Amosi 1:3 - Mandinka Bible

³ Yaawe ye ñiŋ ne fo ko, “Damasiku moolu ye landatambi junube kuwolu le ke. Ì ye Kileyadi moolu toorandi le, komeŋ niŋ i ye moo toñonka niŋ toñonkarilaŋo* la. Wo kamma la n te ì jaraboo baayi la muk.

Amosi 1:3 Mawu Ofanana

1 Mansoolu 19:17

Niŋ moo-wo-moo kanata Hasayeli la faaroo ma, Yehu be wo maarii faa la le, aduŋ niŋ moo-wo-moo kanata Yehu la faaroo ma, Elisa be wo maarii faa la le.

2 Mansoolu 13:3

Yaawe naata kamfaa baake Banisirayilankoolu kamma, bituŋ a ye ì duŋ Aramu mansa Hasayeli bulu, aniŋ a dinkewo Beni-Hadadi, ka ì mara fo waati jaŋ.

2 Mansoolu 13:7

Feŋ maŋ tu Yehohasi la kelediŋolu to niŋ a maŋ ke suuborindilaa kee taŋ luulu ti, keleraŋ sareeti* taŋ, aniŋ sinna kelediŋ wuli taŋ. Aramu mansa le ye wo too bee kasaara, aduŋ a ye ì toñonka le komeŋ bankumunkoo.

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.

2 Mansoolu 8:12

Hasayeli ko a ye ko, “M maarii, i ka muŋ ne kumboo?” Elisa ko a ye ko, “Ŋa a loŋ ne, i be naa kuu jawoo meŋ ke la Banisirayilankoolu la. I be dimbaa duŋ na ì la saatee tatariŋolu la le, ka ì la fondinkee kendoolu faa niŋ hawusaroo* la, ka ì la deenaani mereŋolu busa ka ì janjaŋ, aniŋ ka ì la musu konomaalu konoo fara.”

Yuuba 19:3

Ko siiñaa taŋ, ali naata le ka n dooyaa. Ali te malu la baŋ ka tu la n neŋ na teŋ?

Yuuba 5:19

Ate le be i tanka la maasiiba kuwo ma waatoo bee la, kataa kuu te boyi la i kaŋ fereŋ.

Kuma Kotoomaalu 6:16

Feŋ woorowula le be jee, Yaawe* ye mennu koŋ, wolu mu a tanoo le ti:

Kawandilaa 11:2

Moolu kundi i sotofeŋo to, hani niŋ a be ke la moo woorowula ti, waraŋ seyi. Kaatu i maŋ a loŋ kooroo be feenee la ñiŋ duniyaa kono waatoo meŋ na.

Yesaya 28:27

Dilli buka toñonka niŋ toñonkarilaŋo* la, sako sareeti siŋo si bori kummini kaŋ. Dilli ka lipa niŋ dokoo le la, kummini ka busa niŋ busaraŋo la.

Yesaya 41:15

“M be ali ke la le ko toñonkarilaŋ* kutoo meŋ ye semboo soto. Ali be konko baalu toñonka la le, ì ye juru, konkoriŋolu ye nunku ko buutoo.

Yesaya 7:16

Bari janniŋ kambaanendiŋo be kuu kendoo niŋ kuu jawoo bo la ñoo to, i be silariŋ ñiŋ mansa fuloo la bankoolu mennu la, ì bee be kasaara la le.

Yesaya 7:8

A ko: “Aramunkoolu semboo mu ì la saatee baa Damasiku doroŋ ne ti, aduŋ Damasiku semboo mu ì la ñaatonkoo Resini dammaa le ti. Efurayimu la karoo la, sanji taŋ wooro niŋ luulu ñaato, a bee be kasaara la le, a moolu ye janjaŋ.

Yesaya 8:4

Janniŋ a be a baa niŋ a faa too kumandi noo la, Asiriya mansa be Damasiku la naafuloo bee taa la le, a ye Samariya la feŋolu bee ñapinkaŋ ka ì samba.”

Amosi 1:11

Yaawe ye ñiŋ ne fo ko, “Edomunkoolu ye landatambi junube kuwolu le ke. Ì ye ì baadiŋ Banisirayilankoolu bayi niŋ hawusaroo* la, ì maŋ hani balafaa kiliŋ soto. Ì la kamfaañaa maŋ naanee soto, aduŋ ì buka sabari. Wo kamma la n te ì jaraboo baayi la muk.

Amosi 1:13

Yaawe ye ñiŋ ne fo ko, “Ammoninkoolu ye landatambi junube kuwolu le ke. Ì ye keloo le ke, ì ye musu konomaalu konoolu fara Kileyadi tundoo kaŋ, danko doroŋ ka ì la bankoo lafaa. Wo kamma la n te ì jaraboo baayi la muk.

Amosi 1:6

Yaawe ye ñiŋ ne fo ko, “Kaasa saatee moolu ye landatambi junube kuwolu le ke. Ì ye saatewolu muta, ì taata ì moolu waafi Edomunkoolu ma joŋolu ti. Wo kamma la n te ì jaraboo baayi la muk.

Amosi 1:9

Yaawe ye ñiŋ ne fo ko, “Tire saatee moolu ye landatambi junube kuwolu le ke. Ì ye baadiŋyaa kambeŋo le tiñaa ì niŋ Banisirayila teema, ì ye saatewolu moolu bee waafi Edomunkoolu ma. Wo kamma la n te ì jaraboo baayi la muk.

Amosi 2:1

Yaawe* ye ñiŋ ne fo ko, “Mowabinkoolu ye landatambi junube kuwolu le ke. Ì ye Edomu mansakewo kuloolu jani ka a ke lasoo ti. Wo kamma la n te ì jaraboo baayi la muk.

Amosi 2:4

Yaawe ye ñiŋ ne fo ko, “Yahuuda moolu ye landatambi junube kuwolu le ke. Ì ye nte Yaawe la luwaa soosoo, aduŋ ì maŋ bula n na yaamaroolu nooma. Ì bulata ì la alifaa foloolu la jalambatu siloolu le nooma, wo ye ì filindi. Wo kamma la n te ì jaraboo baayi la muk.

Amosi 2:6

Yaawe ye ñiŋ ne fo ko, “Alitolu Banisirayilankoolu ye landatambi junube kuwolu le ke. Ali ye moo kendoolu waafi joŋolu ti, kaatu ì maŋ ì la juloolu le joo noo. Ali ye fuwaaroolu waafi juloo kamma meŋ maŋ tambi samata soŋo la. Wo kamma la n te ali jaraboo baayi la muk.

Jakariya 9:1

Yaawe* la kumoo fele, a ye meŋ fo Hadiraki tundoo ma, aniŋ Damasiku saatewo. A ñaa be looriŋ hadamadiŋolu bee kaŋ ne, ko a ñaa be Banisirayila lasiloolu bee kaŋ ñaameŋ.

Jakariya 9:2

A ye a fo Hamati fanaa ma le, Hamati, meŋ niŋ Hadiraki be naaneeriŋ. A ye a fo Tire niŋ Sidoni saatewolu fanaa ma le, ì niŋ ì la hakilimaayaa bee.