2 Taarika 4:7 - Mandinka Bible

⁷ A ye sani lampu looraŋ taŋ dadaa ko a yaamarita ñaameŋ, aduŋ a ye ì ke Alla Batudulaa Buŋo* kono. A ye luulu ke maraa karoo la, a ye luulu doo ke bulubaa karoo la.

2 Taarika 4:7 Mawu Ofanana

1 Mansoolu 7:39

A ye looraŋ luulu londi buŋo bulubaa karoo la, a ye luulu doo londi maraa karoo la. A ye dumbu baa ñiŋ londi buŋo bulubaa tonkoŋo la, tilibo karoo la.

1 Mansoolu 7:49

saniforo lampu looraŋolu, mennu luulu be bulubaa la, aniŋ luulu fanaa maraa la, Dulaa Senuŋ Baa* ñaatiliŋo la, firoolu mennu tunkanta sanoo la, aniŋ lampoolu niŋ baayaŋolu,

1 Taarika 28:12

Aduŋ a ye luwolu niŋ buŋ koteŋolu nuuneeriŋo fanaa bee dii a la, ko Alla la Nooroo ye a yita a la ñaameŋ, Alla Batudulaa maaboridulaa, aniŋ feŋolu maabodulaa mennu kerekereta Yaawe ye.

1 Taarika 28:14

A ye yaamaroo dii le, ì be sanoo aniŋ kodiforo nankamoo meŋ taa la, ka jooraŋolu dadaa,

1 Taarika 28:15

sani nankamoo ka sani lampoolu aniŋ sani lampu looraŋolu dadaa, aniŋ kodiforo nankamoo ka kodiforo lampoolu aniŋ kodiforo lampu looraŋolu dadaa,

1 Taarika 28:19

Dawuda ko, “Yaawe faŋo le ye ñinnu bee yitandi n na, ka bo niŋ a la kumoolu la, aduŋ ŋa a bee safee le, ko a keñaa yitandita n na ñaameŋ.”

Yohana 8:12

Yeesu diyaamuta moolu ye kotenke ko, “Nte le mu duniyaa la maloo ti. Moo meŋ ye nte nooma, wo maarii te taama la diboo kono, bari a be maloo le soto la meŋ ka baluwo dii.”

Hiburunkoolu 8:5

Wo piriisoolu la dookuwo mu taamanseeroo niŋ niiniyo doroŋ ne ti kuwolu to, mennu be Arijana kono. Wo kamma la, biriŋ Musa pareeta ka Tiriliisi Senuŋo loo, Alla ye a yaamari ko, “I si feŋolu bee ke ko, a yitandita i la ñaameŋ konkoo kaŋ.”

Lankenemoo 1:20

Wo looloo woorowuloo, i ye mennu je m bulubaa buloo kono, aniŋ sani lampu looraŋ woorowuloo, wolu kotoo fele: Wo looloo woorowuloo mu nte Yeesu la kafu woorowuloo malaayikoolu le ti, aduŋ wo lampu looraŋ woorowuloo mu Yeesu la kafu woorowuloo le ti.”