2 Taarika 4:9 - Mandinka Bible

⁹ A ye piriisoolu la luwo dadaa aniŋ luu baa, a ye daalu ke ì la, bituŋ a ye ñiŋ daalu muuri jaawaloo la.

2 Taarika 4:9 Mawu Ofanana

1 Mansoolu 6:36

A ye konoto luwo sansaŋo loo niŋ bere biriki kunturiŋ jonki saba le la. Jonki saba niŋ jonki saba teema, a ye sedari babaroo laa jee.

1 Mansoolu 7:12

Luu baa ñiŋ murubenta niŋ sansaŋo le la meŋ loota niŋ bere kunturiŋo jonki saba la, aduŋ jonki saba niŋ jonki saba teema, sedari babara kiliŋ ne be jee, komeŋ Alla Batudulaa Buŋo* konoto luwo keta ñaameŋ aniŋ a pereŋo.

2 Mansoolu 21:5

A ye sadaabodulaalu loo Yaawe Batudulaa Buŋo luu fuloo kono le, saŋo santo malafeŋolu ye.

2 Taarika 33:5

A ye sadaabodulaalu loo saŋo santo malafeŋolu bee ye Yaawe Batudulaa luu fuloo to.

2 Musa 27:9

Ali si sansaŋo dadaa tiriliisoo karoo bee ye. A bulubaa karoo ñanta ke la nonkonkatiñaa keme le ti. A ridoolu ñanta ke la perekaanoo le ti.

Esekiyeli 42:15

Kabiriŋ kewo ñiŋ ye Batudulaa Buŋo konoto baŋ sumaŋ na, a ye m fintindi naŋ niŋ tilibo dundaŋ daa le la. Wo le to a ye a tatoo dandaŋo muumewo sumaŋ.