku koteŋolu. Kaatu ali be cakayaa le la, ka ali koo dii Alla la. Ali ka tara lafiriŋ cakayaa joo le la siimaŋ toñonka dulaa bee to.

Hoseya 9:10

Yaawe ko: “Biriŋ ŋa Banisirayila je foloo-foloo, a munta le nuŋ ko, ŋa wayini yiridiŋo le je keñewuloo* kono. Biriŋ ŋa ali mumuñolu je, a be le nuŋ ko, ŋa sooto diŋ kuŋ foloolu je. Bari biriŋ ì naata Pewori Konkoo to, ì ye ì faŋ dii Baali* jalaŋo la. Ì keta moo ñewundiŋolu ti, ko ì la jalaŋ ñewundiŋolu, ì ye mennu kanu.

3 Musa 23:17

Ali si mbuuru kuŋ fula samba naŋ ka bo ali la suwolu kono, meŋ dadaata fariña kendoo kilo fula la. Ali si a niŋ leweñoo jani, ka ì bondi nte Yaawe ye teekandiri sadaa ti, ka bo fiifeŋ kuŋ foloolu to.

Amosi 5:21

Yaawe ye ñiŋ ne fo ko, “Ŋa ali la diina juuraloolu koŋ ne, n ñewunta ì la, aduŋ n te ali la diina beŋolu taa la muk.

Amosi 5:22

Hani niŋ ali ye jani sadaalu* le bo n ye, aniŋ siimaŋ sadaalu, n te ì muta la. Niŋ ali ye kayira sabatindiraŋ sadaalu bo n ye, n te ì juubee la faŋ, hani niŋ ali ye ì bondi ali la beeyaŋ betoolu le kono.

Matiyu 15:9

Ì ka m batu kensenke le, kaatu ì la karandiroo mu yaamaroolu le ti, hadamadiŋolu ye mennu dadaa.’ ”

Matiyu 23:23

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka hani fendiŋolu jakoo bondi le, meŋ be ko naana, dilli aniŋ kummini, bari ali ka ali ñaa kaasi Luwaa la kuu kummaa baalu la le, mennu mu tiliŋo ti, balafaa aniŋ lannoo. Ñinnu le mu kuwolu ti, ali ñanta mennu ke la, aduŋ ali kana ali ñaa kaasi yaamari koteŋolu la.

Matiyu 6:2

Wo kamma la, niŋ i be sadaa dii la, kana footaŋo fee ka a kankulaa ko bunaafayoolu ka a ke ñaameŋ ì la diina bendulaalu* kono, aniŋ siloolu kaŋ taariŋ, fo moolu si ì jayi. Tooñaa, m be a fo la ali ye, wo doroŋ ne mu ì la joo ti.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.