Amosi 3:15 - Mandinka Bible

¹⁵ M be ali la sumayaa waati buŋolu tiñaa la, aniŋ ali la kandi waati buŋolu. Buŋolu mennu ñarandita samañiŋolu la, wolu fanaa bee le be kasaara la, aduŋ ali la buŋ jaŋ baalu fanaa bee le be boyi la.” Yaawe le ye a fo.

Amosi 3:15 Mawu Ofanana

1 Mansoolu 22:39

Ahabu la mansayaa kuu koteŋolu, ka taa a ye kuwolu mennu bee ke, a ye mansasuwo meŋ loo ka a kono laa niŋ samañiŋolu la, a ye saatewolu mennu tata, wo kuwolu safeeta Banisirayila Mansoolu la Taarika Kitaaboo le kono.

Jabuuroolu 45:8

I la dendika baalu bee seerandita niŋ seerandi feŋolu le la. Kontiŋ kosilaalu ka i seewondi mansabuŋolu le kono, mennu kono ñarandita niŋ samañiŋolu la.

Yesaya 5:9

Yaawe Alihawaa Maariyo kalita ñiŋ na le, m faŋo tuloo le ye a moyi, “Tooñaa-tooñaa, wo buŋolu bee le be ke la tumbuŋo ti, buŋ ñiimaa baalu be jee le, bari moo te tara la ì kono.

Yeremiya 36:22

A keta sanjaani sumayaa waatoo le kono, a ye a tara mansa be siiriŋ a la sumayaa waati buŋo kono, dimbaa be mala la furunewo kono a ñaatiliŋo la.

Amosi 2:5

M be dimbaa le jindi la naŋ Yahuuda, ŋa Yerusalaamu tatoolu jani.”

Amosi 3:11

Wo kamma la Maarii Yaawe ko, “Alitolu Banisirayilankoolu, m be jawoolu le samba la naŋ ali kaŋ ka ali la bankoo bee murubeŋ. Ì be ali la tatoolu boyi la, ì ye ali la buŋ ñiimaa feŋolu bee suuñaa.”

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Amosi 6:11

Yaawe le ye ñiŋ kaŋo dii ko, buŋ baalu be teyiŋ-teyiŋ na le, bundiŋolu ye juruŋ-juruŋ.

Malaki 1:4

Esawu koomalankoolu si a fo noo le ko, “Ì ye ǹ na bankoo Edomu kasaara ñaa-wo-ñaa, m̀ be ǹ na tumbuŋolu lookuu la le.” Bari Yaawe Alihawaa Maariyo* ye ñiŋ ne fo ko, “Hani niŋ ì ye a lookuu, n si a boyi. Ì be kumandi la Banku Jawoo le la, Yaawe be tara la jusuboriŋ bankoo meŋ moolu kamma fo fawu.

Kiitindirilaalu 3:20

Kabiriŋ Ehudi ye mansa ñiŋ waliŋ, a ye a tara, a be siiriŋ a dammaa, a la santobuŋ sumaa kono. Ehudi ko a ye ko, “Ŋa kumakaŋo doo le soto ka bo Alla yaa, n ñanta meŋ fo la i ye.” A la ñiŋ kumoo foo kaŋ doroŋ, mansakewo ñiŋ kidita naŋ ka bo a la siiraŋo kaŋ.