Amosi 1:5 - Mandinka Bible

⁵ M be Damasiku saatewo daa tawundaŋolu kati la, ŋa Bikati-Aweninkoolu kasaara, aniŋ mansadokoo be meŋ bulu Beti-Edeni. Aramunkoolu ye tara mutoo kono Kiri bankoo kaŋ.” Yaawe le ye a fo.

Amosi 1:5 Mawu Ofanana

2 Mansoolu 14:28

Yerobowamu dindiŋo la mansayaa kuu koteŋolu, a ye mennu bee ke, a la fatiyaa kuwolu, aniŋ a ye Damasiku niŋ Hamati kafuriŋo seyinkaŋ taa Banisirayila ye ñaameŋ, mennu tarata nuŋ Yahuuda bankoo niiyaa kono, wo bee safeeta Banisirayila Mansoolu la Taarika Kitaaboo le kono.

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.

Yesaya 22:6

Elamunkoolu niŋ kalabeñoolu naata le, ì la keleraŋ sareeti* borindilaalu niŋ ì la suwoolu, Kiri kelediŋolu ye ì la koteeroolu* parendi le.

Yesaya 43:14

Yaawe Banisirayila la Senuŋ Baa, ali Kumakaalaa, ye ñiŋ ne fo ko: “Ali la kuwo kamma la, m be kelediŋ kafoolu kii la Babiloninkoolu kamma le, m be saatee dundaŋ daalu kati la le, aduŋ a la moolu la seewoo saroo be yelema la kumboo le ti.

Yesaya 8:4

Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”

Yeremiya 50:36

Hawusaroo be naa a juubeerilaa fanoolu kamma le, fo ì la tooleeyaa si loŋ, a be naa a kelejawaroolu kamma, fo ì si kasaara!

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Niikuyaa Suukuwolu 2:9

Jee dundaŋ daa tawundaŋolu jurumita bankoo to, Yaawe ye ì nee bantambiloolu kati, ka ì janjaŋ. A mansakewo niŋ maralilaalu be mutoo kono banku koteŋolu kaŋ. Yaawe la yaamaroolu buka karandi kotenke, annabiyomoolu buka jeroo soto a bulu fanaa.

Esekiyeli 27:23

“I niŋ Harani, Kanne, aniŋ Edeni saatewolu, Seba bankoo jula baalu, aniŋ Asuri niŋ Kilimadi saatewolu, ka julayaa ke le.

Esekiyeli 30:17

Fondinkewolu mennu be Oni niŋ Pibeseti saatewolu kono, wolu be faa la keloo le to, a wo moo toomaalu ye taa mutoo kono.

Hoseya 10:8

Beti-Aweni la jalaŋ batudulaa tintiŋolu* be kasaara la le, Banisirayila ka junuboo ke daameŋ. Ñaamoo niŋ ŋaniŋo si faliŋ ì la sadaabodulaalu kaŋ. Bituŋ ì si a fo konko baalu ye ko, “Ali m̀ muuri!” Ì ye a fo konkoriŋolu ye, “Ali boyi ǹ kaŋ!”

Amosi 5:5

Ali kana ali jikoo loo Beteli batudulaa kaŋ, aduŋ ali kana duŋ Kilikali, waraŋ ka tambi ka taa Beeriseba. Kaatu Kilikali moolu be tara la mutoo le kono, aduŋ Beteli te naa ke la feŋ ti kotenke.”

Amosi 9:7

Yaawe ye ñiŋ ne fo a ko, “Alitolu Banisirayilankoolu, fo ali ye ñiŋ ne miira baŋ ko alitolu le kummaayaata n ñaa koto ka tambi Kusinkoolu* la? Nte le ye ali bondi naŋ Misira kono. Nte le fanaa ye Filisitinkoolu bondi naŋ Kireti jooyoo kono, aniŋ Aramunkoolu ka bo Kiri bankoo kaŋ.

Nahumu 3:13

I la kelediŋolu juubee, ì bee keta musoo ti. Dimbaa ye i la bankoo naanewo sorondaŋolu bee jani, dulaa bee yeleta i jawoolu ye hakañi.