Amosi 2:7 - Mandinka Bible

⁷ Ali ye i tuu fuwaaroolu kuŋolu kaŋ ko niŋ ali be i tuu kaŋ bankoo le kaŋ. Ali buka tooñaa sabatindi ali niŋ moo bataariŋolu teema. Faalu niŋ ì dinkewolu ka deŋ sunkutu kiliŋo la. Ì maŋ n too kuliyaa.

Amosi 2:7 Mawu Ofanana

2 Samuweli 12:14

Bari kaatu i ye ñiŋ horomantaŋyaa le ke Yaawe la, i dinkewo meŋ wuluuta, a be faa la le.”

1 Mansoolu 21:4

Bituŋ Ahabu kamfaatoo niŋ a niikuyaariŋo seyita suwo kono, kaatu Naboti ko a ye le ko, a te a mumuñolu la keetaafeŋo dii la a la. A taata a ye i laa a la laaraŋo kaŋ, a ye a ñaa tiliŋ bumbaloo la. A maŋ soŋ ka domoroo ke.

Kuma Kotoomaalu 28:21

Fataŋ-fansoo maŋ beteyaa, hani wo, mbuuru kuntoo ka a saabu le, doolu ye kuu jawoo ke.

Yesaya 10:1

Kooroo be wo moolu ye, mennu ka luwaa jenkeriŋolu dadaa, aniŋ ka luwaa koleŋolu safee,

Yesaya 10:2

ka fuwaaroolu bali ì la hakoo la, ka fentaŋolu la tooñaa nakari, ka furuyaamusoolu la feŋolu ñapinkaŋ, aniŋ ka aliyatiimoolu le feŋolu suuñaa.

Yesaya 3:14

Yaawe pareeta le, ka a la moolu la alifaalu niŋ ì la ñaatonkoolu kiitindi. A ko, “Alitolu le ye wayini* yiri kankaŋo kasaara! Ali ye feŋolu mennu buusi fuwaaroolu bulu, wolu le be ali la buŋolu kono.

Yesaya 3:15

Ali ye muŋ kuu le ke teŋ, ka n na moolu mantoora aniŋ ka fuwaaroolu halaki?” Yaawe Alihawaa Maariyo le ye a fo.

Esekiyeli 22:11

Doolu ka kuu haraamuriŋ baalu le ke, ka ì siiñoolu la musoolu laañooyaa, doolu ka ì bitammusoolu laañooyaa, doolu niŋ ì baarimmusoolu ka jeenoo ke.

Esekiyeli 36:20

Kabiriŋ ì naata ñiŋ bantala bankoolu kaŋ, niŋ ì taata daa-wo-daa ì ka jutunnayaa le samba naŋ n too senuŋo kaŋ. Wo ye a tinna bantala banku moolu ka a fo ì la kuwo to ko, ‘Fo ñinnu le maŋ ke Yaawe la moolu ti baŋ? A fele, a ye ì bondi ì la bankoo kaŋ a ye meŋ dii ì la.’

Hoseya 4:14

N te ali dimmusoolu jarabi la, niŋ ì ye cakayaa ke, n te feŋ ke la ali bitammusoolu fanaa la, niŋ ì ye jeenoo ke. Kaatu kewolu faŋo le niŋ jalaŋ batudulaa cakoolu ka taa kara la, ì niŋ ì ka beeyaŋ sadaalu bo jalaŋ batudulaa to. Hakilintaŋolu ka kasaara teŋ ne.

3 Musa 18:15

I kana i bitammusuriŋo laañooyaa, ka a la malu kuwo laa banta, kaatu i dinkewo la musoo le mu. I maŋ ñaŋ na a laañooyaa la.

3 Musa 18:21

I kana i diŋ jani ka a ke sadaa* ti Moleki jalaŋo ye, ka jutunnayaa tiliŋ Alla too la. Nte le mu Yaawe ti.

3 Musa 18:8

I kana i faamaa la musu koteŋ laañooyaa. Wo mu i faamaa la malu kuwo le ti.

3 Musa 20:3

Nte faŋo le be wo maarii kiitindi la. M be a bondi la a la moolu kono le, ñiŋ kamma la a ye a diŋo meŋ dii Moleki la, ka n na Tiriliisi Senuŋo* kosondi, aniŋ ka jutu n too senuŋo la.

Amosi 4:1

Ali ñiŋ kumakaŋo moyi alitolu Samariya musoolu, alitolu mennu be nunkuriŋ ko Basani tundoo ninsoolu, alitolu mennu ye fuwaaroolu toora, ali ye fentaŋolu batandi, alitolu mennu ka doloo kaniŋ ali keeñolu bulu.

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Amosi 5:12

Ŋa a loŋ ne, ali ye kuruŋyaa kuwolu mennu bee ke, aniŋ ali la junube kuukewo warata ñaameŋ. Ali ye moo tilindiŋolu batandi, ali ye dukoolu muta. Ali ye tooñaa nakari fuwaaroolu bulu kiitiidulaalu to.

Amosi 8:4

Ali i lamoyi ñiŋ na alitolu mennu ka i tuu fuwaaroolu kaŋ, ali ka sembentaŋolu kasaara bankoo kaŋ.

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Mika 2:9

Ali ye n na moolu la musoolu bayi ka bo ì la buŋolu kono, ì niiseewoo dulaalu. Ali ye n na neemoo buusi ì diŋolu la burayi.

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Roomankoolu 2:24

Wo le ye a tinna a be safeeriŋ ko, “Alitolu la kuwo le ye a tinna Alla too keta tooñeeri kumoo ti moolu kono, mennu maŋ ke Yahuudoolu ti.”

1 Korintinkoolu 5:1

Ŋa haraamu kuu kewo le moyi ali la kuwo to ko, kee doo ka a faamaa la musoo futuu le, hani jaahiloolu buka maañaa meŋ ke.