Amosi 2:10 - Mandinka Bible

¹⁰ Ŋa ali bondi Misira. Ŋa ali ñaatonkayaa keñewuloo* kono sanji taŋ naani, ka Amorinkoolu la bankoo dii ali la ka ke ali taa ti.

Amosi 2:10 Mawu Ofanana

Nehemiya 9:21

I ye ì balundi keñewuloo kono le fo sanji taŋ naani, feŋ maŋ ì dasa, ì la duŋ feŋolu maŋ fara, sako ì siŋolu si fuunuu.

Jabuuroolu 95:10

N tarata ñewundiŋ ì la le fo sanji taŋ naani, aduŋ n kumata ko, ‘Ñiŋ moolu sondomoo le ye ì filindi, ì jututa n na kuwolu la.’

2 Musa 12:51

Aduŋ wo luŋo faŋo le Yaawe ye Banisirayilankoolu kafumaalu bondi Misira kono.

2 Musa 20:2

Nte le mu Yaawe* ali la Alla ti, meŋ ye ali bondi naŋ joŋyaa kono Misira.

2 Musa 3:8

Saayiŋ n naata le, ka ì tankandi Misirankoolu bulu, aniŋ ka ì bondi wo bankoo kaŋ, ka ì samba banku warariŋ baa to, keekewo niŋ liyo ka woyi daameŋ, Kanaaninkoolu, Hitinkoolu, Amorinkoolu, Perisinkoolu, Hiwinkoolu aniŋ Yebusinkoolu be sabatiriŋ daameŋ.

Yeremiya 2:6

Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Esekiyeli 20:10

Bituŋ n naata ì bondi naŋ Misira bankoo kaŋ ka naa keñewuloo* kono.

Amosi 3:1

Ali i lamoyi alitolu Banisirayilankoolu, alitolu mennu keta moolu ti, Yaawe* ye mennu bondi naŋ Misira bankoo kaŋ. A ye ñiŋ kumakaŋo le fo ali ma, a ko,

Amosi 9:7

Yaawe ye ñiŋ ne fo a ko, “Alitolu Banisirayilankoolu, fo ali ye ñiŋ ne miira baŋ ko alitolu le kummaayaata n ñaa koto ka tambi Kusinkoolu* la? Nte le ye ali bondi naŋ Misira kono. Nte le fanaa ye Filisitinkoolu bondi naŋ Kireti jooyoo kono, aniŋ Aramunkoolu ka bo Kiri bankoo kaŋ.

Mika 6:4

Nte le ye ali bondi naŋ Misira, ka ali fintindi naŋ joŋyaa bankoo kaŋ. Ŋa Musa kii ka ali ñaatonkayaa, Haaruna aniŋ Miriyaamu.

4 Musa 13:32

Ì ye kibaari jawu baa janjandi Banisirayilankoolu kono bankoo ñiŋ na kuwo to, ì taata meŋ kullootoo juubee. Ì kumata ko, “Ñiŋ bankoo meŋ ǹ taata a kullootoo juubee teŋ, a be a moolu faŋo bee le domo la. Ŋà moolu fanaa mennu bee je jee, mu moo kulu baalu le ti.

4 Musa 21:25

Banisirayilankoolu ye Amorinkoolu la saatewolu bee le muta ì ye ì taa, Hesiboni daa bulariŋo jee, a niŋ a dandanna saateeriŋolu.

4 Musa 32:13

Yaawe la kamfaa baa naata Banisirayilankoolu kaŋ, a ye ì yaayindi keñewuloo* kono fo sanji taŋ naani, fo wo jamaanoo moo bee banta faa la mennu ye kuu kuruŋo ke a ñaatiliŋo la.

Kiilaalu 13:18

A muñata ì la daajikoo la keñewuloo* kono fo sanji taŋ naani.

Kiilaalu 7:42

Wo kamma la Alla ye a koo dii ì la, a ye ì bula ka saŋo santo malafeŋolu batu, ko a be safeeriŋ annabiyomoolu la kitaaboo kono ñaameŋ: ‘Alitolu Banisirayilankoolu, ali ye sanji taŋ naanoo meŋ ke keñewuloo kono, fo ali ye beeyaŋ sadaa* waraŋ siimaŋ sadaa naati nte le ye baŋ?

5 Musa 1:39

“Aduŋ ali la dindiŋolu, ali ye a miira mennu be taa mutoo kono, wolu fanaa be duŋ na jee le, dindiŋolu mennu maŋ kuu kendoo niŋ kuu jawoo bo ñoo to. M be bankoo ñiŋ dii la itolu le la ka ke ì taa ti.

5 Musa 2:7

Yaawe ali la Alla ye baraka ke ali la dookuwolu bee le to. A ye ali la taamoo koleyaa loŋ ali fee le wo keñewula baa kono. Ñiŋ sanji taŋ naanoo muumewo Yaawe ali la Alla tarata ali fee le. Hani feŋ maŋ ali dasa.

Yosuwa 13:4

Hani saayiŋ, Kanaani bankoo bee ñanta taa la le, ka bo Me-Ara meŋ be Sidoninkoolu la maroo to, ka taa fo Afeki, Amorinkoolu la naanewo to,

Yosuwa 24:8

wo to le ŋa ali samba naŋ Amorinkoolu la bankoo kaŋ, mennu be sabatiriŋ Yoridani Boloŋo tiliboo la. Ì ye ali kele, bari nte faŋo le ye ì duŋ ali bulu. M faŋo le ye ì kasaara ali ñaatiliŋo la. Bituŋ ali naata ì la bankoo taa ka ke ali taa ti.