2 Tesalonikankoolu 1:5 - Mandinka Bible

⁵ Wo le ye a yitandi koyirinke ko, Alla ka a la kiitiyo kuntu tiliŋo le kono fo ali si jari ka duŋ Alla la mansabaayaa kono, ali be toora kaŋ meŋ kamma.

2 Tesalonikankoolu 1:5 Mawu Ofanana

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

Jabuuroolu 111:7

A la keroolu bee mu tiliŋo niŋ tooñaa le ti. A la yaamaroolu bee mu lanna kuwo le ti.

Jabuuroolu 33:5

A ye tiliŋo niŋ kiitindiri senuŋo le kanu. A la kanu bambaloo ye duniyaa bee le beŋ.

Jabuuroolu 50:6

Saŋ fatoolu ka Alla la tiliŋo kankulaa le, bayiri ate le mu kiitiiteyilaa ti. S

Jabuuroolu 72:2

Allamaa a ye kiitiyo taamandi tiliŋo la i la moolu teema, aniŋ ka tooñaa taamandi fentaŋolu ye, i la moolu kono.

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Yeremiya 9:24

Niŋ meŋ be kibiri la, a si kibiri ñiŋ na ko, a ye nte Yaawe* la kuwo fahaamu le ka n loŋ, ka ñiŋ loŋ ko, nte le mu Yaawe ti, n ka taama kanu bambaloo le la, nte le ka kiitiyo teyi, aniŋ ka tiliŋo taamandi duniyaa kono, aduŋ wolu le mu kuwolu ti mennu ka n seewoo.” Yaawe le ye a fo.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Luka 20:35

Bari saayaakoolaa wulindiroo koolaa, moolu mennu jarita badaa-badaa baluwo la, ì te futuu la, sako ka moo futundi.

Luka 21:36

Wo kamma la, ali koroosiroo ke waati-wo-waati. Ali ye duwaa fo ali si kana noo ñiŋ kuwolu bee ma, mennu ka naa, aduŋ ali si loo noo Moo Dinkewo ñaatiliŋo la.”

Kiilaalu 13:46

Bituŋ Pawulu niŋ Barinabas ye ì jaabi fatiyaa kono ko, “Alla la kumoo ñanta fo la alitolu foloo le ye, bari ali balanta a ma le, aduŋ ali ye ali faŋolu kiitindi le ko, ali maŋ jari badaa-badaa baluwo la. Wo kamma la, a fele, m̀ be taa moolu kaŋ, mennu maŋ ke Yahuudoolu ti!

Kiilaalu 14:22

Ì ye Yeesu noomalankoolu bambandi niŋ yaamaroo la ko, ì si tenteŋ lannoo kono. Aduŋ ì ko ì ye ko, “Ǹ ñanta toora kuu jamaa le taki la ka duŋ Alla la mansabaayaa kono.”

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Roomankoolu 8:17

Niŋ m̀ mu a diŋolu ti, wo to m̀ mu a keetaalaalu fanaa le ti. M̀ mu Alla keetaalaalu le ti, aniŋ Kiristu keetaañoolu: Niŋ a ye a tara, ǹ toorata a fee, m̀ be tara la a fee le fanaa kallankeeyaa* kono.

Efesusinkoolu 4:1

Wo kamma la, nte meŋ mu bunjawutonkoo ti Maariyo la kuwo kamma la, ŋa ali daani ka baluu niŋ baluuñaa la, meŋ jarita kumandiroo la, ali kumandita meŋ na.

Filipinkoolu 1:28

Ali jawoolu kana ali kijoo farandi feŋ-wo-feŋ na. Wo be ke la taamanseeroo le ti ì ye ko, ì be kasaara la le, bari alitolu be kiisa la le. Ñiŋ mu Alla la keroo le ti.

1 Tesalonikankoolu 2:14

Wo to baadiŋolu, alitolu keta Alla la kafoo nikinnaalu le ti, mennu laata Kiristu Yeesu la Yudeya tundoo kaŋ. Itolu toorata Yahuudoolu bulu le ko ali fansuŋ moolu ye ali toorandi ñaameŋ.

2 Tesalonikankoolu 1:11

Wo kamma la, ntolu te n dahaa la duwaa la ali ye. Ǹ ka ǹ na Alla daani le fo a si ali jarindi a la kumandiroo la, aduŋ fo ali la hame betoolu aniŋ dookuwo lannoo kono bee si timma ka bo niŋ a la semboo la.

2 Timoti 2:12

Niŋ ǹ wakiilita, ǹ niŋ a be maraloo ke la ñoo la le. Niŋ m̀ balanta ate ma, a fanaa be balaŋ na m̀ ma le.

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Lankenemoo 3:4

Wo ñaa-wo-ñaa, i ye moo dantaŋ ne soto Saridis jee, mennu maŋ ì la waramboolu kosondi. Wolu niŋ nte be taama la ñoo la waramba koyoolu kono le, kaatu ì jarita a la le.