2 Tesalonikankoolu 2:11 - Mandinka Bible

¹¹ Wo kamma la, Alla ye neeneeri sembemaa baa le kii ì kaŋ, fo ì si laa faniyaa la.

2 Tesalonikankoolu 2:11 Mawu Ofanana

1 Musa 39:19

Kabiriŋ Potifa la musoo ye ñiŋ kumoo saata a ye, a la joŋo Yusufa ye meŋ ke a la, a jusoo bota baake.

Jabuuroolu 109:17

A ye ñiŋ ne kanu ka dankaroo ke, Allamaa a danka la. A buka lafi ka neemoo ŋaniya, Allamaa a jamfa la a la.

Yesaya 44:20

Toolewo meŋ ka a faŋ neenee ka i baluu seebuutoo le la. A laata feŋ ne la, meŋ te a maakoyi noo la muumeeke. Hani wo, a maŋ a faŋo hakiloo kiitii ka a fo ko, “Fo ñiŋ jalaŋo ŋa meŋ muta m buloo kono, maŋ ke faniyaa le ti baŋ?”

Yesaya 66:4

Wo to saayiŋ, m be kuu dimindiŋ baa le laa la ì kaŋ, aduŋ ì silata meŋ na, m be ì jarabi la wo le la. Kaatu kabiriŋ ŋa kumandiroo ke, moo maŋ n danku, biriŋ n diyaamuta, moo maŋ i lamoyi n na. Bari ì ye kuu jawoo ke n ñaa koto le, ì ye kuu ke meŋ maŋ diyaa n ye.”

Yeremiya 27:10

Ì ka faniyaa kumoolu le fo ali ye, meŋ be a tinna ì ye naa ali bondi ali la bankoo kaŋ ka taa dulaa jaŋ to. Nte Yaawe si ali bayi, ka ali kasaara.

Yeremiya 4:10

Wo to le nte Yeremiya ko, “Hee m Maarii Yaawe, tooñaa-tooñaa, ite ye ñiŋ moolu niŋ Yerusalaamu muumewo neenee le famfaŋ, ka a fo ko, ‘Ali be kayiroo soto la le,’ a ye a tara hawusaroo* be ǹ kaŋolu to!”

Esekiyeli 14:9

“Niŋ annabiyomoo marisata fo a ye kiilaariyaa kuma fo meŋ keta faniyaa ti, nte Yaawe faŋo le ye a tinna, a ye wo fo. Wo to le, m buloo be sii la wo annabiyomoo ma, ka a kasaara ka a bondi n na moolu kono.

Esekiyeli 21:29

Ammoninkoolu kaŋolu be kuntu la niŋ hawusaroo le la. Waatoo siita le ka ì mantoora, kaatu ì la junube kuwolu landatambita le. Ì ye meŋ moyi hawusaroo la kuwo to kabiriŋ ì ye juubeeroo ke ì la juubeerilaalu yaa, wolu la jaabiroo keta faniyaa le ti.”

Matiyu 24:11

Faniyaa annabiyomu jamaa le be wuli la, aduŋ ì be moo jamaa le filindi la.

Matiyu 24:5

Kaatu moo jamaa be naa la n too la, aduŋ ì be a fo la le ko, itolu le mu Alimasiihu* ti, aduŋ ì be moo jamaa le filindi la.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

1 Tesalonikankoolu 2:3

Ǹ na maaneeneeroo buka bo faniyaa karandiroo kono waraŋ seneyaabaliyaa, sako neeneeroo.

1 Timoti 4:1

Noora Kuliŋo ye a fo seneyaarinke le ko, luŋ labaŋolu kono, doolu be lannoo bula la le, ì ye neeneeri nooroolu nooma, aniŋ seetaani jawoolu la karandiroolu.

2 Timoti 4:4

Ì be ì koo dii la tooñaa kumoo moyoo la le ka bula taaliŋolu nooma.