Amosi 4:11 - Mandinka Bible

¹¹ “Ŋa kasaaroo tiliŋ ali la, ko ŋa Sodomu niŋ Komora kasaara ñaameŋ. Moolu mennu kanata ali kono, ì la kuwo keta le komeŋ niŋ i ye taalamaa kuntoo wafu naŋ dimbaa kono. Bari hani wo bee, ali maŋ soŋ muru la n kaŋ.” Yaawe le ye a fo.

Amosi 4:11 Mawu Ofanana

Yesaya 13:19

Babiloni keta mansamarali bankoolu bee kono ñaroo le ti, a moolu ka tintiŋ wo kuwo le la, bari Alla le be ì la bankoo kasaara la ko Sodomu niŋ Komora.

Yesaya 7:4

A fo a ye ko, a ye a hakilitu, a ye tenkuŋ, aduŋ a kana sila. Mansa Resini niŋ Mansa Peka la kamfaa baa kana a tinna a ye jikilateyi, wolu maŋ ke feŋ ti fo loo kuntu fula meŋ be siisii kaŋ.

Yesaya 9:12

Aramunkoolu mennu bota tilibo maafaŋo la, Filisitinkoolu mennu bota tilijii maafaŋo la, ì ye Banisirayila tiñaa le ka a kasaara. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yeremiya 23:14

Bari ŋa meŋ je Yerusalaamu annabiyomoolu la kuwo to, wo le faŋo saŋarata. Ì ka jeenoo ke le aniŋ ka taama faniyaa la. Ì ka kuu kuruŋ kelaalu jambandi le, ka a tinna moo buka soŋ fata la kuu kuruŋ kewo ma. Ì bee keta n ñaa koto le komeŋ Sodomu moolu, Yerusalaamu moolu keta komeŋ Komora moolu.”

Yeremiya 49:18

A be ke la le ko Sodomu niŋ Komora, aniŋ ì dandanna saatewolu kasaarata ñaameŋ. Moo te sabati la Edomu kotenke, hani moo te sii la jee fereŋ.

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Yeremiya 50:40

Ko nte Alla ye Sodomu niŋ Komora kasaara ñaameŋ, ì niŋ ì dandanna saatewolu, moo te sii la Babiloni fanaa, sako moo si sabati jee.” Yaawe le ye a fo.

Esekiyeli 24:13

“Ite Yerusalaamu, wo fintoŋo le mu i la malubaliyaa ti. Baawo n lafita i seneyandi la le nuŋ, bari i te seneyaa noo la ka bo i la wo kosoo kono. I te seneyaa noo la kotenke, fo niŋ ŋa n na kamfaa bee jindi i kaŋ tuma meŋ na fo n wasata.

Hoseya 11:5

“Ì be muru la Misira le, Asiriya si ì mara, kaatu ì balanta le ka muru naŋ n kaŋ.

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Amosi 4:6

Yaawe ye ñiŋ ne fo ko, “Nte le ye konkoo duŋ ali la saatee baalu niŋ saateeriŋolu kono, fo ali kana feŋ soto ali be meŋ domo la. Bari hani wo bee, ali maŋ soŋ muru la n kaŋ.

Hakayi 2:17

Ŋa ali niŋ ali la senefeŋolu bee busa le, ka bo niŋ jaa la, fiifeŋ kuuraŋo, aniŋ saŋ beroo, bari hani wo de, ali maŋ muru naŋ n kaŋ.” Yaawe le ye a fo.

Jakariya 3:2

Yaawe la malaayikoo ko Seetaani ye ko, “Seetaani, Yaawe ye i jalayi! Yaawe, meŋ ye Yerusalaamu tomboŋ, a ye i jalayi le. Yaawe ye ñiŋ kewo kiisa le ko taalamaa kuntoo, ì ye meŋ wafu naŋ dimbaa kono.”

Roomankoolu 9:29

A be le ko Yesaya ye kiilaariyaa kumoo fo nuŋ ñaameŋ ko: “Niŋ m̀ Maarii Alla, Alihawaa Maariyo*, maŋ koomalankoolu tu ǹ ye jee nuŋ ì ye baluu, m̀ be tumbuŋ na le ko Sodomu, ŋà ke ko Komora.”

1 Korintinkoolu 3:15

Bari niŋ moo meŋ na dookuwo janita, wo maarii be bono la le. Bituŋ a maarii faŋo be kiisa la le, bari a be ke la le ko moo meŋ kanata dimbaa ma.

5 Musa 28:24

Yaawe be samaajiyo yelemandi la ali ye bankumunkoo le ti aniŋ kankaŋo. A si jurumi naŋ ali kaŋ fo ali bee ye kasaara.

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.

2 Pita 2:6

A ye Sodomu niŋ Komora saatewolu fanaa halaki le ka ì kasaara, a ye ì ke seebuutoo ti. A ye wo ke taamanseeroo le ti kuwo to, meŋ be ke la allantaŋolu la.

Yuuda 1:23

Ali doolu kanandi, ali ì cansu naŋ ka bo dimbaa kono. Ali balafaa soto doolu ye niŋ hakilituwo la. Ali ye hani ì la sitifeŋolu koŋ, mennu be kosoriŋ niŋ junube baaroolu la.

Yuuda 1:7

Sodomu niŋ Komora, ì niŋ ì dandanna saatewolu fanaa la kuwo keta nuŋ wo le ñaama. Ì la moolu tarata laañooyaa kuu jawoolu le la, ka ì daa duŋ malu kuu jawu kewo to. Ì la badaa-badaa yankankatoo dimbaa kono keta dandalaaroo le ti moolu bee ye.

Lankenemoo 9:20

Hani ñiŋ mantooroolu koolaa, moo koteŋolu mennu tuta baluuriŋ, wolu maŋ soŋ ka batufeŋolu bula, ì ye mennu dadaa ì fansuŋ buloolu la. Ì maŋ i foño seetaani jawoolu batoo la, aniŋ jalaŋolu, mennu dadaata sanoo niŋ kodiforoo la, jaawaloo, beroo aniŋ babaroo. Ì tuta ñiŋ feŋolu le batu kaŋ, mennu buka jeroo ke, sako moyiroo waraŋ ka taama.