4 Musa 24:1 - Mandinka Bible

¹ Saayiŋ biriŋ Balaamu ye a je ko ka neemoo daani Banisirayila ye wo le diyaata Yaawe* ye, a maŋ tenteŋ a la juubeeri kuwolu la ko waati doolu a ka a ke ñaameŋ. A ye a koo muru le ka a ñaa tiliŋ keñewuloo* la.

4 Musa 24:1 Mawu Ofanana

4 Musa 23:23

Batuutaayaa te ke noo la Yaakuba kamma, bitaari te ke noo la Banisirayila la kuwo to. A be fo la ì la kuwo to le ko, ‘Ali a juubee Alla ye meŋ ke.’

4 Musa 23:3

Balaamu ko Balaki ye ko, “Tu jaŋ, i la jani sadaalu* daala, nte ŋa taa kara la. A si ke noo Yaawe* ye naa n kaŋ. Niŋ a ye feŋ-wo-feŋ yitandi n na, m be a fo la i ye le.” Bituŋ a seleta konkoriŋo santo, yiri te daameŋ.

Lankenemoo 2:14

Bari nte ye kuu dantaŋ ne soto ka i tuumi. Moo doolu le be ali kono jee, mennu be Balaamu la karandiroo nooma kaŋ. Ate le ye Balaki karandi ka Banisirayilankoolu dundi marisa kuwo kono ka ì boyindi. A ye ì duŋ feŋolu domoo to, mennu bota jalaŋolu ye sadaa* ti, aniŋ ka laañooyaa tuluŋo ke.

4 Musa 31:16

Ñiŋ musoolu le mu moolu ti mennu bulata Balaamu la yaamaroo nooma, ì ye Banisirayilankoolu filindi ka ì koo dindi Yaawe la, jalambatoo siloo la Pewori Konkoo to. Wo ye a saabu alibalaa kuuraŋo naata Yaawe la moolu kaŋ.

4 Musa 23:28

Wo to le Balaki ye Balaamu samba Pewori Konkoo santo, daameŋ niŋ i be jee, i ka Yesimoni hayinaŋ.

4 Musa 23:20

Nte ŋa yaamaroo meŋ soto, wo le mu, ka neemoo daani. Alla ye neemoo dii le fokabaŋ, aduŋ nte te wo faliŋ noo la.

4 Musa 23:15

Balaamu ko Balaki ye ko, “Tu jaŋ, i la jani sadaalu daala, nte ŋa taa jana fo Yaawe be finti la n kaŋ.”

4 Musa 22:13

Wo saamoo soomandaa Balaamu wulita, a ko Balaki la maralilaalu ye ko, “Ali muru ali la bankoo kaŋ, Yaawe maŋ soŋ n niŋ ali ye taa.”

1 Samuweli 26:25

Bituŋ Sawulu ko Dawuda ye ko, “N dinkewo Dawuda, Allamaa neema ke la i ye, i be kaawakuwolu le ke la, aduŋ i be ñaatotaa soto la le.” Wo to le Dawuda taata a la siloo la, bituŋ Sawulu muruta suwo kono.

1 Samuweli 26:2

Wo to le Sawulu taata Sifu Keñewuloo* kono, a niŋ a ye kee wuli saboo mennu tomboŋ Banisirayila kono, ka taa Dawuda ñini jee.

1 Samuweli 24:20

Ŋa a loŋ ne ko, tooñaa-tooñaa i be ke la mansa le ti, aduŋ Banisirayila mansamarali bankoo be tara la marariŋ ite le buloo kono.

4 Musa 22:7

Bituŋ Mowabi alifaalu niŋ Midiyani alifaalu wulita ì taata, ì niŋ bitaari soŋo. Biriŋ ì futata Balaamu ma, ì ye Balaki la kumoolu bee fo a ye.

4 Musa 23:30

Bituŋ Balaki naata wo le ke, ko Balaamu ye a fo a ye ñaameŋ. A ye ninsituuraa niŋ saakotoŋo le faa ì bee kiliŋ-kiliŋ naa kaŋ.