2 Taarika 21:2 - Mandinka Bible

² A ye doomaa wooro le soto, ì bee faa kiliŋ, Asariya, Yehiyeli, Jakariya, Asariya, Mikayeli aniŋ Sefatiya. Ñinnu bee mu Yehosafati diŋolu le ti, Yahuuda mansa.

2 Taarika 21:2 Mawu Ofanana

2 Taarika 12:6

Wo le to ñaatonkoolu niŋ mansa ye i fammajii, ì ko, “Yaawe tilinta le.”

2 Taarika 21:4

Kabiriŋ Yehoramu siikuuta a faamaa la siiraŋo kaŋ fo a bambanta, a ye a doomaalu bee le faa hawusaroo* la, aniŋ Banisirayila moo kummaa doolu.

2 Taarika 23:2

Ì taata Yahuuda bankoo bee kaŋ, ì ye Lewi lasiloo moolu bendi ñoo kaŋ ka bo Yahuuda saatewolu bee to, aniŋ kaabiila ñaatonkoolu, ì naata Yerusalaamu.

2 Taarika 24:16

Ì ye a baadee Dawuda la Saatewo* le to, ì ye mansoolu baadee daameŋ to, kaatu a ye kuu kende le ke Banisirayila ye, Alla ye, aniŋ a Batudulaa Buŋo ye.

2 Taarika 24:5

Bituŋ a ye piriisoolu niŋ Lewi lasiloo moolu kili, a ko ì ye ko, “Ali taa Yahuuda saatewolu to, ali ye kodoo kafu ñoo ma ka bo moolu bee bulu ka ali la Alla Batudulaa Buŋo dadaakuu, ko a ñanta ke la ñaameŋ saŋ-wo-saŋ. Aduŋ ali si a ke tarinke.” Bari Lewi lasiloo moolu maŋ a kuwo tariyaatoo ke.

2 Taarika 28:19

Mansa Ahasi le ye a tinna Yaawe ye Yahuuda la kuwo jindi, kaatu a ye kuruŋyaa le sembentuŋyaa Yahuuda, a maŋ foroyaa ka dankeneyaa Yaawe la.

2 Taarika 28:23

A naata sadaa bo Damasiku alloolu le ye, mennu ye a noo nuŋ keloo to. A ko, “Bayiri Aramu mansoolu la alloolu le ka ì maakoyi, m fanaa be sadaa bo la ì ye le, fo ì si m maakoyi.” Bari wo le keta a la kasaaroo ti, aniŋ Banisirayila bee.

2 Taarika 28:27

Ahasi naata bele ka kafu a mumuñolu ma, ì ye a baadee Yerusalaamu, bari ì maŋ a samba Banisirayila mansoolu la kaburoo to. Bituŋ a dinkewo Hesekiya keta a noo to mansa ti.

2 Taarika 33:18

Manase kekuu koteŋolu, a la duwaa, aniŋ annabiyomoolu ye kumakaŋolu mennu fo a ye Yaawe too la, Banisirayila la Alla, bee be safeeriŋ Banisirayila Mansoolu la Kitaaboo le kono.

2 Taarika 35:18

Ñiŋ ñoŋ juuraloo maŋ soto Yaawe Tambi Tumoo Juuraloo to Banisirayila ka bo biriŋ Annabilayi Samuweli jamaanoo la. Banisirayila mansa nene maŋ Yaawe Tambi Tumoo juura teŋ ko, Yosiya niŋ piriisoolu niŋ Lewi lasiloo moolu ye a juura ñaameŋ, ka taa Yahuuda bee aniŋ Banisirayilankoolu mennu maabeeta, aniŋ moolu mennu be sabatiriŋ Yerusalaamu.